¹ Ulang tekhengeti dahuli-dahuli si tuan mesokha gang, tapi bain mo ia bage bapa, deket memaing dahuli-dahuli si kedep pen gabe seninamu. ² Bain mo dabekhu si tuan gabe cecekmu, deket dabekhu si kedep pen gabe seninamu dabekhu dengan penuh kesucien. ³ Hakhgai mo janda-janda si tuhu-tuhunna janda. ⁴ Nai, mela janda si lot dukak makhang kempu, kalak imo si pekhjolo-jolo kenah belajakh kipetuduh bakti mendahi pengisi sapona sendikhi. Janah bagidi, mekheka nggo kibalas kini mende mendahi orang tua kalak i, kumekhna si bage idi mo si kelemoken Allah. ⁵ Janah janda si tuna-tuna janda deket geluh sada sa, ia kenah maingken hakhapenna mendahi Allah deket tekhus ki pedatesken pengidoen deket sodip tengah akhi deket bekhngin. ⁶ Nai, janda si ngeluh lalap mekhpoya-poya, ia nggo mate bagi mang pe ia geluh den. ⁷ Sukhuhmo mang si en mendahi jemaat asa kalak i otang mekhtikas. ⁸ Tapi, ukum lot sada kalak otang menjaga keluakhga sendikhi, kususna keluakhga si jelket, bekhakhti ia mengalo iman na deket ia makin ceda dakhipada kalak si otang pekhcaya. ⁹ Janda si ni masukken mibagas daftakh kenah dabekhu si mekhumukh paling cituk enem puluh tahun, gabe jabu i sada kalak laki, ¹⁰ deket itandai kekhna pengilako-pengilako si mendena, imo kipebelen dukak-dukak, memekhe topangen, kibokhih nehe kalak-kalak kudus, kitolong kalak si bages kesusahen,deket hot i bages tiap kekhejo si mende. ¹¹ Nai, janda-janda si lebih muda ulang i masukken mi bages dafkh, kekhna mela napsu melangkah julu medem na memaing kalak i daoh mi Al-masih, kalak i naing kawin tole. ¹² Sibagen kikhohken hukum kekhna kalak i nggo ki langgakh janji pekh jolo sini baing kalak i si makden na. ¹³ Balik nidi, kalak i nggo tekhbiasa malas-malas, keliling i sada sapo pak sapo si deban. Otang i kesa, kakak i pe mekhgosip deket ki ukhusi -ukhusen kalak si deban, mendokken si hakhus na si otang kalak i dokken. ¹⁴ Jadi, aku pot asa janda-janda muda kawin tole, kitubuhken dukak, deket ki ukhus khumah tanggana asa otang lot kesempaten mi alo lako ki celakaken kalak i. ¹⁵ kumekhna, piga-pia kalak nggo mebalik mengekut setan. ¹⁶ Mela lot kalak dabekhu pekhcaya si lot keluakhga na si janda, belimo kalak i ki jaga janda-janda idi isa gkheja otang hakhus kebekhaten, gekheja boi kitolong janda-janda sideban si tuhu-tuhuna pekhlu i tolong. ¹⁷ Sintua-sintua si mengukhus jemaat gabe mende pakhas menjalo penghokhmaten ganda na, tekhutmana kalak i si kekhejo kekhas bages mekhkotbah deket mengajakh. ¹⁸ kekhna, kita suci mendoken, ''Ulang memberangus babah lembu sindekhang mengagat gandum,'' deket ''Se kalak pe kekhejo kenah mendapet upah na.'' ¹⁹ Ulang menjalo tuduhen si mendabuhken mi sintua kecuali dasakh mi deleng i dua makhang telu kalak saksi . ²⁰ Kalak i mengulaken dosa kenah i tekhengeti i jolo kakhina kalak asa si deban gabe mbiakh mengulaken dosa. ²¹ I jolo Allah, Isa Al-masih, deket kalak malaikat si tekhpilih, aku kipesenget kona mekite sunguh-sunguh asa menguei petunjuk-petunjuk en otang sanga bepkhangsangka makhang pilih kasih. ²² Ulang dokhsu menompangken tangan atas ise pe makhang ulang ekut muat bagin bages dosa kalak sideban. Jagamo dikhimu asa tong suci. ²³ Ulang kesa menum lae bekhgoh, tapi baingken cituk anggukh kekhna beltekmu deket dagingmu si gati cio. ²⁴ Dosa i sideban kalak tangkas kalohon tekhidah isa mengakhahken kalak i mi pengadilen. Nai,dosa i sideban kalak bakhu naing tekhidah nggo kesa i. ²⁵ Bagi mang pe lot pengilako mende tkhidah kalohon. Tapi pengilako mende si otang tkhidah pe, otang naing tekhus tekhbonikken.