¹ Dami here haut riet andri Yerusalem balalu haut hampe hang Betfage, hang bukit Zaitun, Yesus mengutus rueh kaulun murit Ni; ² Eau-Ni ma here, "Tulaklah ma tumpuk sa naan hang hadapan hanyu, balalu hanyu akan langsung kahaba erangkaukui keledai sa pahuruk andri erangkaukui anak keledai bayahanye. Lapas hurukan here balalu enei karuehni nunung-Aku. ³ Amun naan ulun bapaner bamasam mahanyu, hanyu harus kaeau, 'Tuhan memerlukanni,'balalu Hanye kai langsung ngirimni.'' ⁴ Hal yina kajadian nampan naganapi inun sa na eau daya nabi: ⁵ "Paner ma putri Sion, 'Dinung Rajanu hawi mahanyu, maeh atei, nelang nunggang erang kaukui keledai, andri erangkaukui keledai ia, anak hingka keledai beban. Zakharia 9:9 ⁶ Kawan murit tulak nelang nampalus inun sa haut na pesen Yesus ma here. ⁷ Here ngenei keledai yiru baya anak ni, balalu nganak kawan jubah here hang amau kawan keledai yiru, udiyiru Yesus sungkat ma pungung keledai yiru. ⁸ Rama ulun hang yiru merang kawan jubah here hang lalan, nelang kawan sa lain netek raan jangkeng kayu,balalu nganak hang lalan. ⁹ Hene ulun sa takia hang hadapan andri sa hang wading Yesus andri lengan mehet kaeau, ''Hosana ma Anak Dawid! 'Naberkati Hanye sa hawi hawuang ngaran Tuhan.' Tawat ma Alatalla ma uneng sa paling amau" Mazmur 118:25-26. ¹⁰ Dami Yesus masuk ma Yerusalem, katuluh tumpuk yiru rawek rukah. Here nunti, "Hie Henye yina?" ¹¹ Balalu, ulun rama yiru nyangai, "Hanye Nabi Yesus, hingka Nazaret hang Galilea." ¹² Balalu, Yesus masuk ma Lewu Alatalla palus ngunnur kawan ulun sa ba dagang hang Lewu Alatalla yiru, Hanye maleng kawan meja panurupan duit, kawan bangku here pangari kawan wurung dara. ¹³ Hanye kaeau ma here, "Haut natulis, 'Lewu-Ku sagar na antuh lewu unengan lakudua,' kude naun ngulahni jari hanai parampok.''' ¹⁴ Balalu, kawan ulun pehe andri kawan ulun lumpuh hawi nunung Hanye hang Lewu Alatalla, balalu Hanye nyamare here. ¹⁵ Kude, ganyah kawan imam kepala andri kawan ahli taurat kadinung mukjizat-mukjizat sa haut na ulah daya Yesus balalu kadinung kawan ia berseru hangwuang Bait Alatalla, "Hosana ma Anak Daud," here balalu sangit. ¹⁶ Balalu, here nunti ma Yesus, "Inunkah Hanyu karengei inun sa na eau kawan ia yina?" Balalu, Yesus nyangai here, "Hiai. Huan suahkah hanyu mambasa, 'Hingka wawa kawan gena andri kawan ia masih umu, Hanyu haut nyadia pujian ma tenga-Nu raerai. ¹⁷ Udiyiru, Yesus nanan here balalu kaluar hingka tumpuk yiru ma Betania balalu amalem hang yaru. Yesus Menunjukan Kuasa Iman ¹⁸ Taati, hang andrau kaayat, dami Yesus mulek ma tumpuk, Hanye jari kalauan. ¹⁹ Balalu, dami kadinung kakau ara hang iring lalan, Hanye nunungni balalu puang kahaba inun-inun, ekat kawan rawen ni. Balalu Hanye kaeau ma kakau yiru, " Puang akan suah bawua lagi hanyu hampe kalalawah!" Saat yiru pada, kakau ara yiru jari karing. ²⁰ Dami kawan murid kadinung hal yina, kawan murid terheran-heran balalu here nunti, "Inunngulah kakau ara yiru karing seketika yiru pada?" ²¹ Balalu, Yesus nyangai here, "Sabujurni aku kaeau mahanyu, jaka hanyu naan iman andri puang bimang, hanyu puang ekat ngulah inun sa naulah nadap kakau ara yina, bahkan amun hanyu kaeau ma gunung yina, 'Taangkatlah balalu na umpe ma wuang laut,' hal yiru balalu kajadian. ²² Nelang, katuluh sa hanyu laku hangwuang lakudua, parasayaleh, hanyu pasti narimeni." Pemimpin Yahudi Meragukan Kuasa Yesus ²³ Ganyah Yesus masuk ma Lewu Alatalla, kawan imam kepala andri kawan tatueh bangsa Yahudi hawi nunung Hanye semntara Hanye ganyah ngajar balalu nunti, "Andri kuasa inun Hanyu ngulah hal-hal yina? Balalu, hiekah sangami Hanyu kuasa yina?" ²⁴ Yesus nyangai here, "Aku pada ka'i nunti isa hal mahanyu, amun hanyu ta'u nyawabni, Aku pada iwara mahanyu andri kuasa inun Aku ngulah katuluh hal yina. ²⁵ Hingka awe baptisan Yohanes? Hingka surga atau hingka murunsia?" Balalu here mulai bapaner andri sasameh here raerai, eauni, "Amun takam kaeau, 'Hingka Surga,' Hanye akan kaeau, 'Amun kalayiru daya inun naun puang paracaya ma hi Yohanes?' ²⁶ Kude, amun takam nyanga'i, 'Berasal hingka murunsia.'Takam takut ma ulun hene daya here katuluh manganggap bahwa Yohanes adalah nabi.' ²⁷ Balalu here nyanga'i Yesus, "Kami puang karasa." Balalu, Yesus kaeau, Aku pada puang akan iwara mahanyu andri kuasa inunkah Aku ngulah hal-hal yina." Perumpamaan tentang Rueh Kaulun Anak ²⁸ "Kude, inun pendapatnu? Naan ulun isa baisi rueh anak upu, balalu hanye hawi ma isa pangatueh balalu kaeau, 'Anakku, hulu bagawi andrau yina hang kabun anggur.' ²⁹ Balalu hanye nyanga'i, 'Hiai, Amah,' kude udiyiru hanye puang tulak. ³⁰ Udiyiru amah yiru tulak ma anak sa karueh balalu ngantuh hal sa sameh. Anak yiru nyanga'i, 'Puang hakun,' kude hanye manyasal balalu tulak. ³¹ Hiekah hingka karueh ia yiru mematuhi amahni?" Here kaeau, "Isa terakhir." Yesus kaeau ma here, "Sabujurni, aku kaeau mahanyu bahwa kawan pangumpul pajak andri kawan pelacur akan masuk ma wuang Kerajaan Alatlla dahulu hingka hanyu. ³² Daya , Yohanes hawi mahanyu hangwuang lalan isabujur kude hanyu puang parasayahanye, kude, kawan pangumpul pajak andri kawan pelacur parasayahanye. Balalu, hanyu, dami kadinung hal yina puang manyasal udiyiru balalu hanyu puang ta'u parasayahanye." Perumpamaan ne'u Ampun andri Penyewa Kabun Anggur ³³ "Rengei parumpamaan sa lain. Naan ampun kabun sa ngamule erang kabun anggur, balalu masang pagar hang sakalilingni, balalu ngadi unenghan mi'an aggur, balalu ngapindri manara. Udiyiru hanye ngampisewa kabun anggurni ma papire petani, balalu hanye tulak ma luar negeri ³⁴ Dami musim wua ka'i mihak, hanye ngirim kawan hambani nunung kawan petani yiru lepuh narime wuani. ³⁵ Kude, kawan ulun sa ngaraja kabun yiru nyama kawam pelayan yiru meheni na weweh, sa lain ni na wunu, sa lain ni na pedak andri watu. ³⁶ Hindra lagi, ampun kabun nyiru nunyu kawan pelayanni sa lain, sa labih hene lagi hingka sa dahuluni. Kude, kawan tukang gawi kabun yiru ngulah hal sameh andri here. ³⁷ Akhirni, ampun kabun yieru ngirim anak ni nunung here, eauni, 'Here pasti menghormati anakku.' ³⁸ Kude, dami here kawan tukang gawi kabun yiru kadinung anakni, here kaeau andri sasameh here raerai, 'Hanye ina ahli waris, hanyu takam munu hanye balalu nanrabut warisanni.' ³⁹ Balalu here nyama anak ampun kabun yiru, numuk hanye ma luar kabun anggur, balalu munuhanye. ⁴⁰ Udi yiru, dami ampun kabun anggur yiru hawi, inun sa akan na ulahni ma kawan tukang gawi kabun yiru?" ⁴¹ Here nyangai ma Hanye, "Hanye akan munu ulun sa jahat yiru andri jahat tatuu, balalu hanye ngampi sewa kabun anggurni ma kawan ulun lain, sa hakun manyarahkan ma hanye hasil bagian wua hang musimni. ⁴² Yesus kaeau ma here, "Inun hanyu puang suah mambasa hangwuang Surat Barasis: 'Watu na pakai daya kawan tukang bangunan haut jari watu penjuru. Yiru pagawian Tuhan, hal yina maeh tatuu hang paninungan takam'? Mazmur 118:22-23 ⁴³ Daya yiru, Aku kaeau ma hanyu, Karajaan Alatalla akan na alap hingka hanyu balalu na ami ma kawan ulun sa sagar nampalus parintahNi. ⁴⁴ Balalu, hie sa lawu ma amau watu na akan hansur; hie sa katekan watu na akan ramuk." ⁴⁵ Dami kawan imam kepala andri kawan ulun Farisi karengei kawan perumpamaan-Ni, here kataru bahwa Yesus ganyah maner here. ⁴⁶ Kude,dami here kai nyama Yesus, here takut andri ulun rama daya ulun rama yuru menganggap bahwa Yesus erang kaulun nabi.