¹ Tamin'ny voalaohany ny Teny, ary ny Teny tao amin-Jagnahary, ary ny Teny dia Zagnahary. ² Zany dia tamin-Jagnahary tamin'ny voalaohany. ³ Ny raha jiaby dia avy amin' Azy aby, aveo koa tsy Izy dia tsisy na ino na ino. ⁴ Noho Izy no nisiam- piainagna, aveo io fiainagna io no fahazavagnan'ny ôlogno jiaby. ⁵ Ny hazavagna mangilatra akao agnatiny mahizigny, aveo ny mahizigny tsy nandresy zany. ⁶ Nisy lalahy araiky nirahin-Jagnahary, Jaona agnarany. ⁷ Tonga izy mbô ho atomoa hagnambara ny mahakasiky fahazavagna, mbô hinoan'ny ôlogno jiaby aminn'ny alalany. ⁸ Tsy Jaona lehy fahazavagna, fao ndraiky tonga mbô hagnambara ny mahakasiky lehy fahazavagna izy. ⁹ Ny fahazavagna marigny, zay magnomia hazavagna ny ôlogno jiaby, dia tonga aketo amin'izao tontolo zao. ¹⁰ Teto amin'izao tontolo zao Izy, aveo Izy namôrogno izao tontolo zao, ary zao tontolo zao tsy nahay Azy. ¹¹ Tonga tagny amin' ny ôlony Izy, ary ny ôlony tsy nalaka Azy ¹² Fao reo maro nalaka Azy, zay nino ny agnarany, dia namaizany fahefagna ho tongo zanaka Zagnahary. ¹³ Reo dia tsy natairaka tamin'ny lio, na ny sitrapôn'ny nôfo, na ny sitrapôn'ny ôlogno, fao nihin-Jagnahary. ¹⁴ Aveo ny Teny tonga nôfo kay nidôko teto amintsika. Hitanay ny vogninahiny, vogninahitry karaha lehy araiky ndraiky tokagna zay tonga avy tamin'ny Iada, feno fahasoavagna ndraiky fahamarinagna. ¹⁵ Jaona nagnambara mahakasiky Azy kay nangaiky mafy, nagnanjao: "Izy lehy araiky zay afa nambarako nagnanjao: 'Izy zay tonga avy afarako dia gaida noho zaho, satria talaohako Izy.'" ¹⁶ Fao avy amin'ny fahafinoany no nandraisantsika jiaby fahasoavagna hagnampy fahasoavagna. ¹⁷ Fao ny lalàgna dia namiagna tamin'ny alala'i Mosesy. Ny fahasoavagna ndraiky fahamarinagna dia tonga tamin'ny alalan'i Jesôsy Kristy. ¹⁸ Tsisy nahita Zagnahary na afiriagna na afiriagna. Fao lehy Zagnahary araiky aveo tokagna, zao akeo antratran'i lehy Iada, no nagnambara Azy. ¹⁹ Ary zao no fagnambaran'i Jaona koafa nagniraka reo mpisôrongno ndraiky Levita avy tagny Jerosalema handaiha aminazy reo Jiosy mbô hagnontany azy magnanjao: "Zôvy moa anao?" ²⁰ Nivaolagna tsotra izy, aveo tsy nagneky, fao namaly nagnanjao: "Tsy kristy zaho." ²¹ Kay nagnontany azy zareo: "Ino ary zany anao? Elia moa anao? "Nivaolagna izy nagnanjao: "Tsy izy zaho" Hoizy zareo: ''Anao moa lehy mpagnazary?" Namaly izy: "Tsia." ²² Aveo izy nivaolagna taminazy nagnanjao: "Zovy moa anao, mbô ahafahanay magnomia valinteny aminjareo zay nagniraka zahay? Ino no hambaranao mahakasiky haignianao?" ²³ Nivaolagna izy: "Zaho lehy feo, magnantso mafy akagny antanimaty magnanjao: 'Tsaboy mahitsy ny lalan'ny Tompo,' araka ny nivolagnin'Isaia mpagnazary." ²⁴ Ary nisy hiraka sasany avy amin'ny reo fariseo nalaifa, ²⁵ aveo nagnontany azy zareo kay nivaolagna taminazy: "Nagnino ary anao mitsabo batisa koa tsy Kristy anao salakady tsy Elia tsy lehy mpagnazary?" ²⁶ Ary Jaona namaly zareo: "Mitsabo batisa amin'ny rano zaho. Fao ekeo agnivonareo misy ôlogno araiky mitsangagna zay tsy hainareo. ²⁷ Izy lehy araiky zay tonga avy afarako, zay tsy magnaiva zaho ny hamaha ny tadinkirarony." ²⁸ Reo raha reo dia natao tagny Betania tagny andafin'i Jordana, zay nagnanaovan'i Jaona batisa. ²⁹ Ny amaraigny Jaona nahita Jesôsy nagnatogno azy aveo nivaolagna: "Zahavo, tô ny Zanak'Ondrin-Jagnahary zay nagnala ny fahotagnan'ny zao tontolo zao! ³⁰ Tô lehy araiky zay nambarako: 'Lehy araiky zay tonga avy afarako dia gaida noho zaho, satria talaohako Izy.' ³¹ Ary zaho tsy nahay Azy, fao mbô ho voavaolagna amin' Isiraely izy no naviako hitsabo batisa amin'ny rano." ³² Jaona nivaolagna, magnanjao: "Nahita ny Fagnahy nijôtso avy akagny an-dangitry karaha vôromailala zaho, ary nibidôko akeo agnambonazy. ³³ Tsy nahay Azy zaho, fao Izy zay nagniraka zaho hitsabo batisa amin'ny rano nivaolagna taminaha: 'Eo agnambony zay hitanao hijotsoan'ny Fagnahy ndraiky hibidaohany akeo aminazy, izy lehy araiky zay mitsabo batisa amin'ny Fanahy Masigny.' ³⁴ Sady nahita zaho no nagnambara fao izy lehy Zanaka Zagnahary.'' ³⁵ Ny amaraigny zigny, ndraiky, raha nitsanga niaraka tamin'ny aroa aminjareo mpianany Jaona, ³⁶ dia nahita Jesôsy nandaiha zareo, kay hoizy Jaona: "Zahaovo, lehy zanak'ondrin-Jagnahary!" ³⁷ Naharegny azy nivaolagna zany zareo mpianany aroa kay nagnaraka Jesôsy zareo. ³⁸ Avakeo Jesôsy nitodiky nahita zareo nagnaraka Azy kay nivaolagna taminjareo: "Ino moa ilainareo?" ³⁹ Namaly zareo: "Raby (zay midika hoe mpagnatra), aiza Anao no mibidôko?". Namaly zareo Izy: Magnataogna aveo zahao". Ary nagnatogno zareo kay nahita ny toairagna zay nidaohany; nidôko niaraka Taminazy tao zareo tamin'io andro io, fao tôkony afa ho fotoagna fahafôlo tamin'izay. ⁴⁰ Araiky tamin'ny reo mpianatra aroa naharegny Jaona nivaolagna avakeo nagnaraka Jesôsy Andrea, rahalahin'i Simona Petera. ⁴¹ Nizaha Simona rahalahiny alaoha izy avakeo nagnambara taminazy nagnanjao: "Hitanay Mesia" (zay adika hoe Kristy) ⁴² Ninday azy tagny amin'i Jesôsy izy, aveo nizaha azy Jesôsy kay nivaolagna nagnanjao: "Anao dia Simona zanak'i Jaona, anao dia ho antsôvigny hoe Kefasy" (zay midika hoe: Petera). ⁴³ Ny amaraigny, raha te-handaiha hoagny Galilia Jesôsy, dia nahita Filipo Izy aveo nagnambara taminazy: "Magnaraha Zaho." ⁴⁴ Filopo dia avy akagny Betsahida, tanagnan' i Andrea ndraiky Petera. ⁴⁵ Nahita Natanaela i Filipo kay nivaolagna taminazy: "Izy zay nisoroatan'i Mosesy tao amin'ny lalàgna, ndraiky reo mpagnazary, hitanay Izy, dia Jesôsy zanak'i Josefa, avy akagny Nazareta." ⁴⁶ Natanaela nivaolagna taminazy nagnanjao: "Moa hisy raha tsara avy akao Nazareta?" Filipo nagnambara taminazy: "Magnataogna ary zahavo". ⁴⁷ Jesôsy nahita Natanaela nagnatogno azy aveo nivaolagna reo mahakasikasiky azy nagnanjao: "Zahavo, zany no tegna isiraelita, zay tsisy vandy akao aminazy!" ⁴⁸ Natanaela nivaolagny Taminazy: "Akôry moa no hahaizanao zaho?" Jesôsy namaly kay nagnambara taminazy: "Talaohan'ny nagnantsaovan'i Filipo anao, raha teo agnambon'ny kakazon'aviavy anao, dia hitako tsinjo." ⁴⁹ Natanaela namaly nagnanjao: "Raby, Anao lehy Zanaka Zagnahary! Anao no mpanjakan'Isiraely!" ⁵⁰ Jesôsy namaly kay nivaolagna taminazy: "Satria moa Zaho nivaolagna taminao hoe: "Nahita anao tagnambon'ny kakazo aviavy Zaho,' no hinoanao? Hahita raha tsara mihoatra noho zany anao." ⁵¹ Aveo Izy nivaolagna nagnanjao: "Ambarako aminareo, marigny, dia ny tegna marigny tatô be, fao hahita langitry hisaokatra areo, aveo reo anjelin-Jagnahary hakatra ndraiky hirôrogno akeo agnambon'ny Zanak'Ôlogno."