¹ Nilisy Jesosy vo nandalo an'i Jeriko. ² Indro, nisy lelahy ze nitokavy ho Zakaiosy teo.Izy dra lahiben'gny pamory hetra sady manan-karena. ³ Niezaky gny hahita izy ho iza Jesisy ,ka nefa sy afaky nahita tao agnaty vahoaky , satria bory izy. ⁴ Koa nilomalomay nialoha gny olo izy dra nagnaniky hazon'aviavy raiky ba hahita Anazy,satria hiala amin'izay lala zay Jesosy. ⁵ Nony avy teo amin'gny toera Jesosy, dra niandrandra Izy dra nizaka taminazy ho:''Ry Zakaiosy, miboaa malaky , fa amizao dra sy maisy hizano ao an-tragnonao Zaho.'' ⁶ Dra niboaky malaky izy dra nandray Anazy tamim-pifalia. ⁷ Gny fa nahita anizay aby dra nitaray avo koa, nizaka ho:''Nilisy hamangy lelahy ze panota Izy''. ⁸ Nisanga Zakaiosy dra nizaka tamin'gny Topo ho:''Hatio, ry Topo, gny asaky gny fanagnako dra omeko ho an'gny mizaly,vo raha manahaky dra nisy raha nagnambakako olo,dra honerako abo efasy heny.'' ⁹ Jesosy nizaka taminazy ho:''Androany gny famozena gny avy ato amin'itiho tokatragno itiho, satria izy koa dra zanak'i Abrahama. ¹⁰ Fa gny Zanak'olo dra avy ba hitalia vo hamozy gny olo ze levo.'' ¹¹ Raha nahare anizay raha zay ereo,dra nanohy nizaka Izy vo nanao fagnohara raiky , satria teo marin'i Jerosalema Izy,vo ereo nieriserisy fa hiseho teo noho eo gny fazakan'Agnahary. ¹² Noho zay Izy dra nizaka ho:''Nisy tandapa raiky nandeha tagny an-tany lavisy ba hahazo fazaka ho an'gny vatany dra hihery bak'eo. ¹³ Nitoka folo lahy tamin'ereo panopony izy,vo nagnome farantsa folo anazy reo,vo nizaka tamin'ereo ho:'Manova raharaham-barosy mandra-piheregnako.'' ¹⁴ Kanefa gny vahoaky nalaiky anazy vo nandefa solotegna nagnaraky anazy , nizaka ho:''Sy taliavinay gny hazakan'io lelahy io eto aminay.' ¹⁵ Dra gny fa nihery draiky izy,aby nadray gny fazaka,dra nandidy gny mpanopony ze nomeny vola vaho eo aminazy izy,ba hahafatarany ze tombony azon'ereo tamin'gny fanova raharaham-barosy. ¹⁶ Avy teo agnoloany gny volohany, nizaka ho:'Topo, gny farantsnao dra nahazo tombony farantsa folo mihoasy .' ¹⁷ Nizaka anazy gny tandapa ho:''Soa zay,ry panopo soa. Noho anao nahatoky tamin'gny kely dra kely,dra hanam-pahefa amy tana folo anao.' ¹⁸ Avy gny faharo, nizaka ho: 'Gny fa farasinao, Tompo, dra nahavita farantsa dimy,' ¹⁹ Dra nizaka taminazy dra tandapa ho: 'Handrekisy tana dimy hanao.' ²⁰ Avy gny riky hafa, nizaka ho: 'Tompo, indro gny faratanao, izy ahaza soa tao agnaty lamba, ²¹ Fa natakosy anao zaho, satria lelahy masiaky hanao. Mangala inizaho sy nampetrakao, dra miziza izaho sy nafahinao.' ²² Nizaka taminazy gny tandapo ho: amigny taminao manoka gny hisarako anao, hanao vo mpanompo rasy fagnahy. Fatako fa izaho dra lelahy masiaky, mangalaky ze sy nafafiko. ²³ Konagnino gny sy nampetrako tagny amigny mpitahiry vola gny volako, dra iziaby nihery zaho dra ho nadraby anizaho tanigny zanany?' ²⁴ Gny tamdapa nizaka tamin'ereo ze nisanga teo agnilany teo ho: 'Alao aminazy gny farantsa, dra omeo anigny mana gny farantsa folo.' ²⁵ Dra ho ereo taminazy ho: ''Tompo ,mana farantsa folo izy.' ²⁶ 'Izaho mizaha amindrareo, fa iziaby mana dra home mihoasy, fa izy sy mana, dra izay anagnany dra ho alany. ²⁷ Fa ereo fahavaloko, ereo ze sy nisiry anahy hazaka eo amigny ereo ze eto aty izy ereo vo vono eto aloako.''' ²⁸ Iziaby avy nizaka an'ereo raha ereo izy, dra nandeha aloha ho agny Jerosalema ²⁹ Vo nony avy teo agnilany Betifaga vo Batania Izy, teo amigny tendribohisy tokavo ho Oliva, dra nagniraky gny ro tan'ereo mpianany Izy, ³⁰ NIzaka ho: "mandehana agny midisy handrareo, dra hahita zana-boriky ereo mbo sy nitikiran'olo idraiky. Vahao izy dra ento aty aminahy. ³¹ Raha misy magnotany adrareo ho: 'Nagnino moa vahadrareo io?' dra zakao ho: 'Misy teliavany Tompo anazy.' ³² Ereo izay niraihina dra nandeha dra nahita gny zana-boriky araky gny nizakany Jesosy tamin'ereo. ³³ Raha teo an-pamahany gny zana-boriky izy ereo dra ho ereo tompony tamin'izy reo ho: "Ngninogny vahadrereo gny zana-boriky?" ³⁴ Nizaka ereo ho: "Misy teliaviny Tompo anazy." ³⁵ Nandesiny ereo teo ambaninigny zana-boriky gny lambany dra nametraky an'i Jesosy teo abony. ³⁶ Raha nandeha egny izy, dra nabelasin'ereo teo amigny lalana gny lamban'izy reo. ³⁷ Dra iziaby nariny any fimpetraha miroro amigny tedrimbohitr'Oliva izy, dra nanomboky nifaly ereo mpianany maro be dra nidera an'andriamanitra tamigny feo fatrasy nohonigny asa lahibe aby ze hitan'izy reo, ³⁸ NIzaka ho: "Dera ane gny mpazaka izay avy amigny agnarany Tompo! Fiadagna agny an-dagnisy dra voninahitra agny amigny avo indrindra!" Gny fariseho ilany teo amigny vahoaky dra nizaka tamigny ho: "mpampianasy o, zakao fatrasy ereo mpiamasy o. ⁴⁰ Namaly Jesosy dra nizaka ho: "Zakako amidrareo fa raha marevoky ereo, dra hikiaky gny vato. " ⁴¹ Iziaby nagnato gny tanana Jesosy, dra nitomagny anazy, ⁴² Nizaka ho: "Gny ba satanao moa aminizao andro izaho agny hanao, ereo raha izao minday fiadagna ho anao! Nefa aminizao igny dra miafy amigny masonao ⁴³ Fa ho avy aminao ereo andro, izay hanaganan'ny fahavalonao manda magnodidy anao, dra hagnodidy anao, dra hanery anao amigny lafiny aby. ⁴⁴ Izy ereo dra hampilavo anao amigny tany miaraky amigny zanako. Sy haga dra vato raiky nifanegy vo izy ereo satria hanao sy nahafatasy izaho fony andriamanitra niezaky gny hamozy anao." ⁴⁵ Nidisy tao antragnony Jesosy dra nanomboky nandroaky ereo ze mpamarosy, ⁴⁶ Nizaka tamin'izy reo ho: "Fa voasorasy ho: 'Gny tragnoko dra natao tragno fivavahana,' fa drareo koa nanao anazy ho zohy fieren'ereo Zolahy." ⁴⁷ Ko dra nampianasy isan'adro tao an-tempoly Jesosy. Ereo lohan'ny mpisoro vo ereo mpanoro-dalana dra ereo mpitariky gny vahoaky dra nitalia hamono anazy, ⁴⁸ Fa sy nahita fomba hanova izaho izy ereo, satria nazoto niteno anazy avo gny vahoaky aby.