¹ Aku Paulus, menjadi Apostel oda alana ni jelma manang merkiteken jelma. Alai ala Kristus Jesus dekket Allah Bapa na pekeken ia, i kalak simate nai. ² Dekket karina dengan sada kepercayan bak dengan ku, bai huriana i Galatia. ³ Pasu-pasu dekket dame si toko baindene bai Allah Bapa ta dekket Tuhan Jesus Kristus. ⁴ Na enggo mengelean dirina mi dosa-dosanta naing peluahken kita i jaman sijahat baendari bagendari en dos dekket lemmo ate Allah Bapanta. ⁵ Bana mo kesangapen sindekkah-dekkah na. Amen. ⁶ Lengngang ngo Aku, ala ndor kian kene menadingken Jesus. Na menenggoi ko merkiteken pasu-pasu Kristus, merbalik mi kata Tuhan naasing. ⁷ keppe oda ngo lot naing memutar balikken kata Tuhan Kristus. ⁸ Nang pe kami manang sakalak suruh-suruhen sinisurgo nai membagahken bamu kata Tuhan nameralo dekket kade si enggo kami bagahken bamu, ai kenna sumpahi!. ⁹ Bage nggo kudokkon manang sideka-dekahna. Bagendari kudokkon kami nola. Molo lot kalak mensukutken kata Tuhan nameralo dekket kade si enggo ijalo kene, belli mo bagi ia kenna sumpahi. ¹⁰ Oda ngo bagendari Aku menulusi asa iakui jelma manang iakkui Debata? manang oda ngo Aku mengoji pesenangke jelma?, molo bagi Aku oda perkebbas Kristus. ¹¹ Dengan-dengan, asa ibettoh kene ngo kata Tuhan na kuranaken oda ngo kata Tuhan si baen jelma. ¹² Aku oda menjalo bai jelma nai, manang Aku mempersiajari bai jelma nai, alai Aku menjalo merkite pernataan bai Kristus Jesus nai. ¹³ Ala kene nggo membegge terenget gelluh sindekkah i. Bai agama Jahudi Aku pepersuk-persukken huria ni Debata dekket oda meralang-alang brusaha naing mencedaken. ¹⁴ Aku pande kian trenget agama Jahudi, ndaoh lebbih pande ibandingken dekket kalak sa umur nai, Aku burju kian ngo menjaga adat empungku. ¹⁵ Itikki Debata, na enggo menirangken itikki ibeltek inangku nggo menenggoi Aku merkite-kite pasu-pasu ni Tuhan. ¹⁶ Peteridahken anak ni Debata ibagasen Aku asa Aku boi mensukutken Tuhan bai kalak si oda Jahudi, Aku oda mengido peddah bai nise poda. ¹⁷ Aku pe oda laus mi kuta Jerusalem naing pejumpa bak kalak i na enggo menjadi apostel pema oda deng Aku, alai Aku laus naing ndor mi Arab dekket mulak nola mi Damaskus. ¹⁸ Tellu tahun nanaing roh, Aku laus mi Jerusalem naing mersitandan bak si Kepas. Asa rebbak mo bak kalak i sipuluh lima ari dekkah na. ¹⁹ Alai Aku oda lot mernidah nanggo sada Apostel-apostel isi. Holan si Jakkobus dekket kaka anggi ni Jesus. ²⁰ Kene ku baen porsea ibagasen Debata ala kade pe i suratken bamu oda gabus. ²¹ Sidung i, Aku laus mi si Ria dekket mi Kilikia. ²² Aku oda deng menandai tangkas ruas huria na ibagasen Kristus na lot i Judea. ²³ Kalak i nggati membegge, Ia tikan i meniksa kita, bagendari memberitaken kepercayan sitikan i nung ngo i oji lako mencedaken. ²⁴ Kalaki memoji Debata ala ni Aku.