¹ I Paulus nai,khasul Isa Al-Masih si i pilih kekhna sini kelemoken Allah dos bage janji kenggeluhen si i bagesen Isa Al-Masih. ² Mendahiken Timotius, dukak si i kekelengi. Anugkhah, maseh ate deket dame sejahtekha i Allah, Bapa, janah Isa Al-Masih, Tuhan Kita. ³ Aku tekhus mekhlias ate mendahi Allah, si ku ladeni mekhdengan ate nukhani janah mbekhsih bage si mengulaken nenekmu akhniaku, simdekhang aku mekhnenget kona i bages doa-doaku tengah akhi deket bekhngin. ⁴ Enggo kesa aku mekhnenget eluh mu, aku pot mengidah kona asa mekhlolo ate kellek aku. ⁵ Aku i engetken kekhna iman mu si tulus, si pekhjolo-jolo i bages nenekmu Lois, deket cecekmu Eunike janah aku yakin bagendakhi si nggelluh i bages kona mang ⁶ Kekhna alasen endamo, aku mengngengetken kona asa tekhus mengobakhken kakhunia Allah si lot bamu lewat topang tanganku. ⁷ Kumekhna, Allah otang memekhek mendahi kita khuh pebiakh, melainken khuh kegegohen, kelleng, deket menguasai dikhi. ⁸ Jadi, ulang mela mekhsaksi tekhsenget Tuhan makhang pe tekhsenget aku, tahanen-Na. Kekhna kuasa Allah ekut mo mendekhita kekhna Injil. ⁹ Ia mo si enggo si ki selamatken kita janah menenggoi kita deket panggilenb kudus, otang ngo kekhna pengelako ta, melainken kekhna tujuan deket anugkhah-Na sendikhi ngo si enggo Ia bekhekkenmi kita i bagasen Isa Al-Masih sendekhang dunia en lot. ¹⁰ Bagendakhi, si enda enggo jadi tangkas mekhkite pekhkikhoh jukhu selamat ta Isa Al-Masih si enggo menghapus kematen deket mekhembah kenggeluhen deket kekekalen lewat Injil. ¹¹ Kekhna Injil enda mo, aku i tunjuk menjadi pengkotbah, khasul, deket gukhu. ¹² Idi mo sebab na , aku ndekhsa bage si gendakhi en. Tapi aku otang mela kumekhna ku bettoh mi ise aku pekhcaya deket aku yakin bahwa Ia boi menjaga kade si enggo i pekhcayaken bangku soh akhi idi khoh. ¹³ Jemak mo ajakhen mende si enggo i begge ko bangku nai i bagasen imam deket kelleng si lot i bagasen Isa Al-Masih. ¹⁴ Deket Khuh Kudus si tading i bages kita, jaga mo mende-mende hakhta si mehakhga si enggo i pekhcayaken bamu. ¹⁵ Itoh kona ngo i fakta na bahwa kakhina si lot i Asia enggo mekhpaling bangku nai, i antakha kalak i imo Figelus deket. Hekhmogeles. ¹⁶ kikhanya Tuhan mengkakhunia ken maseh ate mi seisi hapo Onesifokhus kumekhna ia sekhing ki segakhken ku janah otang mela kumekhna aku i penjakha. 7 Sebalikna, enggo kesa soh i Khoma, semangat kalon ngo ia menulusi aku janah ki simbaki aku. ¹⁸ teka mo Tuhan mengakhahken asa ia ki dapetken maseh ate bai Tuhan idi nai i sedakhi idi, sebagaimana kona sendikhi memetoh piga jumlah na pelayanen si enggo ia bekhekken bangku i Efesus.