¹ Telo andro tatoy afara, dia nisy fampakaram-bady tao Kanà ao Galilia, ary tao ny renin'i Jesôsy. ² Jesôsy aveo reo mpianany dia nasaigny tamin'ny lehy fampakaram-bady. ³ Koafa lany ny divay, dia nivaolagna taminazy ny ninin'i Jesôsy nagnanjao: "Tsy managna divay zareo." ⁴ Ary hoizy Jesôsy taminazy: "Ravehivavy, nagnino anao madaiha Aminaha? Mbôla tsy tonga ny fotoagnako." ⁵ Dia hoizy ny nininy taminjareo mpanompo: "Na ino na ino volagniny aminareo, dia tsaboy zany." ⁶ Ary nisy seho vato enigny teo zay fampiasaigny amin'ny andro fisasan'ny Jiosy, mahazaka aroa zisiky telo metatra aby. ⁷ Hoizy Jesôsy taminjareo: "Finoa rano ny seho." Kay nifinoanjareo zisiky aminy sôgnony zany. ⁸ Ary aveo dia hoizy Izy taminjareo mpanompo: "Magnovaoza aminjay ary ndeso agny amin'ny tompon'andraikitry ny fikarakaragna." Kay nitsabonjareo zany. ⁹ Nandraman'ny tompon'andraikitrin'ny fikarakaragna lehy rano nanjary divay, kanaifa tsy nahay zay niaviany zany izy (fao zareo mpanompo zay nagnôvo ny rano ndraiky nahay azy). Aveo nagnantso ny mpagnampakatra Izy ¹⁰ ary nagnambara taminazy nagnanjao: "Ny ôlogno jiaby dia magnamia divay tsara alaoha zay vao ny divay moramora koafa mamo zareo. Fao areo ndraiky nikajy divay tsara bariky aminjeo." ¹¹ Zany no famantaragna voalohany natan'i Jesôsy tao Kanà akagny Galilia, aveo nagnaboaka ny vogninahiny Izy, kay nino Azy reo mpianany. ¹² Tafaran'ny zay dia nijôtso hoagny Kapernaomy Jesôsy, ny nininy, reo rahalahiny ndraiky reo mpianany avakeo nijanogno tao andro vitsivitsy zareo. ¹³ Ary afa nariny ny Pasky ny Jiosy, dia nakatra tagny Jerosalema Jesôsy. ¹⁴ Nahita mpivatr'aomby, ondry aveo vôromailala tao ampiangonagna Izy, ary nibidôko tao koa zareo mpanakalo vaola. ¹⁵ Noho zany dia nagnamboatra karavasy izy kay nandroaka zareo jiaby hiboaka ny tempoly, na ny ondry na aomby. Nandraraka ny vaolan-jareo mpanakalo vaola Izy ary nandavo ny latabatra njareo. ¹⁶ Dia hoizy Izy taminjareo mpivarotra vôromailala: "Ndeso miboaka lavitry tô toeragna tô reo raha reo. Aoka zay ny fanaovagna ny tragnon'ny Iadako ho tany fiavaraotagna." ¹⁷ Ary tsaroan'ny reo mpianany fao afa voasaoratra magnanjao: "Ny firihaitako ny amin'ny tragnonao no handevogno zaho." ¹⁸ Aveo namaly reo laohandaohan'ny mpisôrogno Jiosy kay nagnanjao taminazy: "Ino moa famantaragna ho aboakanao zahay, mahatonga Anao magnano regny raha regny?" ¹⁹ Jesôsy namaly: "Aravagno tô tempoly tô, fao ho hatsangako agnatin'ny telo andro foagna zany." ²⁰ Ary hoizy zareo mpanapaka Jiosy: "Enigny amby aifapôlo tagno no nagnorenagna tô tempoly tô, kay anao moa hahatsangagna azy ao agnatin'ny telo andro?" ²¹ Kanaifa, mahakasikin'ny tempolin'ny haigniny no nivolagniny. ²² Tafaran'ny nitsanganany tamin'ny maty dia tsaroanjareo mpianany fao nagnambara zany Izy, ary nino ny Soratra Masigny ndraiky zany vaolagna nambaran'i Jesôsy zany zareo. ²³ Ary koafa tao Jerosalema Izy tamin'ny andro firavoravoagnan'ny Paska, dia maro no nino ny agnaragnanazy koafa nahita reo famantaragna zay nitsabony. ²⁴ Fao Jesôsy ndraiky tsy natoky zareo noho Izy nahay tsara zareo jiaby, ²⁵ satria tsy nila na zôvy na zôvy hagnambara aminazy ny mahakasikin'ny ôlogno Izy, noho Izy nahay ny ao agnatin'ny ôlogno.