¹ Laha teo nisy Fariseo vo mpanora-dala sasasany laha tagny Jerosalema nagnato an'i Jesosy. Ho izy ho: ² ''Nanao akory gny mpianasy gny mandika gny fombondrazan'ereo zoky olo? Fa sy manasa gny tagnan'ereo aloha gny hihina.'' ³ Namaly Izy dra nizaka tamin'ereo ho:''Dra nanao akory dra andrareo gny mandika gny lalan'Agnahary noho gny fomban-drazandrareo? ⁴ Fa Zagnahary nizaka ho:'Hazao gny ranao vo gny reninao',dra ze mizaka rasy gny rany na gny reniny,dra ho maty vatany.' ⁵ Fa andrarea mizaka ho:'Dre iza dre iza mizaka amy rany na reniny ho:''Dre ino dre ino fagnapia ze azondrareo laha taminahy dra fagnomeza ho agn'Agnahary amizao,''' ⁶ ze olo zay dra sy mila magnaja gny rany. Amin'izay fomba zay dra nirandreo gny zakan'Agnahary noho gny tombosoan'ereo fombon-drazandreo. ⁷ Ry mpiasaravelasihy! Mary gny faminanian'Isaia momba andrareo raha nizaka izy ho: ⁸ 'Itiho vahoaky itiho dra magnaza anahy amy sognin'ereo,fa gny fon'ereo dra lavisy anahy.'v 9 Sy misy dikany gny fiderany anahy,satria ereo mampianasy gny didin'olombelo manahaky gny fampianaran'ereo.''' ¹⁰ Laha teo nitoka gny vahoaky ho eo aminazy Izy dra niresaky tamin'ereo ho:''Mitenoa dra mahazoa - ¹¹ Sy gny milisy ao ambavan'olo gny mandoto gny olo .Fa ze aboaky gny vava,gny mandoto gny olo.'' ¹² Laha teo nagnato gny mpianasy dra niresaky tamin'i Jesosy ho:''Moa se fatanao fa tohina gny Fariseo noho gny nahare anizay zaka zay?'' ¹³ Jesosy namaly dra nizaka ho:''Reo raha-misiry zay sy nambolenigny Rako agny an-dagnisy dra ho fongory iaby. ¹⁴ Angao ereo ho eo,ereo dra mpitariky poaky raiky hafa,dra samy hivary an-kady ereo ro.'' ¹⁵ Petera namaly dra nizaka tamin'i Jesosy ho:''Azavao aminay zay fagnohara zay.'' ¹⁶ Hoy Jesosy ho:Sy manam-pahalala avo koa se andrareo?'' ¹⁷ Sy hitanao se fa ze milisy amy vava dra magnao antroky dra avy eo dra haboaky agny amy lava-piringy? ¹⁸ Fa gny raha ze aboaky gny vava dra laha taminigny fo.Reo raha reo gny mandoto gny olo raiky. ¹⁹ Fa avy amy fo gny iboahany sai-drasy,gny vono olomgny fizangazanga,gny fangala valin'olo,gny halasy,gny fijoroa vavolombelo sy mary,dra gny fizaka-drasy. ²⁰ Reo raha reo gny mandoto gny olo raiky.Fa gny mihina amy tagna sy misasa dra sy mandoto gny olo raiky.'' ²¹ Laha teo Jesosy niala teo dra nihery tagny amy faritanin'i Tyrio vo Sidona. ²² Indro,nisy ampela Kananita raiky baka ami'izay farisy zay. Nitoka fatrasy izy dra nizaka ho:''Mamindra fo aminahy,ry Topo,Zanak'i Davida o! Gny zanakapelako dra marariny gny devoly.'' ²³ Fa Jesosy sy namaly anazy.Nagnato gny mpianany dra niangavy taminazy,nanao ho:''Roaho izy,fa mikorakoraky fatrasy amisika.'' ²⁴ Fa Jesosy namaly dra nizaka ho:''Sy mirahy ho eza na eza Zaho afa-sy ho aminigny agn'ondry lelo ao amy fianakavian'Israely.'' ²⁵ Fa avy nangataky vo nandohaliky teo agnatrehany izy,nanao ho:''Topo,vozeo Zaho.'' ²⁶ Namaly Izy dra nanao ho:''Sy rariny raha ala gny mofo-zaza dra atoraky ho agny amboa.'' ²⁷ Fa hoy izy ho: ''Eka,Topo, fa dre gny amboa avo ba mihina ze lasalasaky avy amy latabasy gny topony.'' ²⁸ Dre namaly Jesosy dra nizaka taminazy ho:''Rampela,lahibe gny finoanao; ho tateraky aminao seky ze araky ze irinao.''Dra sitrany gny zaza ampela tamin'izay lera zay. ²⁹ Niala teo Jesosy dra nihamariny gny ranomasin'i Galilia.Laha teo dra niakasy tegny an-ndhambohisy raiky Izy dra nipetraky teo. ³⁰ Vahoaky maro gny nagnato Anazy.Nandesin'ereo niaraky tamin'ereo gny mandringa,gny poaky,gny moana,gny olo mana-kandra,dra marary maro hafa koa.Napetrakin'ereo teo an-tombon'i Jessosy reo;dra nisitraniny. ³¹ Dra talozo gny vahoaky raha nahita gny moans mizaka,gny olo mana-kandra sitrany,gny malemy afaky mandeha,dra gny poaky mahirasy.Nakalaza gny Zagnaharin'Israely ereo. ³² Nitoka gny mpianany ba hagnato Anazy Jesosy dra nizaka ho:''Miferignay gny vahoaky Zaho,satria fa telo andro sahady ereo gny nipetraky niaraky taminahy nefa sy mana-ko hany.Sy te handefa anazy reo sy mihina Zaho,mazary hotorana egny amy lala avo.'' ³³ Hoy ereo mpianasy taminazy ho:''Eza gny hahitanay mofo tandrify vo apy gny vahoaky maro be reo atiho agn'efisy?'' ³⁴ Hoy Jesosy tamin'ereo ho:'Mofo firy gny agny amindrareo?''Dra ho izy reo ho:''Fito,vo hazandrano mandiniky keliky.'' ³⁵ Laha teo Jesosy nandidy gny vahoaky ba hipetraky amy tany. ³⁶ Nandramby gny mofo baminigny hazandrano Izy,dra gny fa nisaotra, dra namaky gny mofo dra nanolosy gny ho an'ireo mpianasy.Reo mpianasy nagnome ho agny vahoaky. ³⁷ Nihina dra afa-po gny vahoaky aby.Laha teo ereo namory sobika fito feno sasasany ze sy lany. ³⁸ Reo ze nihina dra efasy arivo lahy,sy ao agnatiny gny zaza amam-pela. ³⁹ Laha teo jesosy naheriny gny vahoaky dra nitikisy sambokely dra nagnagny amy farisin'i Magadana.