Penjelasan Perhlebena ¹ Enggo ngo mbue kalak naing mencatat tentang perhistiwa-perhistiwa si enggo terhjadi i tengah-tengah nggeluhta ² dos bage enggo cataten si enggo i begahken banta imo sini bagahken kalak si menjadi saksimata deket pemberhita firhman Tuhan i perhlebbe na nai ³ karhna enggo teliti ku pelajarhi semenjak perlebena nai, kutuliskan mang ngo bamu mende janah merhsusun hai Teofilus si suci ⁴ asa i bettoh kona kebenarhen si enggo i ajarhken bamu. Kabarh tentang Yesus si perhdiken ⁵ waktu pemerhintahen Herodes, haja Yudea, lot hada kalak imam si merhgekarh zakharhia i kelompok iman Abia nai, keturhunen Harun nai ngo istrhina, si merhgelarh Elizabet ⁶ Zakharhia dekket Elizabet imo kalak si benarh i jolo Allah, oda ngo perhnak kalak i me maingken si otang mende janah menurhuti rhatana hukum dekket perhinta Allah. ⁷ Tapi oda ngo lot dukak kalak i kerhna si Elizabet mandul janah enggo ngo tua-tua kalak i duana, ⁸ enggo kecca tiba gilirhen rhombongan na lako barhtugas dapet tugas ngo Zakharhia menjadi iman i lebbe Allah, ⁹ manurhut kebiasaen ke imanen, Zakharia terhpilih merhkite undian lako masuk mi Bait Allah ke ki langketti dahupa, ¹⁰ enggo ketca dahupa i perhsembahken nai merhdoa mo rhatana umat i luarh. ¹¹ Senentep, Rhoh mo malaikat Tuhan penantakken dirhina be si Zakharhia dekket cenderh i kamuhun dahupa. I idah kecca , ¹² malaikat i menterh kumetterh mo si Zakharhia janah mbiarh mo ia. ¹³ Tapi dokken malaikat i mo bena, "ulang ko mbiarh, Zakharhia, enggo ngo i begge doa mu, istrimu Elizabet enggo mekendong janah duhuli ngo si naing itubuhken i janah belin kemo gelarhna Yohanes ¹⁴ Nai merhlolo ate mo kona dekket berhgembirha, janah mbue kalon ngo kalak merhloho ate ibas perhkitubuhna ¹⁵ kalak si mbelgah ngo ia kaduan i lebbe Allah janah oda ngo ia menum enumen angguth dekket minum-minum kerhas si deban nai. Janah seinderhang Ia i kandungen cecekna i penuhi Rhuh suci ngo Ia. ¹⁶ I bain ngo mbue kalak isrhael mulak mendahi Tuhan, Allah kalaki. ¹⁷ Merhdalan ngo ia menjoloi Tuhan merhkite rhuh dekket kuasa Elia, lako mamaingken ukurh bapa-bapa mulak mendahi anak-anak kalak i. I bain mang ngo kalak si oda taat, asa mulak mendahi hikmat kalak si benarh. I bas ni isiapkan ngo umat si enggo i sediaken mendahi Tuhan" ¹⁸ nai i dekken Zakharhia mo be malaikat i, "bakune mo ku baing asa ku bettoh tentang hal en?, kerhna enggo ngo ntua aku janah istrhiku pe enggo ngo lanjut usia. ¹⁹ Nai i aloi malaikat imo "aku ngo Gabriel, malaikat si cenderh i hedepen Allah, i utus ngo aku lako mencerhok mendahi kona dekket memberhitakan kabarh mende mendahio kona. ²⁰ Tapi, bagendarhi bege mo! Nai ada ne mo ko boi mencerhok dekket pekkak sampe akhrihna terhjadi rhatana si ku dokken en bamu , kerhna otang kona perhcaya kade si ku dekken en, si naing terhgenapi i pas waktu na" ²¹ Sinderhang ni, pema-pema umat i ngo si Zakharhia. Terhkuso-kuso ngo kalak i kasa ndekkah si Zakharhia i bages Bait Allah i. ²² Enggo kecca Zakharhia keluarh, otang ne boi ia mencerhok mendahi kalak i. I bettoh kalak i mango i akum si Zakharhia ngo isyarhat taba kalak i, tapi oda boi mecerhok. ²³ Enggo kecca habis waktu tugas keimanannya nai mulak mo Zakharhia mi hapo na. ²⁴ Nggo kecca terhjadi bagi, mekandong ngo si Elizabet janah kibuni ngo ia lima bulan dekkahna nina mo, ²⁵ "en mo sini baingken Tuhan bangku, i perhdateken ngo aku janah i hapusken aibku be kalak mbue" Pemberhitahuan tentang Isa Almasih ²⁶ enggo kesa mekandong si Elizabet enem bulan dekkahna, i utus Allah ngo malaikat Gabriel mi nada kota i suak Galilea, imo Nazarhet ²⁷ ia i utus lako jumpa hada kalak duhuli imo si merhgelarh Yusuf, penepparh Daus, gelarh si daberhu i imo Maria ²⁸ nai idahi malaikat imo si Maria janah idokken bagen "Salam, hai kona si i berhkati! Tuhan mendengani kona" ²⁹ i bege Maria kecca bagi nai berhan mo ia. Terhkuso-kuso mo ia bages ukurhna terhenget salam idi. ³⁰ PI dokken malaikat i mo bena. "ulang ko mbiarh, Maria kerhna enggo i brhkken Allah kelleng ateNa bamu. ³¹ Bege mo, Nang mekandong ngo kona janah anak daholi ngo si naing tubuh i, janah nain mo gelarhna Isa ³² kalak si mbehgan ngo ia ket kena dekken ngo ia Anak Allah si maha dates, i brhe Tuhan Allah ngo bana takhta Daud empungNa si kania ³³ ia ngo memerhinta keturhunen Yakub soh si dekah na janah kerhjaenNa oda baerhakhirh". ³⁴ Nai, idoken Maria ngo be malaikat i bagen" Kune nola mo hal en terhjadi bangku sedangken oda aga lot den lakiku? " ³⁵ i aloi malaikat imo ket i dokken mo bagen, "Nai Rhoh Kudus mendahi kona janah kuasa Allah si maha dates menjagai kona, kerhna i mo, Anak si naing tubuh i kudus janak i dokken mo ia Anak Allah. ³⁶ Janah, asa i bettoh kona iakum senina mi si Elizabet enggo mekandong i usia tuana, kania nai ia kena dokken mandul tapi agendarhi enggo mekandong ia enem bulan ngo umurh kandongen nai ³⁷ kerhna, oda ngo lot mustahil be Allah." Pjanah i dokken Maria mo bagen, "situhuna, hamba Tuhan ngo aku. ³⁸ Terhjadi mo bangku bage si ni dokken mi,"nai, laus mo malaikat i menadingken Maria. I Dahi Si Maria ngo Si Elizabet ³⁹ i pas warhi i, merhsiap-siap mo si Maria lako laus mi delleng, mi hada kota i mo Yehuda, ⁴⁰ masuk mo ia mi hapo Zakharhia nai i deokken mo salam mendahi si Elizabet. ⁴¹ Enggo kecca i bege si Elizabet salam si Maria, megerhak ngo anak si bages kandongenna ket i penuhi Rhuh Kudus mo si Elizabet ⁴² enggo keccai mesurhak mo si Elizabet, "i berhkati mo kona i antarha rhatan daberhu, janah i berhkati mo buah kandengenmu. ⁴³ Ise ngo pana aku en asa rhoh nola cecek Tuhanku mandahi aku? ⁴⁴ Si tahuna, ku bege kecca sorha salam mu, gumerhek ngo anak si ni bages kandongenku kumerhna sukacita. ⁴⁵ Merhlolo ate mo ia si perhcaya iakum kade si idokken Tuhan bana naing terhgenapi". Pujian Maria Mendahi Allah ⁴⁶ enggo kecca i, merhcehok mo Maria. "jiwaku memuliakan Allah, ⁴⁷ ket rhuhku merhlolo ate i bagesen Allah, jurhuselamatku. ⁴⁸ Karhna, i etongi Allah dan mang ngo hambaNa si hina en. Bege mo, i warhen nai soh si dekahna, rhatana pinepar mendokken aku senang kalon ⁴⁹ kerhna ia si merhkuasa enggo mamainkan hal-hal mbelgah mendahi aku, janah suci mo gelarhNa ⁵⁰ RhahmatNa i brhekken be pineparh mi pineparh, be kalak si mbiarh baNa ⁵¹ enggo ngo i penantak KuasaNa merhkite tanganNA, i pisahken ngo kalak sombong deket ate pikirhenna. ⁵² I susurhken ngo penguasa i tahta kalak i nai, janah pedateskan kelak si rhendah ate. ⁵³ Enggo ngo i pebersurh kalak si melehe merhkite kini mendeNA, tapi mengusirh kalak si beak laus oda merhmbah kade pada. ⁵⁴ I tolong Allah ngo kalak israel, hamba-Na, kerhna i enger kalak i rhahmat-Na, ⁵⁵ bage pendokken na kin be nenekta si kahia, Abrhaham dekket keturhunenna si dekah-dekahna". ⁵⁶ Janah, Maria tading bak hapo Elizabet telu bulan dekahna, nai mulak mo ia mi hapona. Perhkitubuh Yohanes Si Perhidiken ⁵⁷ nai bagendarhi nggo mo dapet warhina Elizabet malahirhken, janah melahirhken hada anak dahuli. ⁵⁸ I bege tetangga dekket pamili na ngo iakum i penantak Tuhan ngo kalak rhahmatna si bengah i be si Elizabet, janah merhlolo ate ngo kalak i rhebaksa. ⁵⁹ i warhi pe waluhken, rhoh ngo kalak i lako ki sunat anak i. Naing i bain kalak ingo gelarhna Zakharhia, dos bage gelarh bapakna ⁶⁰ tapi, idokken umakna mo began,"ulang, naing i bain ngo gelarhni si Yohanes". ⁶¹ I dokken kalak i mo mendahi Elizabet,"oda lot hada kalak pada merhgelarh bagi". ⁶² Enggo keca i i bain kalak i mo isyrhat be si Zakharhia lako mengkusokken bana, kode ngo naing i bain gelarh anak na i ⁶³ i pido Zakharhia mo papan tulis, nai i surhatken mo begen: "Yohanes ngo gelarhna". Janah, herhan mo kalak i rhatana. ⁶⁴ I pas bagidi, babah zakharhia terhbuka janah dilah na terhbebas. Ia pun mulai mecerhok janah memuji Allah. ⁶⁵ Rhata na i mbung sembalengna menjadi mbiarh janah kejadien en jadi pengerhanaen i rhatana kuta i delleng Yudea. ⁶⁶ Janah, rhatana kalak si me mekge hal en, terhkuso-kuso i bagus ate kalak i,"naing jadi kade ngo enak en kaduana?" kerhna tangan Tuhan mendengani ia. Zakharhia Memuliakan Allah ⁶⁷ i penuhi Rhuh Kudus mango ngo si Zakharhia, bapak Yohanes janah merhnubuat nina mo. ⁶⁸ "Terhpuji mo Tuhan, Allah israel kerhna enggo i dahi dekket i tebus umat-Na. ⁶⁹ Enggo ngo i pekekeken tanduk ke selamaten mi kita i pineparh si Daud nai, hambaNa. ⁷⁰ Bage si Firhmanken merhkite babah nabi-nabiNa si suci i kahia nai. ⁷¹ Asa i selamatken kite be musuh-musuh ta nai, deket i tangan rhatana kalak si merhmoyang ate banta. ⁷² I bainken ngo bagi laki ko perantakken mi nenek ta si kahia, 'dekket lerhna i enget perhjanjian-Na si suci, ⁷³ i mo sumpah si i lkapken mi nenek ta kania, Abrhaham, ⁷⁴ iakum naing i paluah ngo kita be musuh-musuh ta nai asa oda kita mbiarh ki layani ia, ⁷⁵ i bages kesucian dekket kebenarhen i lebe-Na, si dekah nggeluhta. ⁷⁶ janah kona anakku i dokken ngo kona nabi Allah si maha ndatesm kerhina merhdalan ngo kona ko joloi Tuhan, lako ki perhsiapken dalan Na ⁷⁷ asa memaing pengerhtian tentang keselamatan mendahi Umat-Na merhkite pengampiunen i bas dosa-dosa kalak i. ⁷⁸ Kerhna rhahmat dekket maseh ate Tuhan Allah kita, sinarh warhi naing mentinarhi kita i bekkas si ndates nai. ⁷⁹ Lako menyinarhi kalak si tading i bages kegelapen deket si tading bak awang-awang kematean, lako mengerhanken kita lako mi dalan damai sejahterha' ⁸⁰ nai, enggo mo merhtambah beehgah anak i, janah semakin gegah i bages rhuh. I padang belantarha ngo ia tading sampe tiba waktuna i petuduhken dirhina mi kalak israel.