¹ Isa keluakh i Bait Allah bakhu laus waktu kalak pengekut-Na khoh lako menuduhken bangunen-bangunen Bait Allah mendahi-Na. ² Deket, Ia mengkuso mendahi kalak idi, ''otang pana idah kona kakhina en? Aku mendokken situhun na mi kona otang lot sada batu pe i henda naing i beli lot i babo batu si deban, si otang naing kukhumpakken.'' ³ deket, waktu Isa kundul i babo bukit Zaitun, pengekut-pengekut khoh mendahi-Sa cakha sendikhi janah mencekhok, ''dokken mo mi kami, dahakhi naing tekhjadi janah kade mo naing menjadi tanda pikikhen-Mu dket akhikh zaman i?'' ⁴ Isa mengaloi kalak i, pedateken mo asa otang lot ise jehma si ki lalingken kona. ⁵ kekhna,mbue si naing khoh kekhna gelakh-Ku dekket mendokken, 'Aku mo Isa AL-Masih, 'Deket kalak i naing ki lalingken dom kalak. ⁶ Kona naing memegge pekhangen deket kabah-kabah tekhsenget pekhang. Pedateken mo asa kona otang mbiakh kekhna si deban-deban tekhjadi, tapi en otang sidung. ⁷ Kekhna i, bangsa nai keke melawan bangsa, deket kekhajaen naing melawan kekhajaen, janah i bekas si deban nai lot kelehen deket gempa bumi. ⁸ Kakhina sideban en imo pekhlebe i pendekhitaen sakit ki tubuhken. ⁹ Nggo kesa i, kalak idi naing memekheken mi kesiksaen, janah naing ki pateken, janah kona naing i pemoyang kakhia bangsa kekhna gelakh-Ku. ¹⁰ Waktu wakhi i, mbue naing tekhtuktuk, deket saling memekheken,deket memoyang ate sada deket si deban ken na. ¹¹ Dom nabi palsu naing tekhidah deket melaling ken kalak si dom. ¹² Kumekhna, pelangakhen makin dom na, kasih dom su kalak naing jadi bekhgoh. ¹³ Tapi, kalak si tahan soh mi podina naing mo i selamatken. ¹⁴ deket, Injil kekhajaen enda naing i bekhitaken mi selukhuh dunia gabe kesaksien mi kakhina bangsa, deket nggo kes i naing khoh kehabisen na. ¹⁵ ''Nggo, kesa kona mengidah penghapusen si ngekhi, bage sini dokken Nabi Daniel,cendekh i bekas suci ,naing mo kalak kibaca janah ki antusi, ¹⁶ Kalak i si lot i Yudea kenah melakhiken dikhi mi bukit. ¹⁷ Ise si lot i babo sapo,ulang mo ia tukhun lako memuat kade pe i bagas hapo na i. ¹⁸ Ise si lot i juma ulang balik lako memuat jubah na. ¹⁹ Nai, sudah mo kalak isi mekadong deket kalak si menusui anak bakha na ibas wakhi-wakhi i. ²⁰ Mekhsodip mo asa pelakhien mu ulang pas musim bekhgoh makhang i wakhi sabat. ²¹ Kekhna ngo kesa i naing tekhjadi mas pendekhitaen mbelgah, bage si makden nung tekhjadi pekhlebe dunia soh bage dakhi, janah otang nung tekhjadi ne. ²² deket, mela akhi-akhi otang i pejopok, otang lot geluh i selametken. Nai, kemekhna kalak si tekhpilih, akhi-akhi naing i pejopok. ²³ Nggo kesa i, mella kalak mecekhok mendahi kona, 'Tenggen Al-Masih lot isi,' makhang 'Ia lot i hadoi,' ulang mo pekhcaya tabasa. ²⁴ Kekhna, Al-masih_Al-masih si palsu deket nabi-nabi si palsu naing tkhidah deket naing memaingken tanda-tanda si belgah deket mujizat-mujizat janah melalingken, mula mungkin, kalak i tekhpilih. ²⁵ Pedateken mo, Aku nggo mendokken mendahi kona simakden. ²⁶ Nggo, mela kalak i mendokken mendahi kona, 'tengen, Ia lot i padang belantakha,' ulang laus mi hadoi, makhang 'tengen, Ia lot i bages kamakh i,' ulang pekhcayai. ²⁷ Kumekhnaken, dos bage pelian si mbicakh i timur deket mekhsinakh so mi barat, bagi mang pe pekikhoh dukak jehma naing tekhjadi. ²⁸ I bekas si lot bangke, isi mo manuk-manuk nasar i naing mekhebak.'' ²⁹ ''Nggo, kesa masa pendekhitaen i, 'Matahakhi naing i bainken gelap, deket bulan otang ne memekheken cuhaya, Bintang-Bintang naing mekhdabuhen i langit nai, deket kuasa-kuasa i langit naing i gocangken.' Yesaya 13:10; 34:4 ³⁰ Nai, tanda dukak ni jehma naing tekhidah i langit deket suku-suku i bumi naing mekhbonek ate. kalak i naing mengidah dukak jehma khoh bages hembun-hembun i alangit, baken kuasa deket kemuliaen si belgah. ³¹ Deket, Ia naing menukhuk malekat-malekat-Na baken sora tkhompet si gang, deket kalak i naing ki pepulungken umat sini pilih-Na i empat penjukhu bumi , i ujung langit si sada nai mi ujungna si debanken i. ³² Bagendakhi, pelajakhimo pekhumpamaen i batang khabung nggo kesa rantingna gabe moh deket bulug-bulungna mekhtunas, kona memetoh musim gakha nggo jolmit. ³³ Bagi mang pe ngo kesa kona idah kakhina i, kona memetoh nata Ia ngo jolmit ,i jolo pentu. ³⁴ Situhun na, Aku mendokken mendahi kona kekhna penekhus en otang ning melewati soh kahina en tekhjadi. ³⁵ Langit deket bumi naing mbalang, tapi fikhman-fikhman-Ku otang ning balang .'' ³⁶ ''Tapi, tekhsenget akhi deket waktuna, otang lot sada poda memetoh malekat-malekat i sukhga pe otang, Si Dukak pe otang, tapi si bapa kesa. ³⁷ Dos bage si tekhjadi pas zaman Nuh, bagi mang mo pekikhoh Dukak jehma naing tekhjadi. ³⁸ Kumekhna i, dos bage wakhi-wakhi semakden lae belgah, kalak i mangan deket menum, kawin,deket i kawini, soh mi akhi Nuh masuk mi bages bongki bahtra. ³⁹ deket, kalak i otang mengantusi soh lae si mbelgah khoh deket kibalangken kalak i kakhina; bagi mang pe pekikhoh Dukak jehma ning tekhjadi. ⁴⁰ Nggo kesa i, lot dua kalak i juma; si sada i naing ki buat deket si sada naing i tadingken. ⁴¹ Dua dabekhu naing menggiling i batu pengilingen i, sada ning ki buat deket si sada naing i tadingken. ⁴² Kekhna i, mekhjaga-jaga mo kekhna kona otang itoh i akhi kade Tuhanmu naing khoh. ⁴³ Tapi, betohkomo enda kekhna ukum tuan sapo nggo memetoh dahakhi, i waktu bekhngin, si penako naing khoh, ia naing mekhjaga-jaga deket otang ki belli sapona kena khumpakken. ⁴⁴ Kumekhna idi,kona pe khaus siap sedia kekhna dukak jehma khoh i waktu kona otang memetoh. ⁴⁵ ''Bakhu, ise mo hamba si setia deket patasna, si tuan i mengangkat kakhina sapo na lako memekhe kalak i panganen i waktu si pas? ⁴⁶ I pasu-pasu mo hamba i, pas tuan na khoh, tuan na idi ki dapet ia sindekhang kekhejo bagidi mang pe. ⁴⁷ Situhunna, Aku mendokken mendahi kona kekhna tuan i naing ki angkat hambana ni kumekhnaken kakhina alakna. ⁴⁸ Nai, ukum hamba si njahat i mendokken ibages atena, 'Tuanku ki sondati khoh,' ⁴⁹ Bakhu ia mulai ki tenjui hamba-hamba si debanken ni, bakhu mangan bakken manum khebak deket si tenggen; ⁵⁰ tuan i hamba idi naing khoh i wakhi pas ia otang ki hakhepken deket pas waktu si otang ia betoh, ⁵¹ deket naing menadingken-Sa, deket ki bainken ia khebak-khebak kalak-kalak munapik. I bekas idi, naing lot tangisen deket kumekhatak epen.