¹ Itung Yiti. Hang andrau pajimpuhan sagar naan wahai kasusahen. ² Marunsia sagar ekat mamikir tenga ni raerai,mate duitan,sakah nelang kajut mapusu.Here katuju ngawawarah ulun,nawan ulun matueh,puang kataru batarimakasih,nelang muar ma kawan sa rohani. ³ Here puang sinta andri sasameh marunsia,puang hamen ngampun,here katuju nangkurun ngaran ulun lain,katuju makai kakarasen,here maraat,nelang puang katuju ma pikaeh. ⁴ Here katuju sulas durhaka,sakah,nelang puang amau pikiran.Here labis katuju ma kasanangen dunia teka ngalut kabahumen Alatalla. ⁵ Biar nadinung here ngalut nuu nampalus kawajiban agama, kude here puang narime inti teka agama yiru.sanawit tenga teka ulun kalayiru. ⁶ Daya, teka here sa ikalinik masuk ma lewu,balalu mamikat kawan wawei sa maleme nelang badusa sa nakuasa daya masam masam kabahirien. ⁷ Kawan wawei yiru sarantang laku na ajar,kude puang suah tau kataru ajaran sa bujur teka Alatalla. ⁸ Kala hi Yanes andri Yambres sadi nawat hi Musa, kalayiru pada kawan ulun yiru nawat ajaran teka Alatalla.Pikiran here haut rusak,nelang kaparisayaan here mahak. ⁹ Kude, here puang sagar kaiyuh inun inun,daya panunga here sagar rasa katuluh ulun,kala na ingkam daya Yanes andri Yambres . Nasihat hi Paulus ma hi Timotius ¹⁰ Kude, hanyu haut makai ajaran ku ,pidasaran ku,andri tujuan pamelum ku.Hanyu haut kadinung kalaawe aku tuu tuu parisaya ma Yesus Kristus nelang sinta ma sasameh marunsia.Hanya karasa pada kasabaren nelang kakansingen ku. ¹¹ Hanyu haut kadinung aku nasiksa nelang nanggung kahanangen.Hanyu karasa katuluh kajadian sa wuah aku hang Antiokhia,hang Akunium,andri hang Listra,nelang hanyu karasa katuluh kahanangen wuah aku.Kude Tuhan nyalamat aku teka katuluh ni yiru. ¹² Samula katuluh ulun sa hamen welum baibadat nelang welum mira baya andri Kristus Yesus sagar wuah kahanangen, ¹³ Kude kawan ulun sa jahat andri panipu sagar magin batamah jahat.Here nipu ulun lain padahal here raerai tatipu pada . ¹⁴ Kude neu hanyu,Timotius, ware hanyu tatap itegei hang kawan ajaran sa haut na ajar ma hanyu nelang katuluh ni naparisaya daya nu,daya hanyu karasa hie kawan guru nu, ¹⁵ Hanyu harus kaitung kalemah teka rumis hanyu haut kataru Surat Barasis.Surat Barasis yiru ngami ma hayu kaharatien- ktaruen nampan kaiyuh salamat itetei parisaya ma Yesus Kristus. ¹⁶ Katuluh sa na surat hauwang surat Barasis,nailham daya Alatalla nelang bariran pakai ngajar sa bujur,pakai nagur,nelang nyamuah sa hala,nelang pakai ngajar marunsia nampan welum ngalut kabahumen Alatalla, ¹⁷ Anri yiru, murunsia witu Alatalla jari segah nelang naperlengkapi neu ngunu ulah sa maeh.