¹ Teka hi Paulus, rasul Yesus Kristus sa na pidi daya Alatalla sasuai anri janyi pamelum sa wuang Yesus Kristus. ² Nuju hi Timotius, anak Ku sa na sinta. Anugerah, walas ahi, anri damai sajahtara teka Alatalla, Amah, anri Yesus Kristus Tuhan takam. Nasihat pakai Tatap Nyansiar Injil ³ Aku ngantuh tarime kasih ma Alatalla sa nalayani Ku andri atei kunuan sa barasis kala sa na ulah datu mini Ku sadi.Aku sarantang ngantuh terima kasih ma Alatalla tiap Aku kaitung hanyu hauwang doa,hau kaandrau hau kamalem. ⁴ Aku kaitung hanang atei nu.Yiru Sabah ni aku hamen tatuu panalu hanyu nampan aku tuu tuu arai. ⁵ aku kaitung neu kaparisayaan nu isa tuu tuu ma Kristus,sameh adri kaparsayaan itak nu hi Lois andri ineh nu hi Eunike.Nelang aku yakin hanyu pada parisaya kalayiru padae. ⁶ Daya yiru aku ngampi itung nampan nyamelum ahilelo isa na Ami Alatalla ma hanyu hang awuk aku hanrapak tangan Ku hang amau hanyu. ⁷ Daya, Alatalla puang ngami roh sa ngulah takam puang heei, justru Hanye ngami roh sa ngulah takam kuat, kasih anri kaiyuh manguasai diri. ⁸ Jari, ada amangan basaksi hal Tuhan takam nelang ada amangan neu aku, sa nahukum gana Hanye. Kude, daya kuasa Alatalla, umaleh kararaen demi Injil. ⁹ Alatalla nyalamat takam nelang nerau takam anri herauan sa kudus, puang daya inun sa haut na ulah takam, kude daya anugerah-Ni raerai sa haut Hanye ami ma takam wuang Yesus Kristus sa huan naan dunia ¹⁰ Itati, hal yiru haut jari nyata mitah pihawian Juru panyalamat takam Yesus Kristus sa haut ngahapus kapateian balalu ngami pamelum salawahni mitah Injil. ¹¹ Daya Injil itilah, aku na tutui jari pengkhotbah, rasul, nelang guru. ¹² Yiru sababni, aku ngaret katuluh kahanangen yiti,kude aku tatap harap,daya aku karasa tuu hi sa naparisaya ku.Aku harap inun sa haut naamini ma aku,hanye sanggup pada nyaga ni hampe andrau kiamat. ¹³ Tegei tatuu ajaran sa bujur sa haut na ami ku ma hanyu.nelang wuah hanyu tatap itegei hang kaparsayaan nelang sinta sa haut jari milik takam daya mira baya andri Kristus Yesus. ¹⁴ Andri pangarawahen teka Roh Alatalla sa welum wuang takam,wuah hanyu nyaga mamaeh kawan hal sa baharaga sa haut na ami ma hanyu. ¹⁵ Hanyu karasa katuluh ulun hang propinsi Asia haut nanan aku,ta masuk pada hi Figelus andri hi Hermogenses. ¹⁶ Kude kaluarga Onesifrus haut papire kali ngampi arai atei ku.mudahan Alatalla hamen nutui ahi leloni ma here,biar aku hawuang panjara, hi Onesifrus puang amangan neu wangun ku yiru. ¹⁷ Dami, hampe hang Roma,hanye palus ngakali ngantara aku hampe hanye panalu andri aku, ¹⁸ nelang hanya karasa awuk hang Efesus hanye mahi ngarawah aku.Mudahan Tuhan nantarang ahi leloni ma hanye hang andau Tuhan mangadili ulun katuluh marunsia.