¹ Alai en ngo kudok: tikki ketek deng sidasa i, oda lot kade kalih na dekket anak somang, tung pe karina ia sidasa. ² Ia mengueio karina aturen silot isapo i,pema oda deng dapet kade sinidokkon Bapana. ³ Bagi ma ngo dekket kita; manang kita nggeut iperhamba si kade lot masa i portibi en. ⁴ Alai nggo kessa dapet tikkina,isuruh Debata mo anakna tubuh isakalak daberru nai, ibagasen patik. ⁵ Asa itebbus karina sini bagasen patik i, asa boi ibaen kita gabe dukak-dukak na. ⁶ Jadi, anak ngo kene, isuru Debata ngo mi bagasen rokanta Tendi ni anak nai, simendok; ABBA{Ale Bapa}. ⁷ Ala ni i, oda ne ngo hamba ko, alai dukak ngo! Ai molo dukak, kono ngo sidasa merkite-kiteken Debata! ⁸ Ala oda itandai kene Debata, kade si oda Debata sidasa. ⁹ Molo bagendari i tandai ngo Debata: Debata pe nggo itandai kene. Kasa merbalik nola kene, mulak mi pengelako simada kaseadekket simerlea, asa iueken kene nola? ¹⁰ Gabe siradori ari, bulan tikki dekket Tuhan kene. ¹¹ Kelsohen ngo Aku bai ndene, tah oda ngo merlapaten kelejanku mengkep-kep kene. ¹² Aku mengido bai ndene, bagi Aku mo kene. Ai Aku pe bage kene ngo. ¹³ Ai ibettoh kene ngo, merleja-leja ngo Aku lako merembah bai ndene berita simende. ¹⁴ Asa tikki terunjung kene ala mi daging Ku, oda ngo lea roka ndene dekket ki tulak Aku. Alai ijalo kene ngo Aku bage suruh-suruhen mi Tuhan dekket iakap kene ngo Aku Jesus Kristus. ¹⁵ Katerra ngo iakapken kono pasu-pasu i bagendari? alana Kutadingken ngo kene njalo, molo boi, kicokil mata ndene i pe lako leanen nde baKu geut ngo kene. ¹⁶ Oda ngo Aku bagendari musuh ndene, alai kipeteridahkenkesintongen i bamu? ¹⁷ Oda ngo pellin kian rokana lako mengkep-kep kene, alai naing ibaen ngo kene mi duru, asa ngeut roka ndene mengkep-kep kalak i. ¹⁸ Bagak kian ngo molo mertuhu-tuhu kene lako mengulaken simende, alai unang mo itikki itengah-tengah ndene Aku. ¹⁹ Kene karina dukak-dukakKu, geut ngo Aku menahanken kerina, pema tridah rupa ni Kristus bai ndena. ²⁰ Ipengido roka ku ngo, asa itengah- tengah ndene Aku, asa terpetoko Aku sora ki, ala merukkil ngo Aku ala ni kene. ²¹ mo baku, kene sinaing gelluh ibagasen patik, oda ngo ibegge ko kade idok ibagasen bukku patik? ²² Lot ngo tersurat isi: dua ngo duksk ni si Abraham, sada tubuh i ketobanna nai, sada tubuh idaberru nai. ²³ Alai dukak situbuh i Ketoban nai, tubuh ngo ia ibagasen daging, alai dukak si tubuh i daberru i nai tubuh ngo ibagasen tengah-tengah ni Debata. ²⁴ Tengen mo i, alana daberru sidua kalak i, imo peteridahken padan sisni bain ni Debata. sada bagah-bagah i delleng Sinai menubuhken dukak lako hamba imo si Hagar. ²⁵ Bagendari, si Hagar menandaken delleng Sinai itanoh Arab, dos dekket Jerusalem sibagendari alana ia gelluh iperhamba deba dekket dukak-dukakna. ²⁶ Alai Jerusalem sisnibabo i: imo daberru simenjalo perjanjin, janah ia ngo sikipeppar kita. ²⁷ Lot ngo tersurat, merlas ni roka mo ke, kene daberru sioda tubuh-tubuhen, mengido dekket mersurak mo kene. Kene sioda mengakapken ciona lako menubuhken. alana, mbuen ngo dukak sisakalak i asa daberru silot daholina. ²⁸ Kene karina dengan-denganKu, kene ngo dukak sini janjiken bage si Ishak. ²⁹ Itikki i, dukak situbuh merkite daging mengagoken dukak situbuh merkite tendi bage masa sibagendari. ³⁰ Alai kade ngo idok bukku sibadia i? Pesulak momlaus daberru hamba i dekket dukakna, alana dukak hamba oda boi mewarisi dekket dukak ni sidaberru sini janjiken Tuhan. ³¹ Ala ni i kene akka dengan, kita oda ngo dukak hamba sidaberru i. Alai dukak daberru sini bagah-bagahken ni Debata.