Pihawian Murunsia Maraat ¹ Wayah ina, hal Tuhan takam sa sagar hawi, Yesus Kristus, anri hantek takam na tampi isa baya Hanye, kami laku ma hanyu, Kawan pulaksanai, ² nampan hanyu ada hinang bingung wuang pikirannu atawa galisah hantek nyanrengei bahwa andrau Tuhan haut hawi, baik teka roh* atawa pesen atawa surat ialah saolah-olah teka kami. ³ Ada na biarkan sunah isa pun nampi tawang hanyu kala awe pun sara ni. Deya, andrau yeru puang sagar hawi sa hu'an kamurtatan hawi anri hi murunsia maraat na nyatakan, yaitu hi iak kabinasaan, ⁴ sa nawan anri nampi amau tengakni nahadap katuluh ulun sa na antuh allah atawa sa na samah ulun; anri hanye sagar ngalap uneng maharung hang Bait Alatalla anri manyatakan hanye re'rai lah sa Alatalla. ⁵ Ang kaitung kah hanyu bahwa hantek aku masih bayanu, aku haut iwara masalah yena ma hanyu? ⁶ ta'ati, hanyu karasa inun sa manahan hanye nampan wa'u hantek wayahni die, hanye sagar na nyatakan. ⁷ Deya, misteri kadurhakaan haut rahat bagawi, ekatni hanye sa wayah ina manahanni sagar tatap manahanni hampe hanyr na singkirkan. ⁸ Balalu, murunsia sa maraat yeru sagar na santarang. Kude Tuhan sagar mununi pakai hewuk wawa-Ni anri nampiwawaini hantek Hanye hawi die. ⁹ Pihawian murnsia sa maraat yeru sagar sameh wangunni anri gawian hi iblis*, nelang na iring anri kapanan masam kuasa, siri-siri sa ajaib, anri kawan mujizat sa palsu; ¹⁰ balalu anri katuluh muslihat raat ma here sa sagar matei deya here manolak neu nampihayang kebenaran hampe na salamatkan. ¹¹ Maka yeru, Alatalla mangirim katawangan sa tamam ma here nampan here parasaya ma ipusu, ¹² hampe here katuluhni ka'iyuh nahakimi, hanye iru here sa puang parasaya ma kebenaran nelang aray anri ulah sa maraat. Hanyu Napidi neu Nasalamatkan. ¹³ Kawan pulaksanai sa nahayang Tuhan, kami nelang basyukur eleh ma Alatalla neu hanyu. Deya, Alatalla haut midi hanyu hingka awal pakai nasalamatkan mitah pambarasisan deya Roh anri iman wuang kebenaran. ¹⁵ Pakai yerulah Alatalla nerau hanyu mitah Injil* sa haut kami habar nampan hanyu ka'iyuh kamuliaan Tuhan takam, Yesus Kristus. ¹⁴ Jari, Kawan pulaksanai, mindrileh taguh anri tegeileh kawan ajaran sa haut na ajar ma hanyu, maeh mitah sa eau kami atawa mitah surat kami. ¹⁶ Wayah ina, kiranya Tuhan takam, Yesus Kristus, re'rai anri Alatalla Amah takam, sa haut nampiahi takam anri sa haut ngami takam panghiburan salawahni anri pangharapen sa indah mitah anugerah, ¹⁷ mahibur anri nampikuat ateinu wuang satiap gawian anri paneran sa maeh.