¹ Sipuluh empat tahun naing roh, Aku roh nola mi kota Jerusalem dekket Barnabas merembah Titus rebbak Aku. ² Laus pe Aku ala lot ngo sada petuduhken bak naing ki peterangken bai kalak i kata Tuhan na ku beritaken imo mi si oda kalak Jahudi. Alai, Aku membaen perjumpan sakalak, imo bak kalak na merpengaruh naing memastiken molo na ku krejoken i, dekket na enggo ku kerejoken i oda ngo merlapaten. ³ Alai, Titus, na rebbak Aku i, oda ngo ikkon i sunat nang pe ia kalak Junani. ⁴ En terjadi ala lot dengan-dengan si mada toko na sip-sip masuk dekket mergalip lako naing mengintip-intip keluahenta na lot i bagasen Jesus Kristus asa i embah kita mulak gabe hambana. ⁵ Kami oda nggeut menguei rana kalak i sikkarang pe asa kesintongen kata ni Debata tong tinggal ibagasen roka mu. ⁶ Alai jelma si mengeta-eta i, kesangapenna oda perlu baku ala Debata oda membeda-bedaken, kalak i oda menambahi kade pe baku. ⁷ Sibalikna kalak i mernidah ala baku nggo i percayaken kata ni Debata bai kalak simeroka simada kasea dos bagi si Petrus na nggo i percayken kata Tuhan bai kalak si toko roka. ⁸ Ala Jesus nggo mengula merkiteken si petrus naing jadi Apostel bai kalak si toko roka, Ia nola pe mengula merkite aku bai Apostel i mi kalak oda Jahudi. ⁹ Dung i Jakobus, Petrus, dekket Johannes na ipasangap bage Guru Ia bak anggota gereja mengngakkui pasu-pasu na i bereken baku, kalak i mengelean tangan kamuhen persadan bak si Barnabas dekket baku asa kami laus mi kalak oda Jahudi, keppeken kalak i laus mi akka jelma si toko roka. ¹⁰ Kalak i mengido kami mernenget kalak sipogos, aku pe ngkasah kian ngo lako mengulaken. ¹¹ Nang pe bagi, i tikki si Kepas roh mi kota Antiokhia, aku terbuka mengalo ia ala nggo tangkas ia mersalah. ¹² Ala oda deng roh kalak - kalak terpenting kalangen Jakobus, si Kepas nggo mangan rebbak ken jelma i si oda kalak Jahudi. Alai itikki kalak i roh ia mulai surut menirangken dirina ala mbiar ia mi golongen kalak si nggo i sunat. ¹³ Kalak Jahudi sideban nai trekut-ekut nmenguleken mengulaken ginjang ni roka bak ia, si Basarnas pe ngekut ngo merginjang niroka rebbaken kalak i. ¹⁴ Tikki Aku meningin kalak i mengulaken oda sandalanen dekket kesintongen kata ni Tuhan, alani Aku mendokkon bai si Kepas ijolo jelma mbue, " molo kene kalak Jahudi gelluh oda bage kalak Jahudi, katera kene memaksa kalak oda Jahudi naing gelluh bage kalak Jahudi?" ¹⁵ Kita imo naitubuhken bage kalak Jahudi dekket oda kalak si perdosa i bangso oda Jahudi. ¹⁶ Alai ta bettoh ngo sakalak pe oda boi i pesintong na mengulaken patik, alai merkiteken kepercayaan ibagasen Jesus Kristus alai kita sipercaya bai Jesus Kristus asa kita i pasintong merkiteken kepercayan merkiteken Kristus, oda ngo ala mengulaken patik ¹⁷ itikki kita merusaha asa ipasintong ibagasen Kristus, dirinta pe terdapet deng ngo si perdosa, Kristus ingo kate ndene perhobas dosa? tentu oda! ¹⁸ Molo Aku membangun mulak kade si kurumpakkeni , Aku pesintongken imo sakalak jelma ki lausi patik. ¹⁹ Alani merkiteken patik, Aku nggo mate bai patik asa Aku boi gelluh ibagasen Debata. ²⁰ Aku nggo i silangken dekket Kristus. Oda ne ngo Aku gelluh alai Kristus ngo gelluh ibagasen Aku. Kenggeluhen bagendari kenggeluhen ibagasen daging imo gelluh ala kepercayan i bagasen anak ni Debata, na mengkekelengngi Aku, dekket mengelean dirina baKu. ²¹ Aku oda mempersoadaken pasu-pasu ni Debata alana pesintongen roh merkite patik, simago-mago mo kematen Kristus!