¹ Kumekhna idi, Dukakku, jadi mo kuat i bages anugkhah Isa Al-Masih. ² Kade sambin pe si enggo i begge ko bangku nai i jolo saksi mbue, pekhcayaken mo idi mendahiken jehma-jehma si setia, si sanggup mengajakhi kalak si deban. ³ engket mo mendekhita sebagai pekhajukhit Isa Al-Masih si mende. ⁴ Otang lot pkhajukhit si menibukken dikhina deket ukhusen gelluh sewakhi-wakhi asa ia boi ki pesanang komandanna. ⁵ bagi mang hada kalak olahkhagawan si mekhtanding, ia otang kemah mendapet mahkota kemenangen kecuali ia mekhtanding menukhut pekhatukhen si bekhlaku. ⁶ Hada kalak pekhjuma-jumasi kekhajo mekhtuhu-tuhu enggo sepentasna kalak si pekhtama si menjalo hasil jumana. ⁷ Pikikhken mo kade si enggo ku dokken kumekhna Tuhan naing memekhek taba kona lapaten i bages kakhina hal. ⁸ Enget mo Isa Al-Masih si enggo keke i antakha kalak si mate, ketukhunen Daud, bage si ku bekhitaken i bages Injilku , ⁹ kumekhna aku bagendakhi susah soh mi kukhungen sebage hada kalak penjahat, tapi fikhman Allah otang tekhkukhung! ¹⁰ Kumekhna idi, aku mekhtahan i bages i bages kakhina bakhang kade pe demi jehma-jehma pilihen Allah asa kalak ipe mendapet keselamaten si lot i bages Isa Al-Masih deket kemuliaen si kekal. Tuhu ngo kata en: " ukum mate kita khebbak Ia, kita pe kenah gelluh khebbak Ia. ¹² Mula kita mekhtekkun, kita pe kenah memekhintah khebbak Ia. Mula kita otang setia, Ia pe tetap setia, kumekhna Ia otang bisa ki pekhso dikhi-Na sendikhi." ¹⁴ Engetken kalak i tekhsenget si enda. Tekhrngeti mo kalak i jolo Tuhan asa otang mekhubat kumekhna khana-khana kekhna otang lot gunana janah pelin naing mengkeah ken jehma-jehma si memegge ¹⁵ Baingken mo si mende na lako mempekhsembahken dikhimu si layak i jolo Allah jdi pekhkekhajo si otang pekhlu mela janah si enggo si mengajakhken khana si tuhu janah tepat. ¹⁶ Tapi, pedaoh mo khana otang tuhu si sia-sia kumekhna hal idi nai mekhembah mi pengelako si otang saleh si lebih pakhah. ¹⁷ Khana kalak idi nai ning menyebakh bage penyakit gangkhen. I antakha kalak idi imo Himeneus deket Filetus, ¹⁸ si enggo menukhimpang i kebenakhen nai deket mendokken kumekhna pekhkeken enggo tekhjadi. Kalak i mengkeahi iman sebagien jehma. ¹⁹ Tapi, dasakh Allah si gegoh i tong cendekh deket matkhai enda: " Tuhan menandai ise si menjadi milik-Na," janah "kakhina si mengakui gelakh Tuhan kenah menadingken kejahaten." ²⁰ I bages hapo si megah, otang kesa pelin pekhkakas si tekhbuat i emas nai deket pekhak nai, tapi lot ngo si tekhbuat i kayu nai deket tanoh liat. deba i gunaken lako tujuan mi si tekhpesanga, tapi lot mang tujuan si otang mende. ²¹ Kekhna idi, ukum hda kalak ki pekhbekhsih dikhi i si otang mende nai , ia naing menjadi pekhkakas lako mekhtujuan si tekhpesangap, i kusus ken, mekhguna tab tuanna, janah i pekhsiapken lako kakhina kekhejoen si mende . ²² Pedaoh mo hawa nafsu kalak si muda. Janah ayaki mo kebenakhen iman , kelleng, deket dame sejahtekha khebbak-khebbak ken deket kalak si menenggoi Tuhan dengan ate si tulus. ²³ Pedaoh m o pekhbuaten si moto janah otang mekhpengetohen kumekhna kona memetoh si enda ki pekhkikhoh pekhubaten. ²⁴ Pelayan Tuhan hakhus mo ulang mekhubat, tapi khamah mendahi kakhina jehma, pande mengajakh, deket sabakh, janah hanjakh mengokheksi alona. Semoga Allah memekheken pekhtobaten si mekhembah taba pemetohen kumekhna kebenakhen ²⁶ asa kalak imenjadi sadakh dejet melepasken dikhi i jebaken iblis si enggo menahan kalak ilako mendalanken sini pot bana.