¹ Dami Yesus haut luput ngajar kawan katuluhni, Hanye kaeau ma kawan murid-Ni, ² " Naun karasa bahwa rueh andrau lagi hari raya Paskah, nelang Anak Murunsia akan nasarah nampan nabalasangar." ³ Ganyahyiru, kawan imam kepala andri kawan pemimpin bangsa yiru bakumpul hang istana imam Hante, sa bangaran Kayafas. ⁴ Balalu here sekongkol kai nyama Yesus andri kawan tipu daya nampan munu Hanye. ⁵ Kude here kaeau,"Ada nalaksanakan ganyah perayaan nampan ada kerusuhan hang penah masyarakat." Yesus Nawuwui Minyak daya Erangkaulun Wawei ⁶ Ganyahyiru, katika Yesus hang Betania, hang lewu Simon sa suah Kadanen, ⁷ erangkaulun wawei hawi nyandriet-Hanye ngenei botol maeh baisi minyak marauh enguhni sa rarang haragani, wawei yiru muwuini ma ulu Yesus katika Hanye ganyah maharung kuman. ⁸ Dami kawan murid kadinung, here sangit nelang kaeau, "Inunriran kawan yiri natahayang? ⁹ Daya, minyak marauh enguh yiri tau naari haragani rarang tau naami ma kawan ulun paua." ¹⁰ Kude,Yesus karasa pikiran here, kaeau ma here," Daya inun naun ngampihala wawei yiri? Daya, hanye ngaraja ulahan maeh ma-Aku. ¹¹ Daya,naun naan setiap saat kawan ulun paua baya naun, kude naun puang akan setiap saat baya Aku. ¹² Katika wawei yina muwui minyak marauh enguh ma tenga Ku, hanye ngulah ni pakai persiapan masar Aku. ¹³ Aku kaeau sa tu'uni ma hanyu bahwa hang awe Injil yina naberitakan hang katuluh dunia, inun sa haut naulah wawei yina akan nasarita pada sebabgai paitungen mahanye.'' Ransana Mahianat Yesus ¹⁴ Udiyiru, isa tika karueh walas murid, isa bangaran Yudas Iskariot, tulak makawan imam kepala, ¹⁵ balalu kaeau, "Hanyu akan ngami aku inun amun aku nyarahkan Hanye mahanyu?'' Balalu here menetapkan 30 keping perak mahanye. ¹⁶ Balalu, udi yiru,hanye ngantara kesempatan maeh nampan manyarahkan Yesus. Pangutaen Paskah ¹⁷ Taati, hang andrau pertama Roti Puang Baragi, kawan murid hawi nunung Yesus balalu nunti, "Hangawe hanyu hamen kami mempersiapkan kutaen Paskah ma-Hanyu?'' ¹⁸ Yesus nyanga'i, "Masukleh ma tumpuk, nunung kawan ulun, balalu eau ma-Hanye,'Guru kaeau, "Waktu-Ku haut hampe. Aku hamen maraya Paskah hang lewu nu baya kawan murid-Ku.''''' ¹⁹ Kawan murid ngulah kala Yesus haut ipesen mahere, mempersiapkan kutaen Paskah yiru. ²⁰ Dami haut niba kamalem, Yesus maharung kuman andri karueh walas murid. ²¹ Dami, ganyah here kuman, Hanye kaeau, " Aku kaeau ma naun isa tika naun akan menghianat Aku." ²² Here tu'u mahanang atei balalu tiap tenga mulai paner ma -Hanye, "Pastini, puang aku, Tuhan?" ²³ Balalu, Yesus nyangai," Hanye, sa nyulup tanganni ma wuang mangkuk sindrah andri Aku, hanyelah sa akan mahianat Aku. ²⁴ Anak Murunsia akan matei ialah sa natulis ne'u Hanye. Kude, silaka ulun yiru, sa mahianat Anak Murunsia! Akan labih maeh jaka ulun yiru puang suah nakayaan.'' ²⁵ Balalu Yudas, sa ka'i nyarah Yesus, kaeau ma Hanye, ''Pasti puang aku Rabi?'' Yesus kaeau mahanye, ''Kalayiru eaunu.'' Pangitungen ne'u Tenga andri Ira Kristus ²⁶ Ganyah here kuman, Yesus ngalap rote. Balalu udi mamberkatini, Yesus miah rote balalu ngami ma kawan murid nelang kaeau, ''Alap, kuta, ina adalah tenga-Ku.'' ²⁷ Udiyiru, Hanye ngalap sangkir anggur, ngantuh tarimekasis, balalu mamberkatini ma here, eau-Ni,''Naun katuluh u'ut. ²⁸ Daya, yina adalah ira-Ku, ira perjanjian, isa na halui pakai pengampunan dosa ulun hene. ²⁹ Aku kaeau ma hanyu bahwa Aku puang akan nguut hasil kakau anggur yina, hingka taati hampe andrau yiru, katika Aku nguut anggur sa wau baya naun hang wuang karajaan Amah-Ku.'' ³⁰ Udi here manyanyi nawat hurmat, here tulak ma bukit Zaitun. Petrus Sagar Puang ngaku Yesus ³¹ Udi yiru Yesus kaeau ma kawan murid-Ni, ''Naun katuluh akan nempat nanan Aku malem yina. Daya naan tatulis, Aku akan munu pakatik yiru, balalu kawan babiri yiru akan pasai darai'. Zakharia 13:7 ³² Kude, udi Aku naele welum kamulek, Aku akan dahulu tika naun ma Galilea.'' ³³ Petrus kaeau,''Biar katuluh nempat nanan-Hanyu, aku puang sagar nempat nanan.'' ³⁴ Eau Yesus mahanye, Aku iwara ma hanyu bahwa hang malem yina, sa huan manu nandru, hanyu akan puang ngaku Aku hantelu.'' ³⁵ Petrus kaeau ma-Hanye, ''Biar aku harus matei baya-Hanyu, aku puang akan kaeau puang kataru Hanyu!'' Katuluh murid sa lain pada kaeau sameh. Yesus Lakudua hang Getsemani ³⁶ Balalu Yesus hampe baya kawan murid-Ni hang unengan bangaran Getsemani balalu Hanye kaeau ma kawan murid-Ni, ''Maharung hang yiti, ngandrei Aku tulak lakudua.'' ³⁷ Balalu, Hanye ngenei Petrus andri karueh anak Zebedeus baya-Hanye, balalu Hanye mulai mahanang atei nelang balisah. ³⁸ Udiyiru, Hanye kaeau ma here, ''Atei-Ku mahanang, bahkan ialah kai matei nanamni. Unengleh hang yiti nelang uma bajaga andri Aku.'' ³⁹ Balalu, Hanye agak lawit lagi, balalu Hanye ijuku uruwawa-Ni hampe tane nelang lakudua, eau-Ni, ''Amah-Ku, amun tau, biarleh kahanangen yina sanawit tika Aku, Kude, ada ialah kabahumen Ku, melainkan ialah kabahumen Amah.'' ⁴⁰ Udiyiru, Yesus hawi ma kawan murid-Ni balalu kadinung here ganyah mandre. Balalu,Hanye kaeau mahi Petrus, ''Jari, hanyu puang sanggup bajaga baya Aku erang jam ai? ⁴¹ Bajaga nelang lakudua nampan naun puang lawu hang wuang purija. Roh samula penurut kude tabiat murunsia memang maleme.'' ⁴² Yesus tulak lagi karueh kalini lepuh lakudua, eau-Ni, ''Amah-Ku, amun kahanangen yina harus wuah Aku nelang puang tau nasanawit lagi, elahni kabahumen Amah sa jari.'' ⁴³ Hindra lagi, Hanye hawi kadinung here mandre lagi daya here siruru tu'u. ⁴⁴ Balalu, hanye nanan here, Hanye tulak lagi, balalu lakudua sakatelukalini, andri ngantuh lengan sa sameh. ⁴⁵ Udiyiru Yesus mulek nunung kawan muridni nelang kaeau, ''Mandreleh taati nelang istirahatlah. Dinung, waktuni magin riet Anak Murunsia na sarah ma tangan kawan ulun badosa. ⁴⁶ Amuan, ayu takam tulak. Dinung, ulun sa menghianat Aku haut riet.'' Yesus Najama ⁴⁷ Ganyah Yesus rahat bapaner, Yudas, isa hingka karuehwalas murid yiru hawi. Sindrah andri hanye, hawi pada ulun rama ngenei padang andri gagada, huyu kawan imam kepala andri kawan pemimpin bangsa yiru. ⁴⁸ Taati, hi penghianat Yesus ngami mahere tana, eauni, ''Hie sa nasiuk dayaku, irulah Hanye, jama Hanye.'' ⁴⁹ Yudas balalu nyandriet Yesus nelang kaeau,''Salam, Rabi!'' Balalu Yudas nyiuk Hanye. ⁵⁰ Yesus kaeau mahanye, ''Hengau tampalus maksut pihawiannu.'' Balalu ulun rama yiru nyanriet, nganak tangan hang Yesus, balalu nyama Hanye. ⁵¹ Dinung, erangkaulun hingka here hengeu Yesus ngaluar tanganni,narik padangni, balalu nampek walah imam besar yiru, netek siluni. ⁵² Udiyiru, Yesus kaeau mahanye, ''Ampasuk padangnu ma lunanni, daya katuluh samakai padang akan matei daya padang. ⁵³ Hanyu mina Aku puang tau laku karawah ma Amah-Ku, palus Hanye, taati pada langsung ngami labih hingka ruehwalas pasukan malaekat ma-Aku. ⁵⁴ Kude, kalaawe amun kalayiru isa haut na tujum hang Surat Barasis memang harus terjadi kalayiti? ⁵⁵ Hang saat yiru, Yesus kaeau ma ulun rama yiru, ''Inunngulah ialah kai nawan penjahat naun kaluar ngenei padang andri gagada kai nyama Aku? Tiap andrau, Aku maharung ngajar hang Lewu Alatalla naun puang nyama Aku. ⁵⁶ Kude, katuluh yina terjadi supaya tulus inun sa haut na tulis hang kitab para nabi. Udiyiru katuluh kawan murid nempat nanan Hanye. Kawan Pamimpin Yahudi Menghakimi Yesus ⁵⁷ Here sa nyama Yesus ngenei Hanye ma hi Kayafas, Imam Hante, uneng kawan ahli taurat andri kawan pemimpin Yahudi bakumpul. ⁵⁸ Balalu hi Petrus ngapung Yesus hingka lawit hampe masuk natat lewu imam hante. Petrus masuk, maharung baya kawan pengawal nampan karasa hampeawe ahirni. ⁵⁹ Kawan iman kapala andri katuluh Sanhedrin ngantara kesaksian palsu supaya tau na sanawu hukuman mati maamau Yesus. ⁶⁰ Kude, here puang kahaba sunah isa biar hene saksi sa ipusu hawi. Ahirni naan rueh kaulun sa maju ma hadapan, ⁶¹ balalu kaeau, ''Ulun yina kaeau, 'Aku kaiyu nyanruntun Lewu Alatalla balalu ngamuan ni kamulek.''' ⁶² Udiyiru, Imam Hante mindri balalu kaeau ma Yesus, ''Inun Hanyu puang uweng sangaian? Inun sa nasaksikan daya kawan ulun yina ma Hanyu?'' ⁶³ Kude, Yesus tatap suni. Balalu, Imam Hante yiru kaeau ma Yesus, ''Aku nyumpah-Hanyu hawuang Alatalla sa welum nampan hanyu kaeau ma kami, inunkah Hanyu adalah Mesias, Anak Alatalla?'' ⁶⁴ Yesus kaeau ma Hanye, ''Hanyu haut ngantuh ni raerai. Kude, Aku kaeau ma hanyu bahwa mulai hingka taati hanyu akan kadinung Anak Murunsia maharung hang tuhi kawan Alatalla sa ang uweng tikas kuasa, nelang hawi hang amau rakun hang langit.'' ⁶⁵ Balalu,Imam Hante ngirah pakaianni nelang kaeau, ''Hanye nangkurun Alatalla! Puang perlu lagi saksi? Dinung, taati naun haut karengei kawan lengan nangkurun Alatalla. ⁶⁶ Kaawe pendapat naun?'' Kawan pemimpin Yahudi yiru nyangai,''Hanye pantas na hukum matei.'' ⁶⁷ Balalu, here nura uruwawa Yesus nelang ninju Hanye. Salain pada nampar Hanye. ⁶⁸ Here kaeau, '' Banubuatlah ma kami, u Raja Panyalamat; hie sa nampar Hanyu?'' Petrus Puang Mangaku Yesus ⁶⁹ Ganyah, hi Petrus maharung hang luar natat erangkaulun palayan wawei hawi nunung hanye nelang kaeau, "Hanyu pada bahengau andri Yesus, ulun Galilea yiru.'' ⁷⁰ Kude, Petrus puang mangaku hang muka here katuluh, eauni,''Aku puang kataru inun sa napanernu.'' ⁷¹ Dami hi Petrus kaluar ma wawaanawang pagar natat, erangkaulun pelayan wawei kadinung hanye balalu kaeau ma kawan ulun sa naan hang yiru, ''Ulun yina pada baya Yusus tika Nazaret ru.'' ⁷² Balalu, hindra lagi hi Petrus puang ngaku nelang isapa tenga, ''Aku puang kataru Ulun yiru.'' ⁷³ Puang lawah uduyiru, kawan ulun sa mindri nyandriet hi Petrus nelang kaeau, ''Pasti hanyu pada erangkaulun tika here daya lentah hingka suaranu,'' ⁷⁴ Udiyiru, hi Petrus mulai basumpah sumpah, nelang kaeau, ''Aku puang kataru Ulun yiru.''Ganyah yiru balalu, manu jagau nandru. ⁷⁵ Balalu, hi Petrus kaitung inunsa naeau Yesus,''Sahuan manu jagau nandru, hanyu akan puang ngaku Aku telu kali,'' Udiyiru Petrus kaluar balalu ngiak andri hanang ateini.