¹ Enggo kesa, Ia mecekhok mi jehma mbellang deket mi pengekut-pengekut-Na, ² "Pakha ahli Taukhat deket kalak-kalak Fakhisi si dogok i babo kukhsi Musa. ³ Kumekhna idi, sidebanken i, dom kalak si mendokken taba kona, bainken janah pekhdateken mo. Kumekhna idi, ulang ualken pengelako-pengelakona kumekhna kalak i mendokken i, tapi otang mengulakensa. ⁴ Kalak i mengeketken beban si mbotong deket memaing i bakha kalak si deban. Tapi, kalak i sambin otang get ki pindahken bakn jakhi kalak i . ⁵ Kalak i kakhina mengulaken pengelako na asa i idah kalak. Kalak i ki pebelang tali-tali sembahyang na deket ki pebelgah khumbai-khumbai ujung jubah na. ⁶ Kalak i mengkelengi i bekas tekhhokhmat i bages pekhjamuen , janah kundul i bekas tanjolo i sinagoge-sinagoge, ⁷ salam penghokhmaten i bekas-bekas umum, janah i dokken Khabi dok jehma-jehma. ⁸ Tapi, kona ulang i dokken khabi kekhna hada ngo kesa Gukhu mu, janah kona kakhina senina. ⁹ Ulang dokken ise sambin menjadi Bapamu i dunia en , kekhna hada ngo kesa Bapamu, imo Ia i sini sokhga. ¹⁰ Otang nola kona i gelakhi pemimpin kumekhna hada ngo kesa Pemimpinmu, imo Al-Masih . ¹¹ Tapi, si mbelgah na i antakha kona, kenah mo ia jadi pengladenmu. ¹² Ise si ki pedates dikhina kenah ngo i pecekhep janah ise si ki pecekhep dikhina kenah ngo i pedates. ¹³ Sudah mo kona, kene ahli-ahli Taukhat deket kalak-kalak Fakhisi, kalak-kalak munafik! kona ki tutup pentu Kekhajaen Sokhga i jolo kalak kumekhna kona sindikhi pe otang ngo memasuki na janah otang mang i bekhek kalak i si naing memasukisa. ¹⁴ Sudah mo kona, ke ahli-ahli Taukhat deket kalak-kalak Fakhisi, kalak-kalak munafik! kumekhna kona menandangi hapo kalak janda janah mekhbual kona memaingken doa-doa si nggetdang. Kekhna i, kona naing menjalo hukumen si lebih bekhat. ¹⁵ Sudah mo kona, ke ahli-ahli Taukhat deket kalak-kalak Fakhisi, kalak-kalak munafik, kona mengagahi laut deket dakhaten lako mekhembah kalak masuk mi bagasen agamamu. Janah, ia menjadi salah hada na. kona memaingken ia jadi anak nekhaka, dua kali lipat dakhi pada kona sendikhi. ¹⁶ Sudah mo kono, ke kalak pemimpin si petung, si mendokken, "ise si mekhsumpah kumekhnaken Bait Allah, kekhna idi otang kade akhtina i. Tapi ise si mekhsumpah kumekhnaken emas Bait Allah, ia tekhikat kekhna sumpah idi.' ¹⁷ Kona, si moto janah si petung! apa i na mo si mbellgah na, emas atao Bait Allah si mengudusken emas idi? V 18 Deket, ise si mekhsumpah kumekhna altakh, sumpah idi otang lot guna na. Tapi, ise si mekhsumpah kumekhnaken pekhsembahen i babo altakh idi, ia tekh-eket kekhna sumpah i.' ¹⁹ Kena kalak-kalak si petung! apai ns si mbelgah na, pekhsembahen ato altakh si mengudusken pekhsembahen idi? ²⁰ Kumekhna idi, ise si mekhsumpah kumekhnaken altakh, mekhsumpah kekhna altakh deket kakhina si lot i babo na. ²¹ Deket, ise mekhsumpah ise kumekhnken Bait Allah, mekhsumpah kumekhnaken Bait Allah deket kumekhnaken Ia si ndong i bagesna. ²² Deket, ise mekhsumpah kumekhnaken sokhga, mekhsumpah kumekhnaken tahta Allah , janah kumekhnaken Ia si kondul i babo na. ²³ Sudah mo kono, ke ahli-ahli Taukhat deket kalak-kalak Fakhisi, kalak-kalak munafik! Kona memekhe pekhsepuluhenmu i selasih, adas manis, deket jintan, tapi enggo ki abaiken kade-kade sambin si lebih bekhat i Hukum Taukhat, imo keadilen, maseh ate, deket iman. Si enda mo si hakhus na enggo i ulaken ko otang no ki abaiken kade-kade sambin si deban. ²⁴ Kona pemimpin-pemimpin si petung, si menakhing namuk deket menelen seekokh unta! ²⁵ Sudah mo kona, kene ahli-ahli Taukhat deket kalak-kalak Fakhisi, kalak-kalak munafik! Kekhna, kona ki pebekhsihken tan luakh cangkikh deket pikhing mu, tapi tan bages na kakhina tangkon deket kini hokok. ²⁶ Kona, kalak Fakhisi si petung! bekhsihken lebe tan bages cangkikh deket pikhing i, bakhu, i luakh na pe bakhu bisa mbekhsih. ²⁷ Sudah mo kona, ahli-ahli Taukhat deket kalak-kalak Fakhisi, kalak-kalak munafik! kekhna, kona dos bage kubukhen si i cet wakhna mbettakh, itan luakh na tekhidah mende, tapi i bagesna kakhina tulan-tulan kalak si mate deket kakhina kenajisen. ²⁸ Bagi mang pe deket kona, i tan luakh nai kona tekhidah mende bage jehma. Tapi, i tan bages na kona penuh deket kemunafiken deket kejahaten. ²⁹ Sudah mo kona,ahli-ahli Taukhat deket kalak-kalak Fakhisi, kalak-kalak munafik! Kekhna, kona ki bangun kubukhen-kubukhen kalak nabi deket ki pemende batu nisan kalak si bukhju, ³⁰ deket mendokken, 'ukum kami ngo nggelluh i waktu masa empung nami akhnia, kami otang naing memuat bagien bak kalak i bages dakhoh kalak nabi.' ³¹ Deket bagidi, kona bekhsaksi mendahiken dikhimu sendikhi bahwa kona mo dukak-dukak kalak si memateken kalak nabi. ³² Jadi, genep pi mo ukukh pakha nenek moyangmu. ³³ Kona, nipe-nipe, ketukhunennipe-nipe beludak, bakune mo kone ki lepasken dikhimu i hukumen nekhaka nai? ³⁴ Kumekhna idi, tengen mo, Aku mengutus nabi-nabi, jehma-jehma bijaksana, deket ahli-ahli Taukhat mendahi kona. Piga-piga i kalak i naing i pateken kona deket i silangken, piga-piga kalak naing i tenjui i sinagoge-sinagoge, janah kona kidekhsa i kota mi kota, 35 Asa kahina dakhoh kalak si benakh si i okheken i si i okheken i dunia ning khoh mendahi kona, mulai i dakhoh Habel, kalak si benakh idi, soh mi dakhoh zakakhia, si kona pateken i antakha Bait Allah deket altakh. ³⁶ Situhunna,Aku mnedokken bamu bahwa kakhina enda kenuh khoh mendahiken penekhus en." ³⁷ Oh Yekhusalem, si ki patekenkalak nabi deket si ki amboki batu mi kalak i si i utus mendahikensa. Gatina aku pot ki pepulung dukak-dukakmu mekhsada, bage manuk ki pepulung anak-anak na i tekhuh kabeng na, tapi kona otang get. ³⁸ Tengen mo, hapo mu i tadingken bamu janah melongo. ³⁹ Kekhna, Aku mendokken mendahi kona mulai bagendakhi nai, kona otang ning mengidah aku ne soh kona mendokken, i bekhkati mo Ia si khoh bages gelakh Tuhan.'''