¹ Teka hi Paulus, rasul Yesus Kristus manyu paentah Allatalla,Penyelamat takam nelang manyu parentah Kristus,kaharapen takam. ² Ma hi Timotius, anak sa sah wuang iman. Mudahan Allatalla Ambah andri Kristus Yesus Tuhan takam ngami berkat,ahi lelo nelang kasanangen ma takam. Ngampiitung pakai Nawan Ajaran sa Nyantawang ³ Ialah kala aku ilaku mahanyu hantek aku tulak ma Makedonia, Aku hamen nampan hanyu tatap muneng hang Efesus, Daya hang Efesus naan papire ku ulun ngajar sa puang bujur,nelang hanyu harus nyantaduh here nyiru ngajar. ⁴ Ami nasehat ma here nampan here ada lagi parisaya ma kawan dongeng andri kawan sarita sanyarita kawan asal usul puang witus. Katuluhni nyiru ekat timbul pirawekan nelang puang nampalus ransana Allatalla sa ekat tau nampan tau itetei parisaya ma hanye. ⁵ Kude, Tujuan nasihat yiru,hanyeyiru nampan ulun kaiyuh atei sa maeh sa barasis,nelang tuu parisaya ma Tuhan,nelang andri kalayiru here tau sinta ma sasameh marunsia. ⁶ Naan mehe ni ulun haut puang welum kalayiru lagi,nelang tawang hawuang kawan pirawekan sa puang uweng riranni. ⁷ Here hamen jari kawan guru agama padahal here raerai puang kataru kawan lengan sa napakai here atawa kawan hal sa nawara here andri kaharapen. ⁸ Takam karasa kawan hukum agama yiru maeh,amun napakai manyu pipatutni. ⁹ patut naitung hukum yiru naulah batantu puang neu ma kawan ulun sa maeh,melengkan ma kawan ulun sa malanggar hukum,ma kawan pajabat,ulun durhaka,ma ulun badosa,ulun puang ba agama,ulun duniawi,ma ulun sa munu ambah atawa inehni,ma katuluh sa pamunu ulun, ¹⁰ ma kawan ulun idapa ibela,homoseks,panculik,mapusu,kawan saksi palsu nelang ma hie- hie sa ngulah kawan hal sa balawanan sa andri ajaran sa bujur. ¹¹ Ajaran yiru naan hang Kabar Maeh sa neu pakai iwara parisaya ma aku,hanyeyiru Kabar Maeh teka Allatalla sa mulia nelang patut na tawat. ¹² Aku ngantuh terima kasih ma Kristus Yesus Tuhan takam.Hanye haut ngami kakuaten ma aku nampan malayani Hanye,nelang hanye nganggap aku patut nampalus tugas yiru. ¹³ Biar dahulu hiye aku muntaka daya hang awuk yiru aku huan parisaya,jari aku puang karasa inun sa naulah ku. ¹⁴ Kude aku likan natampenu andri ahi lelo Tuhan takam.Hanye ngami ma aku kamampuan nampan parisaya ma hanye nelang sinta sasameh marunsia.Kampuan yiru na ami ma takam katuluh sa yir parisaya ma hanye nelang sinta sasameh marunsia.Kamampuan yiru na ami ma takam katuluh sa haut jari isa andri Kristus Yesus. ¹⁵ Lengan yiti iyuh na tegei daya yiru patut natarime nelang naparisaya katuluh ni:"Kristus hawi ma dunia yiti nampan nyalamat ulun badusa."Nelang aku ulun badusa sa pangajahat. ¹⁶ Kude likan daya yiru Alatalla malelo aku,nampan Kristus Yesus kaiyuh pamelum sajati ma kalalawah. ¹⁷ Alatalla,Raja kawan wayah nelang jaman,patut sarantang nahormat nelang natawat,daya hanye sa kalalawah,sa puang dinung nelang sa tungkan!,Ameen. ¹⁸ Timotius, anak ku!.Tugas yiti naparisaya ku ma hanyu,daya ngitung pesen Alatalla sa natahampe itetei kawan nabi huwanh ungkup neu dirinu.Ware kawan pesen yiru jari wasi ma hanyu hang wuang parjuangan sa maeh. ¹⁹ Ware hanyu bajuang sindrah itegei hang kaparisayaan sa bujur nelang andri atei maeh sa barasis.Naan papire kaulun sa pung padulu lengan kunuan atei ni,hampe kaparisayaan here balalu hansur. ²⁰ Hengka here yaru hanye yiru hi Himeneus andri hi Aleksander.Karueh ulun yiru haut hukum ku andri nyarah here ma iblis,nampan here pa ajar nampan taduh nangkurun Alatalla.