¹ Ampiitung kawan ulun ungkup nampe here tunduk ma kawan pamimpin anri panguasa ngara, ngalut nuu nelang basadia nampalus kawan hal sa maeh. ² wara ma here nampan here ada muntaka atawa basual anri hie hie,malengkan maeh paner gamungan.Wuah here sarantang lamah liut anri katuluh ulun. ³ Daya dahulu hie takam lunga,tawang nelang puang ngalut nuu.Takam nasamalah daya kawan kasindien kabahirien,takam welum anri kunuan atei murun kasiwa nelang ipanrigat-ipamuar. ⁴ Kude, Alatalla panyalamat takam nantarang sinta nelang pikaeh atei ni anri takam. ⁵ Hanye nyalamat takam,puang gana takam haut nampalus hal sa maeh,malengkan daya hanye sinta takam. Hanye nyalamat takam itetei Roh Alatalla,sa ngulah takam nakayaan nelang welum wau anri mui ngabarasis takam. ⁶ Alatalla ngampinau Roh ni ma takam itetei Yesus Kristus,Raja panyalamat takam. ⁷ Nampan daya ahi lelu Yesus,takam ikaeh mulek anri Alatalla balalu takam kaiyuh pamelun sajati palus kalalawah sa naharap daya takam. ⁸ Lengan yiti kapinuu bujur.Aku hamen hanyu ngutama tuu hal yiti,nampan kawan ulun sa parisaya ma Alatalla ngakali tatuu nampan ngulah kawan pagawian maeh nelang bariran ma katuluh ulun. ⁹ Kude, sanawit kawan panitian sa puang wueng riran ni,kawan sarita asal usul,pibantahan,babur basual neu hukum agama.Katuluh yiru puang uweng riran ni nelang puang uweng untung ni.10. Ulun sa ngulah pipasahan hawuang ungkup,ware hanyu nagur hanye hindra handrueh,udi yiru ada lagi sindrah anri hanye. ¹¹ Hanyu karasa ulun sa masam yiru duruhaka nelang kawan dosa ni mambukti sa hanye bakalahaen. Patunjuk Pangalis anri Tabe ¹² Dami udi aku ngutus hi Artemas atawa hi Tithikus nunung hanyu,hanyu musti ngakali nampan hinang hawi nunung aku hang Nikopolis,daya aku ngaheng muneng hang yaru salawah musim marisak. ¹³ Ware naun ngakali tatuu nampan ngarawah hi Zenas,ahli hukum yiru anri hi Apolos nampan here kaiyuh tulak anri puang uweng kakurangen. ¹⁴ Kawan ulun takam harus paajar nampalus kawan hal sa maeh nampan kaiyuh nyansukup kawan inun sa naparlu,ada hampe here welum puang bariran. ¹⁵ Katuluh pulaksanai sa baya aku,ngirim tabe ma hanyu.Tahampe tabe kami pada ma kawan hengau sa mira kapirasayaan. Alatalla nyinrah hanyu katuluh.