¹ Raha renigny Kananita mpazakan'i Arada, ze nonina tao Negeva, fa nandeha tagny amy lala nagnagny Atarima gny Israely, dra nilay tamin'Israely izy dra nangalaky gny sasany tamin'ereo ho babo. ² Nivoady tamin'i Yaveh gny Israely dra nanao ho:''Raha omeonao fandrese amin'ereo vahoaky reo zahay, dra ho torotoronay tateraky gny tananan'ereo.'' ³ Niteno gny feon'Israely i Yaveh dra nagnome anazy reo gny fandrese an'ereo Kananita. Nitorotoron'ereo tateraky izy reo vo gny tanany. Nitokavy ho Horma anizay toera zay. ⁴ Niala laha tao an-tanimboly Hora nariosy gny lala magnagny amy Ranomasy Mena izy reo ba handeha hagnodidy gny tanin'i Edoma. Niha-kivy tateraky gny vahoaky tegny an-dala. ⁵ Niresaky nagnohisy an'Agnahary vo i Mosesy gny vahoaky ho:''Nanao akory zahay gny nandesinao niboaky an'i Egypta ba ho maty atio an'efisy? Sy misy mofo, sy misy rano, dra halanay itio hany fadiranova itiho.'' ⁶ Laha teo Yaveh nandefa bibilava misy poizy teo amy vahoaky. Nanifasy gny olo reo bibilava; Maro gny olo maty. ⁷ Nagnato an'i Mosesy gny vahoaky dra nanao ho:''Nanota izahay satria niresaky nanohisy anao vo Yaveh. Mivavaha amin'i Yaveh ba hagnalany reo bibilava aminay.''Koa dra nivavaky ho agny vahoaky i Mosesy. ⁸ Ho Yaveh tamin'i Mosesy :''Manova vivilava dra hafaheho amy hazo lava. Ze voasifasy dra ho velo, raha magnety anizay izy.'' ⁹ Koa nanao bibilava varahina Mosesy dra namehy olo gny bibilava, raha nagnety gny bibilava varahina izy, dra velona. ¹⁰ Avy eo nandeha gny vahoakan'Israely dra nitoby tao Obota. ¹¹ Nandeha laha tao dra nitoby tagny Learima tagny an'efisy ze manatriky an'i Moaba tandrifinigny asignana izy reo. ¹² Niala laha tao izy reo dra nitoby tagny aminigny Lohasahan-driaky Zareda. ¹³ Niala tao izy reo dra nitoby tagny an-dafiny Reniranon'i Arnona, ze agny an'efisy ze mahita laha tagny a,y fari-tanin'ereo Amorita. Gny Reniranon'i Arnona gny fari-tanin'i Moaba, agnelagnelany Moabita vo reo Amorita. ¹⁴ Zay gny antony hizaka ao amy horonan-taratasin'Alin'i Yaveh ho:''Vaheba agny Sofa, dra reo lohasahan-driakan'i Arnona, ¹⁵ gny asan'ereo lohasahan-driaky zay mitariky mangnagny amy tanan'i Ara dra mizoso magnagny amy fari-tanin'i Moaba.'' ¹⁶ Niala tao izy reo dra nagnagny Bera, zay misy gny fasaka ze nizakan'i Yaveh tamin'i Mosesy ho:''Ahorogny miaraky gny vahoaky ba hagnomezako rano anazy reo.'' ¹⁷ Laha teo nivily itio hira itio gny Israely:''Miboiboiky, ry fasakana.Atovy an-kira zay. ¹⁸ Gny fasaka ze nohalian'ereo mpitarisika, gny fasaka ze nihalian'ereo manan-kaza gny vahoaky tamy tehim-pazaka vo yehin'ereo.''Laha teo dra niala tao an'efisy izy reo dra nagnagny Matana. ¹⁹ Niala tao Matana izy reo dra nagnagny Nahaliela, dra avy ao Nahaliela nagnagny Bamota, ²⁰ dra ao Bamota nagnagny amy lohasahan-driaky gny tany MMoaba. Eo an-dohanigny Tendrombohisy Pisga gny hahitana gny tany efisy. ²¹ Avy eo Israely nandefa mpinday hafasy tagny amin'i Sihona mpazakan'i Amorita nanao ho: ²² '''Angao zahay hamakivaky eo amy taninao. Sy hivily agny aminigny saha aby na gny tanim-boaloboky zahay. Sy hino gny rano laha teo amy fasakanao zahay. Handeha eo amy lalany gny mpazaka zahay mandra-pisahanay gny fari-taninao.'' ²³ Fa sy nangan'i Sihona mpazaka handova gny fari-tanin'ereo gny Israely. Fa nangoro gny tafiny i Sihona mpzaka dra nanafiky an'Israely tagny an'efisy. Avy tagny Jahaza izy, ze nialiany tamin'Israely. ²⁴ Nanafiky gny tafik'i sihona tamy lelan-defo gny Israely dra nangalaky gny tanin'i Izy reo avy eo Arnona ka hatrany amy renirano Jakoba, hatrany amy taniny vahoakan'i Amona. Dra fatrasy gny far-taniny gny Amorita aby gny Israely dra nipetraky tao amin'ereo aby, isan'izay Hesboba vo gny zna-bohiny aby. ²⁶ Hesbona gny tanan'i Sihona mpazakan'ereo Amorita, ze nialy taminigny mpazakan'i Moaba teo aloha. Nalan'i Sihona avo koa fari-taniny ka hatrany amy reniranon'i Arnona. ²⁷ Zay gny antony hizakan'ereo ze miresaky amy ohabolana ho:''Avia atio Hesbona. Ao gny tanan'i Sihona ho hasanga draiky dra ho apetraky draiky. ²⁸ Nisy afo nagnoro laha tao Hesbona, lelafo aby ao an-tanan'i Sihona ze nandevo an'i Aran'i Moaba, vo reo tompon'ereo toera avon'i Arnona. ²⁹ Loza ho anao , ry Moaba! Ringano ianao, ry olon'i Kemosy. Nataony ho mpandosy reo zanadahiny dra gadran'i Sihona mpazakan'ereo Amorita reo zanakapelany. ³⁰ Fa resinay Sihona. Hesbona dra rava hatrany amy lalana aby magnagny Dibona. Resinay izy reo tegny amy lalana aby magnagny Nofa, ze mihazo an'i Medeba.'' ³¹ Koa nanomboky nony teo amy tanin'ereo Amorita gny Israely. ³² Laha eo Mosesy nandefa olo hagnety an'i Jazera. Nalan'ereo gny zana-boriky dra noroahin'ereo zay Amorita tao. ³³ Laha teo nivily izy reo dra niakasy ho agny amy lala magnagny amy Basana. Niboaky nanohisy anazy reo i Oga mpazakan'i Basana, izy vo gny tafiny, ba hialy amin'ereo agny Edrehy. ³⁴ Laha teo Yaveh nizaka tamin'i Mosesy ho:''Ka matahosy anazy, satria nomeko fandrese eo aminazy, gny tafiny aby, dfra gny taniny ianao. Atovy amy ze nataonao tamin'i Sihona mpazakan'i Amorita, ze mony agny Hesbona.'' ³⁵ Koa novonon'ereo izy, reo zanadahy, dra gny tafiny aby, mandra-pahafatinigny olony aby. Laha teo dra nalan'ereo gny taniny.