¹ Ulang kihakimi sa kona pe nda mang kena hakimi. ² Kekhna dengan penghakimen si kona bain lako menghakimi, kona pe akan i hakimi, dekket ukuren si kona bainken mahan ukukhen lako mengukukh kona. ³ Nai, kune sa i idah kona potongen kayu i mata seninamu, tapi otang memetoh kayu lot i matamu sendiri? ⁴ Ato,bakune kona bisa mecekhokken mi seninamu, 'belli mo sa ku keluarken potongen kayu idi i mata mu nai,' tapi tengen mo, lot potongen kayu i mata mu? ⁵ Oi, kene kalak munafik keluakh ken lebe balok i matamu nai, nca baru kona boi mengidah jelas lako mengeluakhken potongen kayu idi i mata seninamu. ⁶ Ulang bkheken barang si suci mendahiken biang-biang, ulang mang mo i capakken mutiarha mi jolo babi asa ulang i lucak-lucaki bakken nehena bakhu khoh ki khaok-khaok kona. " ⁷ "Pidomo, asal i pido kona pasti i bekheken bamu. Tulusimo, bakhu kona pasti mendapet. Tuk-tuki mo, bakhu kennah ibukaken mendahi kona. ⁸ Kumekhna, kakhina jehma si mengido, ia menjalo, bakken jehma si menulusi pasti mendapet, bakken si mentuk-tuki kennah i bukaken. ⁹ Ato, ise i antakha kona, mula dukak na mengido khoti bakhu i bekhkhe nola batu mi dukakna idi? ¹⁰ Ato, mula dukakna mengido ikan, ia oda ngo memekhen nipe mi dukakna idi, kan? ¹¹ Jadi, mela kona hambin kalak si jahat toh kona bakune ki bekheken si mende mi dukak-dukak mu, apa lagi nomo Bapamu sini sorga, Ia kenah memekheken si mende mendahiken kalak si mengido taba-Sa" (Hukum Si Pekhlebbe) ¹² "Kekhna idi, kakhina si pot bamu asa kalak memaingken idi taba kona, bagimang pe kona kibainken mendahiken kalak i kumekhna enda mo Hukum Taurat deket kitab nabi-nabi." ¹³ "Masuk mo ke lewat gekhbang si sempit kumekhna mbelang ngo gekhbang dekket mbellang dalan lako mi kematen i, enca mbue ngo kalak si masuk takhap i. ¹⁴ Kumekhna, sempit ngo gekhbang i dekket sesak ngo dalan lako menuju kenggeluhen i, dekket cituk ngo si kejumpai-sa. ¹⁵ Enca, hati-hati mo kene tekhsenget nabi-nabi palsu si khoh mendahi kona mekhpaken domba, tapi situhuna kalak i mo sekhigala-sekhigala si njahat. ¹⁶ I buahna nai ngo kona menandai kalak i . Boi no kalak i pepulungken buah anggur i bekas si mpekhkhen si mekhdokhi dekket buah-buah ara i suan-suanen mekhdokhi nai? ¹⁷ Bagi mang, kakhina na batang-batang si mende kenah memekheken buah si mende, tapi batang-batang si otang mende memekheken buah si otang mende. ¹⁸ batang-batang si mende otang memekheken buah si otang mende, dekket batang-batang si otang mende otang memekheken buah si mende. ¹⁹ Karina batang-batang si otang memekheken buah si mende kenah itabah dekket i ambongken mi bages api. ²⁰ Nca, i buah na nai ngo kona menandai kalak i. ²¹ Otang kakhina ngo jehma mecekhok bang-Ku, Tuhan, Tuhan,' masuk mi kekhajaen Sokhga, tapi kalak si mengkkhejoken si i sukhuh Bapa sini sorga . ²² I wakhi i, mbue jehma mendokken bang-Ku, Tuhan, Tuhan, otang kah kami memahani i bages gelakh-Mu, dekket ki pelaus khuh-khuh si njahat i bages gelakh-Mu, dekket memainken mukjizat i bagesen gelakh-Mu?' ²³ Bakhu, Aku ning kipecidah mi kalak idi, 'Aku otang pekhnah menandai kona! laus mo kene i gembakh-Ku nai, kona si memaingken pengelako si otang mende!"' ²⁴ (Begeken Dekket Ulaken Mo) V 24 "Kekhna i, kakhina jehma si memege cekhkhok-Ku dekket kalak si mengulaken sa kenah menjadi jehma si bijak, si membangun hapo na i babo batu. ²⁵ Bakhu, khoh mo udan dekket khoh mang mo banjikh, dekket angin ndekhas khoh mendapetken hapo i, bakhu, hapo i pe otang mekhumpak kumekhna i cendekhken i babo batu. ²⁶ Dekket, kakhina jehma si memege cekhok-Ku i dekket si i otang mengulaken na kennah dos bage kalak si moto si mencendekhken hapo na i babo pasikh. ²⁷ Bakhu, khoh mo udan dekket khoh mang mo banjikh, dekket angin kencang pe mengembasken hapo i, baru hapo i pe mekhumpak , janah keah kalohon mo." ²⁸ Enggo kesa Isa siap mecekhkhok si enda, dom ngo jehma tekhhekhan-hekhan mi pengajakhen Na, ²⁹ Kekhna ia mengajakhken kalak i imo kalak si mekhkuasa bage kalak ahli-ahli Taukhat i.