Ilaku Doa teka Paulus ¹ Pangalisni, Kawan pulaksanai, badoalah pakai kami, nampan firman Tuhan ka'iyuh hinang tasabar anri namuliakan, ialah kala sa haut terjadi hang helang naun, ² anri nampan kami nasanlapas teka kawan ulun sa kejam anri maraat deya puang katuluh ulun naan iman. ³ Kude yeru, Tuhan iru satia. Hanye sagar manguatkan anri nampilindung hanyu hingka sa maraat. ⁴ Kami ampun kayakinan wuang Tuhan hal hanyu bahwa hanyu rahat ngulah anri sagar tarus ngulah inun sa na parintah daya kami. ⁵ Kiranya Tuhan nampiarah ateinu ma kasih Alatalla anri ma katabahan Kristus. Kawajiban neu Bagawi ⁶ Kawan pulaksanai, wayahyena kami nunyu hanyu, wuang ngaran Tuhan takam, Yesus Kristus, nampan welumnu lawit teka kawan pulaksanai sa welum maule-ule anri puang sasuai anri ajaran sa hanyu tarime teka kami. ⁷ Hanyu re'rai karasa kalaawe hanyu harus ngalut kami deya kami puang welum maule-ule hantek kami baya naun. ⁸ Kami pada puang kuman kutaan ulun lain sa puang kami bayar. Sabalikni, kami bausaha anri bahimat bagawi kaandrau nelang kamalem nampan kami puang jari beban ma hie pun hang helang naun. ⁹ Puang deya kami mahi hak neu yeru, sabalikni pakai nyarah pamelum kami re'rai nampan jari sontoh ma hanyu pakai na alut hanyu. ¹⁰ Hantek kami masih baya hanyu pada, kami nagmi parintah yena: "Dami ulun puang hakun bagawi, ada hanye kuman." ¹¹ Deya, kami nyanrengei naan bapire hang helang hanyu sa welum maule-ule, ang hakun bagawi, tatapi haur ngulah sa puang badiran. ¹² Ulun sa kalayeru kami parintah anri kami itataan wuang ngaran Tuhan Yesus Kristus nampan bagawi tanang anri kuman wadaini re'rai. ¹³ Sadangkan hanyu, Kawan pulaksanaiku, ada uyuh ngulah sa maeh. ¹⁴ Dami naan ulun sa puang ngunu inun sa kami eau wuang surat yena, nasiri leh ulun iru anri ada bahengau bayani nampan hanye mangan. ¹⁵ Kude, ada ngulah hanye ialah musuh, tatapi tagur hanye ialah isa tawari. Ipatata sa Pangalisan ¹⁶ Tuhan sa damai sejahtera kirani ngami kadamaian hamian pun anri wuang katuluh kaadaan. Tuhan ngiring pamelum hanyu katuluhni. ¹⁷ Aku Paulus, nyurat tabe yena pakai tanganku re'rai ialah siri ka aslian suratku. Kala yeru lah aku nyuratni. ¹⁸ Anugerah teka Tuhan takam, Yesus Kristus, ngiring pamelum hanyu katuluhni.