¹ Enggo ketca Isa tukhun i delleng nai, janah mbue jehma mengekuti Ia. ² Bakhu, idahmo, hada kalak si sakit kusta bakhu khoh taba-Sa, dekket sujud i jolo-Na bakhu i dokken, "Tuan, mella sekel kona, malumken mo aku." ³ Bakhu Isa mendokhoken tangan-Na dekket menjamah sa, ni-Na mo, "sekel ngo Aku, malum mo kona." Mentekh ndekhang idi, enca njuah mo jehma idi. ⁴ Bakhu, Isa mecekhok bana, "pekhdateken mo, ulang kona mencekhokken bakhang kade mi pe kalak, tapi laus mo kona pecidah mo dikhimu mi imam, dekket bekheken mo pelen si i pekhintahken Musa menjadi kesaksian mi kalak idi. ⁵ Enggo kessa Isa masuk mi Kapekhnaum, hada kalak pekhwikha khoh mendahi Ia, ⁶ bakhu i dokken, Tuan, hambaku bagendakhi cacat i hapo, nde khsahmi akap." ⁷ Bakhu, Isa mecekhok nina mo: "Aku kenah khoh ki pe njuah ia." ⁸ Enggo kessa bagi, pekhwikha i aloi bak idokken mo, "Tuan, aku oda pantas ba-Mu masuk mi bagas hapo ku tapi dokken sambin mo cituk khana bak hamba ku asa njuah iakap na. ⁹ Kumekhna, aku pe kalak si lot i tekhuh kekuasaen, dekket tentakha-tentakha i tekhuhku. janah, mula kudokken bai sada kalak 'laus mo kona,' laos mo ia, dekket mi sideban mang,'khoh mo ko, bakhu khoh mo ia, bak mi hambaku, 'kekhejoken mo en, bakhu i kekhejoken mang mo." ¹⁰ Enggo kessa Isa ki begge idi, her khan mo Ia bakhu idokken mo bak kalak si mengekuti Ia," Aku mendokken situhuna mi kona, otang pekhnah ku idah iman bagen belgahna i antakha kalak Iskhael. ¹¹ Aku mendokken mi kona mbue ngo nan khoh i timukh bak i bakhat nai, bakhu dogong mangan dekket Abkhaham, Ishak, dekket Yakub i bages kekhajaen Sokhga, ¹² tapi anak-anak kekhajaen idi nai i ambongken mi bages si gelap imo si paling galap na. I sa doi lot mekhbonek ate dekket epen si mekhkkhutuken. ¹³ Bakhu, Isa mendokken bana pekhwikha i, "laus mo kona, beli mo i masa bamu bage si i pekhcayai kona. " Dekket waktu ni pe, njuah mo hamba na i. ¹⁴ Enggo kessa isa soh i hapo Petkhus, i idah mo simatua Petkhus janah gale bak magin ia. ¹⁵ Bakhu, Isa menjemak tangan simatua ni Petkhus i janah njuah mo i akap. Enggo kesa i, kekemo ia bak langsung melayani Isa. ¹⁶ Enggo kesa ning gelap wakhi, kalak i mekhembah jehma mbue si seluken khuh jahat, bakhu Ia mengusikh khuh-khuh idi,dekkat rana sambin, bakhui i malumken kakhina kalak si sakit, ¹⁷ asa tekhjadi kade si ni cekhokken si nabi Yesaya: "Ia mo si memuat kelemahen-kelemahen ta dekket memalumken kakhina sakit ta." Yesaya 53:4 ¹⁸ Bagendakhi, Enggo kesa Isa mengidah jehma mbue i keliling-Na, Ia memekheken pekhentah na lako laus mi subekhang. ¹⁹ Enggo kesa, lot kalak ahli Taukhat khoh deket mendokken ba-Na, "Guru, aku naing mengekuti-Ko mike pe ko pak i mang mo aku." ²⁰ Bakhu, isa mendokken bana, " Par khubah si dasa liang deket manuk-manuk i langit sidasa asakh-asakh. Enggo kesa, Anak Jehma otang lot sidasa bekas ilako menggampakhken takal-Na." ²¹ Sada kalak pengikut mendokken ba-Na, "Tuhan, izinken mo aku lako perlebbe jolo laus deket mengkubukhken bapakku ." ²² Enggo kesa i Isa mendokken bana, "Ekutken mo Aku, dekket belli mo kalak mate mengkubukhken kalak mate sesama kalak i." ²³ Bakhu, Enggo kesa Isa naik mi bungki, pengikut-pengikutna mengekutken Ia. ²⁴ Bakhu, tengen mo, masa masa mo badai belgah i dano sampe bungki i pe enggo tekhtutup ombak. Tapi, Isa metdem. ²⁵ Bakhu, khoh mo pengikut-pengikut mendahi Isa bakhu mendungoi Ia, nina mo, "Tuhan,selamatken mo kami! Mate nai ngo kita en!" ²⁶ Bakhu, Ia mecekhok taba kalak i, "kasa kona mbiakh, kona si kukhang bekhiman?" Bakhu cendekh mo Ia deket ki pendong angin bak dano i, janah langsung mo ndong. ²⁷ Janah, kalak i hekhan bakhu i dokken mo, "Jehma bakune ngo Ia en, sampe angin bak dano mekhpenguei mi Ia!". ²⁸ Enggo kesa Isa soh subekhkhang dano i bekas kalak Gandakha dua kalak si i seleppi setan i khoh mendahi Ia. Kalak i keluakh i kubukhen nai janah jahat kalon soh otang lot kalak boi kilewati dalan idi. ²⁹ Jadi tengen mo, kalak i mesukhak, nina mo, " kade ukhusen Mu deket kami, kona Dukak Allah? Tah khoh Kona lako ki ndersa kami no ngo sendekhang masa na deng?" ³⁰ Bakhu, nakhih ndaoh be kalak i nai lot piga-piga babi si naing menulisi pangan na. ³¹ Setan-setan idi mengido taba Ia janah i dokken, "Mula Kona naing ki pelaus kami, sukhuh mo kami pindahmi bages bai-babi i." ³² Bakhu, i dokken Isa mo bak kalak idi, "laus mo kene!" Jadi, laus mo kalak i janah masuk mi bagas bai-babi i, Bakhu, kakhina babi-babi i pe ndaboh mo mi jukhang i biding dano i janah mate tekhneknek. ³³ Jehma-jehma si mermakan pinakan babi i pe mekhlojangen, janah masuk mi kota, janah menulutken kakhina na, deket kade pe si tekhjadi be kalak jehma-jehma si i seluki setan i. ³⁴ Bakhu, tengen mo, kakhina kota keluakh lako simbak mendahi Isa. Enggo kesa i idah Isa kalak i memido taba-Sa lako menadingken bekas idi.