¹ Asa meluah ngo kita, alani ngo asaipeluah Kristus i, hot mo ke cender unang ne kene ngeut lako mengulaken ulan hamba. ² Begeken mo! aku Paulus kudok mo en bamu, molo ijalo ko persunaten i, Kristus i oda ngo lot guna na bamu! ³ Sekali nai kudokken bai ndene karina jelma si menjalo persunaten kennah enggo ia menguei kerina patik ni Debata. ⁴ Molo geut ngo ke merusaha naeng petokoken dekket, mendalanken patik, geluh ndene enggo isirangken bai Kristus nai dekket mendok sitoko. ⁵ Merkiteken tendi dekket kepercayaanta kipema-pemaken pengharapan dekket kesittongen. ⁶ Ala ibagasen Jesus Kristus mersunat dekket oda mersunat oda ngo lot guna na, pellin kinipercayaan namengula namerkiteken kelleng i ngo asa lot lapatenna. ⁷ Kene enggo merdalan toko isi menggugai kene lako menguei kesittongen? ⁸ Kerina i, oda ngo lot bana nai, si enggo mendiloi kene. ⁹ "Citok pe ragi, kimbang ngo ibaen adonan si enggo igaru i". ¹⁰ Porsea ngo aku i bagasen Tuhan, kene oda geut menjalo pikkiren sinasing alai, manang ise menggutturi kene jalonna ngo hukumenna. ¹¹ Kene akka dengan, molo aku tong mengkataken sunat, kasa ngo aku naing ilele? molo bagi , naing meradi mo gasip ni silang i. ¹² Harap ngo aku kalak si menggutturi kene i mengagoken dirina ngo ia isi. ¹³ Mi keluahen i ngo kene idilo, kene karina dengan-dengan asa unang keluahen i botcir ni perubaten, alai merkiteken kelleng ingo kene mersiuen. ¹⁴ Ai karina kata dekket patik mendok, "kellengi mo denganmu bage ko mengkellengi dirimu. ¹⁵ Alai molo merubati kene, dekket mersikaruten, jaga kene mo asa unang kene mersingat-ngaten. ¹⁶ Alai en mo, kudok; merguru mi tendi i mo kene, unang ulaken kene kicap-kicap ni daging. ¹⁷ Meralo mi tendi ngo, kicap-kicap ni daging, alai meralo mi daging ngo sakkap ni tendi: gabe meralo ngo, mi daging sakkap ni tendi: gabe meralo ngo, asa unang ipesaut sinipengido roka ndene. ¹⁸ Alai, molo kono i rajai tendi, ko oda lot i bagasen hukum patik. ¹⁹ Ai teridah ngo; sini ula ibagasen; perdagingen, pengelakkupen dekket pengelako si mada toko. ²⁰ Mersembah mi begu, kedatun, permusuhen, perubaten, cimburu, permuruk-muruk, perungut-ungut, dekket perselisihen, ²¹ Membunuh, permabuken, dekket kaarina sarupa misi. Enngo ngo kupaksa najolo bai ndene ima ngo sibagendari, ai oda ngo jalon simengulaken si bagidi i kerajaan ni Debata. ²² Alai en ngo perbue ni tendi, kelleng dekket las niroka, dame dekket lambas ni roka, keporseaan, ²³ Lambok niroka, dekket kirajai diri. Oda ngo lot patik meralo misi. ²⁴ Alai kalak sini gemgemmi Kristus Jesus ipersilangken mo diriNa dekket kicap-kicap, dekket sakkap-sakkap. ²⁵ Molo enggo ipegelluh tendi ikita, tapengulaken mo tendi i! ²⁶ Unang mo taayaki kesangapen rumar, unang mersiasangen, dekket unang mersilateen!