¹ Hingka hi Paulus, Sajari rasul puang daya murunsia atawa mitah murunsia, malengkan mitah Kristus Yesus andri Alahtalla Amah sa nyamelum Hanye kamulek teka pampatei. ² Pada, hingka katuluh pulaksanai saiman sabaya andri aku, Neu kawan ungkup hang Galatia. ³ Anugerah andri damai sejahtera ma naun hingka Alatalla Amah takam anri Tuhan Yesus Kristus, ⁴ sa haut ngami tengga-Ni gana kawan dusa takam nampan nasalamat takam hingka zaman sa jahat yiti sasuai andri kabahumen Alatalla andri Amah takam. ⁵ Ma Hanyeleh kemuliaan hampe kalalawahni. Amen. EKAT NAAN ISA KABAR MAEH ⁶ Aku wa'uh, tuu hinangni hanyu nanan Hanye, sa haut nerau hanyu mitah lelu ahi Kristus, balalu iwaleng ma kabar maeh sa lain. ⁷ Padahal pauweng naan kabar maeh sa lain. Kude, naan papire kaulun sa haut hamen nyantawang hanyu nelang hamen ngampil hala Kabar Maeh Kristus. ⁸ Kude, amun kami atawa erang kaulun malekat hawi hingka surga nahampe habar mahanyu kabar maeh sa puang sameh andri inunsa haut nawara kami mahanyu, terkutuklah hanye! ⁹ Kala sa haut kami iwara sahuanni taati aku iwara lagi, amun naan ulun sanahampe barita mahanyu kabar maeh sa puang sameh andri inun sahaut hanyu tarime, elahleh hanye terkutuk. ¹⁰ Inun satati aku ganyah ngantara persetujuan murunsia atawa Alahtalla? Atawa, inunkah aku magun masuba ngampi sanang murunsia? Amun aku masih mansuba ngapisanang murunsia, aku puang hamba Kritus. PEMBELAAN PAULUS ATAS KERASULANNI ¹¹ Pulaksani katuluh, aku hamen naun karasa Kabar Maeh sa haut nawaraku yiru puang Kabar Maeh ulahan murunsia. ¹² Aku puang narime hingka murunsia, atawa aku paajar hingka murunsia, kude aku kaiyuh mitah waraan hingka Kristus Yesus. ¹³ Daya, naun haut karengei kala awe wangun welumku salawah hingka agama Yahudi, aku nyansara jemaat Alahtalla andri kejam nelang bausaha neo ngampi hansurni. ¹⁴ Aku tuu maju hawuang masalah agama Yahudi, lawit labih maju naintur anri kawan ulun Yahudi sapantaran aku. Aku paling rajin malihara adat istiadat nini datuku. ¹⁵ Kude, hantek Alahtalla, sahaut midi aku hingka wuang wuntung inehku nelang haut nerau aku mitah anugrah- Ni, ¹⁶ berkenan menyatakan Anak-Nya dlam aku supaya aku dapat memberitakan Dia dantara orng-orang bukan Yahudi, aku tidak segera meminta nasehat kepada seorang pun . ¹⁷ Aku pada puang tulak ma tumpuk Yerusalem lepuh panalu andri here sa haut jari rasul sahuan aku, kude aku nahinang tulak ma tane Arab nelang mulek lagi ma tumpuk Damaskus. ¹⁸ Telu taun udiyiru, aku tulak ma tumpuk Yerusalem lepuh pangataru andri hi Kefas palus muneng baya hanye salawah dime walas andrau. ¹⁹ Kude, aku pauweng kain'i isapun hingka kawan rasul lain, kasuali Yakobus, pulaksanai Tuhan. ²⁰ Aku iwara ma naun hang hadapan Alahtalla amun inun sahaut nasurat ku manaun puang ipusu. ²¹ udi yiru, aku tulak ma tane Siria andri Kilikia. ²² Aku huan here kataru secara pribadi daya kawan jemaat wuang Kristus sa naan hang tane Yudea. ²³ Here ekat gaha karengei, "Hanye, sa dahulu hiye gaha ngahanangan takam, taati iwara iman parisaya sa dahulu suah hamen nasamawai ni." ²⁴ Here nawat Alatalla daya gana aku.