¹ Nizaka tamin'ereo mpitariky gny fokony vahoakan'Israely i Mosesy. Ho izy ho:''Zao gny nandidian'i Yaveh. ² Raha misy mivoady amin'i Yaveh, na manao fianiana hamefy gny vatany amy fampanatena , dra ao izy sy hivaliky aminigny zakany. Ao izy hitana gny fampanatenany hanao anizay aby naloaky gny vavany. ³ Raha misy somondrara mipetraky ao an-tragnon-drany ka manao voady amin'i Yaveh dra mamehy gny vatany amy fampanatena, ⁴ raha mahare gny voady gny rany ka miania aminizay namahiany gny vatany, dra raha sy mizaka na ino na ino izy ba hampivaliky anazy, dra hana-kery avo gny voadiny. Gny fampanatena aby ze namehiany gny vatany dra hanan-kery hatrany. ⁵ Fa raha mahare momba gny viadiny vo gny fampanatena gny rany, dra raha sy mizaka na ino na ino aminazy, dra gny voady aby ze nataony taminigny vatany dra hanan-kery hatrany. ⁶ Kanefa, raha mahare gny voady aby ze nataony vo gny famanatena magnetriketriky nataony ze namahiany gny vatany gny rany, dra raha manapaky anazy izy amin'io andro io avo, dra sy hizano hanan-kery reo. Hamela anazy Yaveh satria nanapaky anazy gny rany. |v 7 Raha manambaly lelahy raiky izy ka bo voafehin'ereo voady, na manao fampanatena maimaiky ze hanereny gny vatany, dra hanan-kery hatrany reo fanere reo. ⁸ Fa raha manaka anazy amy andro andrenesany momba anizay gny rany , dra handrava gny voady ze nataony izy , dra gny zaka memeky nataony gny sogniny zay namahehiany gny vatany . Hagnafaky anazy Yaveh. ⁹ Fa gny amy mpitondrateva na ampela nisara-baly, zay aby gny namehy gny vatany dra hana-kery aminazy hatrany. ¹⁰ Raha misy ampela nanao voady tao an-tragnonigny valiny na nanery gny vatany tamy fanova fiainiana, ¹¹ dra reny valiny zay, fa sy mizaka na ino na ino aminazy izy dra sy manohisy anazy, dra ao hitoesy gny voadiny aby dra ao hizano hanan-kery gny fanere nataony. ¹² Fa raha rava gny fanambaliany reo amy andro zay naharezany momba anizay, zay aby nizaka gny vavany momba reo voady na fampanatena dra sy hanan-kary. Fa nirava gny valiny zay. Hagnafaky anazy Yaveh. ¹³ Gny voady aby ze ataonigny ampela raiky ka mamatosy anazy handa gny vatany dra mety hamafisy na ho rava gny valiny. ¹⁴ Fa raha sy mizaka na ino na ino aminazy isan'andro izy , dra magnamafy gny voadiny aby izy dra mamotosy gny fampanatana ze nataony. Nohamafisiny reo satria sy nizaka na ino na ino taminazy tamy fotoa naharezany momba reo. ¹⁵ Raha mitalia gny handrava gny voadinigny valiny tamy fotoa ela tafaranigny naharezany momba ze lelahy, dra izy gny ho tompon'antoky amy fahotany.'' ¹⁶ REo gny lalana nadidian'i Yaveh ba hagnambaran'i Mosesy -lalana ho an'izay eo amy lelahy vo gny valiny dra eo amy rany vo gny zanakapelany raha ao agnatiny fahatanora ao an-tragnonigny fianakavian-rany izy.