¹ Avy reo Fariseo vo Sadoseo dra nisapa Anazy ka nangataky Anazy ba hampiseho anazy gny famatara laha tagny an-dagnisy. ² Fa Izy namaly dra nizaka anazy reo ho:''Gny fa hariva,dra ho andrareo ho:'Ho sara gny andro,fa mena gny lagnisy.' ³ Gny fa maraindray,dra ho andradreo ho:'Ho rasy gny andro,fa mena vo mazombo gny lagnisy.'Haindrareo gny mamatasy gny poziny gny lagnisy,fa andrareo sy afaky mandika gny famatara gny fotoa. ⁴ Gny taranaky rasy vo pizangazanga dra mitalia famatara,fa sy hisy famatara homeny anazy afasy gny famataran'i Jona.''Laha teo Jesosy nangenga anazy reo dra nandeha. ⁵ Gny fa avy tegny ampita gny mpianasy,dra alignon'ereo gny ninday mofo. ⁶ Hoy Jesosy tamin'ereo ho:''Miambena dra mitandrema amy misirasin'ereo Fariseo vo Sadoseo.'' ⁷ Nitalia hevisy reo mpianasy dra nizaka ho:''Noho isika sy ninday mofo zay.'' ⁸ Jesosy nahafatasy anizay dra nizaka ho:''Andrareo ry masaiky finoa,nanao akory ndareo gny mialy hevisy amindrareo dra mizaka fa noho gny sy nandesandrareo mofo zay? ⁹ Bo sy haindrareo na saroandrareo se gny mofo dimy ho agny dimy arivo, dra sobika firy gny nahorindrareo? ¹⁰ Dre gny mofo fito ho an'ireo efasy arivo,dra sobika firy gny nalandreo? ¹¹ Nanao akory gny sy ahazoandrareo fa sy momba gny mofo gny nizakako andrareo?Miambena dra mitandrema amy masimasin'ereo Fariseo vo Sadoseo.'' ¹² Laha teo azon'ereo fa sy hitandry amy masimasinigny mofo gny nizakany anazy reo, fa hitandry gny amy fampianaran'ireo Fariseo vo Sadoseo. ¹³ Dra gny fa avy tagny amy farisy mariny gny Kaisaria-filipo Jesosy,dra nagnotany reo mpianany Izy,manao ho:''Ataonigny olo ho iza moa gny Zanak'olo?'' ¹⁴ Ho izy reo ho:''Gny sasany mizaka fa Jaona mpanao batisa; gn'ilany ,Elia;dra gny hafa,Jeremia; dre raiky amin'ereo mpaminany.'' ¹⁵ Ho izy tamin'ereo ho:''Fa andrareo koa manao Anahy ho iza?'' ¹⁶ Namaly ,Simona Petera nanao ho:''Ianao gny kristy, zanakiny Zagnahary velo.'' ¹⁷ Namaly Jesosy dra nanao taminazy ho:''Sambasy anao,ry Simona Bar-Jona,fa sy gny nofo gny lio gny naneho anizay taminao,fa gny Rako ze agny an-dagnisy. ¹⁸ Zakako aminao avo koa fa anao gny Petera,dra agn'abon'itiho vatolapy itiho gny hagnorenako gny fiangonako.Gny fefiny lolo dra sy haharesy anizay. ¹⁹ Homeko andrareo gny fangalahilinigny fazaka gny lagnisy.Dre ino dre ino fehizinao eto agn'abony tany dra ho fehezy agny an-dagnisy, dre ino dre ino vahanao etiho an-tany dra ho vaha agny an-dagnisy.'' ²⁰ Laha teo Jesosy nandidy reo mpianasy fa izy reo dra sy tokony hizaka amin'iza dre iza fa Izy gny kristy. ²¹ Tamin'izay fotoa zay Jesosy nanomboky nizaka reo mpianany fa sy maisy ho agny Jerosalema Izy,hizaka fizalia maro eo an-tananigny loholo vo gny loha gny mpisoro dra reo mpanora-dalana,ho vono,vo hasanga draiky amy andro fahatelo. ²² Laha teo Petera nangalaky Anazy dra nizaka fatrasy Anazhy,manao ho:'Ho lavisy anao seky zay,ry Topo;sy hisanga aminao mihisy se zay.'' ²³ Fa Jesosy nitoliky dra nizaka tamin'i Petera ho:''Miala agny andamosiko,ry Satana!Anao dra fanafitohy ho anahy,noho anao sy miraharaha reo rahan'Agnahary,fa reo rahanign'olo.'' ²⁴ Laha teo Jesosy nizaka tamin'ereo mpianany ho:''Raha misy te-hagnaraky anahy,dra sy maisy manda gny vatany izy,hinday gny hazofizaliany,dra magnaraky anahy. ²⁵ Fa dre iza dre iza te-hamozy gny ainy dra hahalevo anazy,dre iza dre iza gny hahalevo gny ainy noho gny aminahy,dra hahazo anizay. ²⁶ Fa ino moa gny soa ho azony olo raha mahazo zao totolo zao kanefa levo gny ainy?Ino gny omeny gny olo ho takalognainy? ²⁷ Fa gny zanak'olo dra ho avy amy voninahisy gny rany miaraky amin'ereo azeliny.Laha teo Izy hamaly soa gny olo kirairaiky araky ze vitany. ²⁸ Zakako mary amindrareo,fa misy gn'ilany amindrareo ze mizoro etaho gny sy hosapa gny fahafatesa mandrapahitan'ereo gny Zanak'olo avy amy fazakany.''