¹ Sesuatu sa haut naan hingka awal, sa haut kami karengei, sa haut kami kadinung andri mate kami, sa haut kami perhatikan pada sentuh andri tangan kami, hanyeyiru Firman sawelum, ² sawelum yiru haut nanyatakan balalu kami haut kadinung-Ni. Kami basaksi balalu iwara ma naun neu pamelum sa kalalawah yiru, isa haut naan ibaya Alatalla Amah balalu pada haut nanyatakan ma kami. ³ Hal sa haut kami kadinung andri karengei ru, kami iwara pada mahanyu nampan hanyu pada naan perkumpulan andri kami. Sabujurni, perkumpulan kami yiru adalah ibaya Alatalla Amah pada anak-Ni, Kristus Yesus. ⁴ Katuluh hal yina kami manulis mahanyu nampan kaarayennu balalu jari penu. Takia hangwuang Piraai ⁵ Ina kabar sa haut kami karengei neu Hanye pada kami nahampe mahanyu, hanyeyiru Alatalla adalah piraai pada hangwuang Hanye sama sekali puang uweng piieng. ⁶ Amun takam kaeau bahwa takam naan perkumpulan andri Hanye, kude takam welum hangwuang piieng, takam ipusu pada puang ngulah sabujur. ⁷ Kude, amun takam takia hawuang maraai, sameh ialah Hanye hang wuang maraai, takam naan perkumpulan isa andri sa lain, balalu ira Yesus, Anak-Ni, ngabarasih takam hingka katuluh dosa. ⁸ Amun takam kaeau takam puang badosa, maka takam ngakal tenga takam raerai berarti kebenaran puang uweng hangwuang takam. ⁹ Amun takam mangaku kawan dosa takam, Hanye sa setia nelang adil pakai ngampun kawan dosa takam pada ngabarasis takam tika katuluh sajahat. ¹⁰ Amun takam kaeau bahwa takam puang suah ngulah dosa, takam ngulah Hanye jari tukang ngakal pada firman-Ni puang uweng hang wuang takam.