¹ Niresaky tamin'i Mosesy i Yaveh, nanao ho: ² ''Miresaha amy fiangona gny vahoakin'Israely manotolo dra zakao anazy reo ho:'Masy iandrareo, fa Zaho Yaveh Zagnaharindreo dra masy. ³ Ao gny kirairaiky hagnaza gny reniny vo gny rany, dra tandremo gny Sabatako, Zaho gny Yaveh Zagnaharindreo. ⁴ Ka miodigna amy sampindrareo raha-rava, na manao Zagnahary vy ho andrareo.Zaho gny Yaveh Zagnaharindrareo. ⁵ Raha magnatisy soro fagnati-pihavana amin'i Yaveh iandrareo, ao iandrareo hagnatisy anizay ba ho eke. ]v 6 Ao ho hany amy andro hagnaterandrareo anazy zay, na amy marain'igny. ⁷ Raha misy raha sy lany mandra-pahaviny andro fahatelo, dra ao ho oroa zay.Maloto zay raha bo hany amy andro fahatelo.Ao sy ho eke zay, ⁸ fa gny kirairaiky ze mihina anizay dra hinday gny helony satria fa nangala baraka ze raha-masin'i Yaveh izy.Ao ho ala eo amy vahoakiny zay olo zay. ⁹ Raha manapaky gny vokasy gny tanindrareo iandrareo, dra ao iandrareo sy hanapaky tateraky gny zorony tanimbolindrareo, nakoa hamory vokasindrareo aby. ¹⁰ Ao iandrareo sy hagnoro gny voaloboky aby amy tanim-boloboky zay milasaky amy tany eo amy tanim-bolobokindrareo.Ao hangandrareo izy reo ho agny mizaly vo gny vahiny.Zaho gny Yaveh Zagnaharindrareo. ¹¹ Ka mangalasy .Ka mavandy.Ka mifamitaky. ¹² Ka manao raha vandy amy Agnarako na manirasira gny Agnarany Zagnaharindreo. Zaho gny Yaveh. ¹³ Ka mampohory gny mpiara-mony amindrareo na mandrobaky anazy.Ao sy hizano miaraky amindrareo amy hariva manotolo ka hatraminigny maray gny karama gny mpikarama. ¹⁴ Ka magnozo gny maregny na mametraky saka manafitohy eo anoloha gny poaky.Fa ao iandrareo hatahosy gny Zagnaharindrareo.Zaho gny Yaveh. ¹⁵ Ka diso gny fisara.Ka magnety tavan'olo satria mizaly izy, dra ka magnety tavan'olo satria olo agnabony izy.Fa koa, sarao araky gny fahamarigna gny mpiara-mony amindrareo. ¹⁶ Ka mivezivezy magnaparitaky fosafosa eo amy vahoakindrareo, fa taliavo zay hiarovandrareo gny ainy mpiray mony amindrareo.Zaho gny Yaveh. ¹⁷ Ka malaiky gny rahalahindrareo amy fondrareo.Ao iandrareo hizaka fatrasy an-kisi-po gny mpiray mony amindrareo ba sy hifampizarandrareo ota noho gny aminazy. ¹⁸ Ka mamaly faty na mita lolom-po amin'ereo vahoakindrareo, fa koa tiavo gny namandrareo manahaky gny vatandrareo.Zaho gny Yaveh. ¹⁹ Tandremo reo didiko.Ka manandrana mampagnaraky gny bibindrareo amy karazam-biby hafa .Ka magnakamba karazam-boa samihafa raha mamboly amy tanim-boly.Ka minday akazo natao tamy akora ro karaza ze nampiharo. ²⁰ Na iza na iza miara-mandry amy andevo vavy zay voafofom-baly, nefa sy nivilim-pagnavosy na nome gny fahafaha, dra ao izy reo hozazy.Ao sy ho vono izy reo satria sy olo afaky izy. ²¹ Ao hinday gny fagnatisy noho gny heloky ho an'i Yaveh eo amy filirany tragno-lay fihaogna gny lelahy raiky agn'ondry lahy raiky ho fagnatisy noho gny heloky. ²² Dra hanao fagnavota ho anazy gny mpisoro miaraky amy agn'ondry lahy ho fagnatisy noho gny heloky eo anolohan'i Yaveh,noho gny ota ze nataony.Dra ho voavela gny fahota vitany. ²³ Raha avy eo amy tany iandrareo dra mamboly reo karazan-kazo fihinam-boa, dra ao iandrareo hamela gny vihiny ze vokarin'ereo ba ho voarara sy ho honany.Ao ho voarara gny vihiny ho andrareo mandrisy gny telo tao.Ao sy hohany zay. ²⁴ Fa amy tao fahefasy dra ho masy avo koa gny vihiny aby, ho fagnati-piderana ho an'i Yaveh. ²⁵ Amy tao fahadimy dra afaky hihina gny vihiny iandrareo, satria niamby iandrareo ba hafahan'ereo hazo mamokasy maromaro avo.Zaho gny Yaveh. ²⁶ Ka mihina hena raha bo misy lio zay.Ka magnontany gny fagnahy momba gny ho avy, dra ka mikasaky gny hifehy gny hafa amy hery mihoasy gny voazagnahary. ²⁷ Ka magnaraky gny fahazara gny mpanompo sampy manahaky gny fagnarata gny sisiny lohandrareo na magnombosy gny sisiny laha tamy volom-bavandrareo. ²⁸ Ka mandidy gny vatandrareo ho agny maty na magnisy mariky tombokase amy vatandrareo.Zaho gny Yaveh. ²⁹ Ka mangala baraka gny zanakindrareo ampela amy fanova anazy ho mpijangajanga, fa ho lavo amy fijanganjanga gny firenena dra ho feno faharasia gny tany. ³⁰ Ao iandrareo hitandry gny Sabatako dra hagnome voninahisy gny fitoera masinigny tabernakeliko.Zaho gny Yaveh. ³¹ Ka mitoliky ho agny amin'ereo ze miresaky amy maty na amy fagnahy.Ka mitalia anazy reo, fa raha sy zay handoto andrareo izy reo.Zaho gny Yaveh Zagnaharindreo. ³² Ao iandrareo hisanga manoloa gny olo fosy volo dra hagnome voninahisy gny olo atisy.Ao iandrareo hatahosy gny Zagnaharindreo.Zaho gny Yaveh. ³³ Raha misy vahiny mony ao amindrareo eo amy tanindrareo, dra ao iandrareo sy hanao rasy anazy. ³⁴ Ao ho manahaky gny tera-tany Israelita mony eo amindrareo reo vahiny ze mony miaraky amindrareo, dra ao ho tiavindrareo manahaky gny vatandrareo izy, satria fa ba vahiny avo iandrareo tagny amy tany Egypta.Zaho gny Yaveh Zagnahindreo. ³⁵ Ka mampiasa fandrefesa diso raha mandrefy halava , laja, na hamaroa. ³⁶ Ao iandrareo hampiasa mizana mary, vato mizana mary , efaha mary, dra hina mary.Zaho gny Yaveh Zagnahindreo, zay ninday andrareo niboaky gny tany Egypta. ³⁷ Hankatoavy reo didiko aby vo gny lalako aby, dra hatovy zay.Zaho gny Yaveh.'''