¹ Kawan anakku, aku manulis surat yina manaun nampan naun ada ngulah dosa. Kude, amun naan sangulah dosa, wat takam naan erang kaulun pangarawah hang hadapan Alatalla Amah, hanyeyiru Kristus Yesus, Sa Puanguweng kahalaen ru. ² Hanye yiru parapah perdamaian ma kawan dosa takam. Pada, puang ekat pakai dosa takam ai, kude pada pakai kawan dosa katuluh dunia. ³ Kalairu takam karasa takam kataru Alatalla, hanyeyiru amun takam ngalut kawan parintah-Ni. ⁴ Ulun sa kaeau, ''Aku kataru Alatalla,'' kude puang ngalut kawan parintah-Ni, hanye erang kaulun pangakal pikaeh puang uweng hang wuang hanye. ⁵ Kude, hie sa ngalut firman-Ni, ahi lelu Alatalla haut tuu sempurna hang wuang tengani. Kalayiru pada takam karasa bahwa takam hang wuang Hanye. ⁶ Ulun sa kaeau hanye muneng ibaya Alatalla, hanye harus welum sameh ialah Yesus welum. Sinta Sasameh pada Ngulah Kabahumen Alatalla ⁷ Kawan pulaksanai sa akukasihi, aku puang manulis parintah sa wau mahanyu, kude parintah uhang sa haut hanyu karasa hingka sadi. Parintah uhang yiru hanyeyiru Firman sa haut hanyu karengei hingka sadi. ⁸ Kude, aku pada ganyah manulis parintah wau mahanyu, sa naan kebenaran hang wuang Hanye pada hang amau hanyu daya piieng ganyah mitah balalu piraai taati ganyah maraai. ⁹ Ulun sa kaeau hanye naan hawuang piraai, kude masih muar anri pulaksanaini, ulun yiru masih hang wuang piieng hampe taati. ¹⁰ Ulun sa sinta ma pulaksanaini muneng hawuang piraai hampe puang uweng sa tau ngulah hanye badosa. ¹¹ Kude, ulun sa muar pulaksanaini hanye muneng hawuang piieng hanye takia hawuang piieng. Hanye puang karasa maawe hanye tulak daya piieng yiru ngulah hanye puang kadinung. ¹² Aku nyurat ma naun, kawan anak, daya kawan dosa naun haut na ampun daya ngaran-Ni. ¹³ Aku nyurat ma naun, kawan amah, daya naun haut kataru Hanye hingka asalni. Aku nyurat ma naun, kawan ia muda, daya naun haut nyantalau hi Jahat. Aku nyurat ma naun kawan anak, daya naun haut kataru Alatalla Amah. ¹⁴ Aku nyurat ma naun, kawan amah, daya naun haut kataru lengan Alatalla hingka asalni. Aku nyurat ma naun, kawan ia muda, daya naun tingkas, lengan Alatalla muneng hawuang naun, nelang naun haut nyantalau hi jahat. ¹⁵ Ada sinta dunia yiti atawa inun sa naan hawuang dunia. Amun naun sinta dunia, naun puang sinta ma Alatalla Amah. ¹⁶ Sabab, alakatantuluh hawuang dunia, hanyeyiru kahamenen murunsia sa badosa, sa nadinung balalu nakasinien, nelang sa nawawara alakatantuluh yiru puang hingka Alatalla Amah, melainkan tika dunia. ¹⁷ Dunia baya kawan katuluh na kasinien murunsia akan wawai, kude ulun sa ngalut kabahumen Alatalla akan welum hampe kalalawah. Ada Uma Anti-Kristus ¹⁸ O kawan anakku, taati haut riet pijumpuhan zaman; naun haut karengei musuh Kristus sagar hawi, bahkan taati hene musuh Kristus haut hawi. Yiru siri pijumpuhan zaman haut riet. ¹⁹ Here hawi hingka penah takam, kude here puang ulun takam. Amun here bagian hingka takam, himat here tatap ibaya andri takam. Kude, here nanan takam nampan nyata puang uweng here tamasuk babuhan takam. ²⁰ Kude, naun haut narime Roh Alatalla, balalu naun kataru ajaran sa bujur. ²¹ Aku nyurat yina ma naun puang daya naun puang kataru ajaran sa bujur, nelang naun haut karasa himat puang ipusu sa naan hawung ajaran sa bujur yiru. ²² Sa ipusu ulun sa puang mangaku Yesus yiru Sang Kristus? Irulah musuh -Kristus, ulun sa puang mangaku Amah atawa Anak. ²³ Ulun sa puang mangaku Anak berarti pada puang narime Amah. Kude, tiap ulun sa mangaku Anak, hanye pada narime Amah. ²⁴ Biarleh inun sa haut naun karengei hingka naun wau parisaya harus na jaga hawuang atei naun. Amun inun sa haut naun karengei yiru na pantaru daya naun mamaeh, naun sagar tatap welum ibaya andri Anak nelang andri Amah. ²⁵ Nelang, yiti sana janji Kristus ma takam, hanyeyiru welum palus makalalawah. ²⁶ Katuluh sa surat yiti ma naun, daya kawan ulun sa rahat ngunu nipu naun ²⁷ Kude, Kristus haut ngami Rohni ma naun, Roh yiru muneng hawuang naun, puang perlu naan ulun lain sa ngajar naun. Daya Rohni ngajar naun neu alakatantuluh yiru nelang sa na ajar yiru bujur, puang ipusu, were naun ngalut nuu ma kawan sa naajar Roh yiru, ware naun tatap welum ibaya andri Hanye. ²⁸ Taati kawan anakku, ware naun tatap welum ibaya Hanye nampan amun Hanye hawi, takam nadap Hanye andri penu kaheeien nelang puang amangan hang waktu Hanye hawi. ²⁹ Naun haut karasa Hanye memang bujur, naun haut karasa pada katuluh ulun sa welum bujur, hanyeyiru anak Alatalla.