¹ Tabe hingka Yakubus, walah Allatalla anri Yesus Kristus ma ka ruehwalas suku sa tapisah hang katuluh dunia. Ujian Iman menghasilkan Ketabahan ² Kawan pulaksanai, anggap leh sebagai suatu sukacita amun hanyu lawu wuang bamasam kararaen. ³ Daya, hanyu karasa yiru ialah ujian ma imannu himpan hanyu jari ulun sa sabar ⁴ Himpan Ketabahan yiru ngami Basil sa penu neu hanyu jari sempurna anri utuh, puang kakurangan inun-inun. ⁵ Kude, damai hang helang hanyu naan sa kakurangan hikmat, hendaklah Hanye laku ma Alatalla, sa anri murah atei sagar ngami ma katuluh ulun sa laku. ⁶ Kude, Hanye harus anri imam nelang puang iyuh bimang Daya ulun sa bimang ialah sameh galombang laut, natiup riwut mayiru mayinai. ⁷ Ulun sa kalayiru ada mangira sagar narime sesuatu hingka Tuhan. ⁸ Ulun sa rueh atei puang sagar tanang wuang lalan pamelum ni. Tatau sa Bujur ⁹ Sapatutni here sa welum sederhana bangga dami hanye nanawat, ¹⁰ kalahie pada here sa tatau dami hanye lawu miskin ialah sameh bunge rikut, sa sagar matei. ¹¹ Daya, Wuah ka'i mateandrau, ngampi layu rikut yiru, bunge ni lawu, balalu matei. Kalayiru pada, ulun tatau sagar wawai hang helang usahani. Pensobaan Puang Baasal Hingka Alatalla ¹² Naberkatilah ulun sa tabah wuang kararaen daya dami hanye tabukti tahan uji, hanye sagar narime mahkota pamelum sa najanyi ma here sa hayang ma Hanye. ¹³ Dami hanyu nasobai, ada hanyu kaeau, "Aku rahat nasobai Alatalla." Daya, Alatalla puang iyuh nasobai daya hi mara'at nelang Hanye puang tau nyansuba hie hie. ¹⁴ Kude, uras ulun nagangu hantek hanye natarik nelang nagoda daya kabahumenni raerai. ¹⁵ Hantek hanye pakaiyuh nahan nafsuni, haut nyata hanye ngulah dosa balalu dami dosa yiru samakin hante, hanye sagar matei. ¹⁶ Kawan pulaksanai sa kukasihi, ada hampe naun tawang. ¹⁷ Katuluh sa maeh sa sempurna hawi teka amau, naampinau daya Alatalla Amah, witu-Hanye mahi perubahan atawa tahurup bayangan. ¹⁸ Daya aheng-Ni raerai, Hanye nanjari pamelum takam Pakai firman kebenaran nampan takam jari wua sulung teka katuluh ciptaan-Ni. Nyanrengei anri Ngagawi Firman Tuhan ¹⁹ Kawan pulakanai sa kukasihi, sanrengei sa iti: hendaklah asing-asing ulun rama nyanrengei, kalahie pada ada rama paner, anri ada hinang sangit. ²⁰ Daya, dami panyangitan takam mahadin ngulah samaeh teka Alatalla. ²¹ Makahie, tananleh gawian sa puang maeh anri sa maraat, balalu tarime anri arai atei firman Alatalla sa haut naan witu hanyu, sa sanggup nyalamat amiruenu. ²² Jarilah pelaku firman ada ekat nyanrengei; dami puang, hanyu ipusu ma tenganu raerai. ²³ Deya, dami hanyu nyanrengei firman, kude puang melakukanni, hanyu sameh kala ulun sa rahat nantau ra'i nu hang saramin. ²⁴ Dami haut nantau tenganu raerai balalu mahulu, hanyu haut pakaitung lagi wangunnu nien. ²⁵ Kude, ulun sa manaliti aturan sa sempurna, hanye aturan sa memerdekakan, hanye puang sagar jari panyanrengei sa hinang pakaitung, kude sagar jari ngunu firman. Hanye sagar naberkati deya inun sa haut nagawini. Ibadah sa Bujur-Bujur nuju ma Alatalla ²⁶ Dami naan ulun sa ngakira bahwa hanye ulun sa taat baibadah, kude hanye pakaiyuh mangandalikan ilatni, hanye ipusu ma ateini kerai. kataatani yiru puang badiran. ²⁷ Ibadah sa murni anri puang bercela nahadapan Alatalla Amah takam adalah ngarawah kabaniya yatim piatu anri Kawan Bali hawuang kararaen here, nelang nyaga pamelumni himpan ada uma sa maraat.