¹ Tafaranizay dra nisy firavoravoanigny Jiosy, dra niakasy ho a Jerosalema agny Jesosy. ² Dra ta Jerosalema agny eo agnilanigny vavahadin'Agnondry, dra nisy farihy, ze nataonigny tamigny Hebreo ho Betesda, dra misy felofa dimy zay. ³ Maro reo olo marary, poaky, malemy, na sy afamihesiky nandry tao. (Fagnamariha: Gny atota-taratasy taloha soa dra magnalaky gny fehezateny ho: "Mandigny gny fisehanigny rano"0 ⁴ (Fagnamariha: Gny atota-taratasy taloha soa dra mangalaky gny and. 4 ho: "Fa nisy azelinigny Topo raiky nizoso dra napihesiky gny rano ndraiky dre na iza na iza nandroso nagnao gny fa nihesiky gny rano dra sitrany tamireo arety ze naparary anazy na ino na ino.") ⁵ Dra nisy lelahy raiky teo ze fa narary valo amby telo-polo tao. ⁶ Gny fa hitan'i Jesosy nandry teo izy, vo tafaranigny nahasapany fa ataony mary izy teo, dra hoy Izy taminazy ho: "Te-ho sitrany ra hanao?" ⁷ Namaly gny ralelahy marary ho: "Topoko, sy mana na iza na iza zaho handroboky anahy agnatiny farihy ao gny fa mihesiky gny rano. Gny fa mandeha zaho, dra misy misosoky eo alohako." ⁸ Hoy Jesosy taminazy ho: "Misangana, andeso gny fandrianao, dra mandehana." ⁹ Avy hatragny dra sitrany ralelahy, dra nindesiny gny fandriany dra nandeha izy. Dra sabata ze andro zay. ¹⁰ Dra hoy reo Jiosy tamigny sitrany ho: "Sabana gny andro dra sy mahazo minday gny fandrianao hanao." ¹¹ Namaly izy ho: "Gny nagnasitra anahy gny nizaka taminahy ho: 'Andeso gny fandrianao dra mandehana."' ¹² Dra nagnotany anazy ereo ho: "Iza gny lelahy nizaka taminao ho: 'Andeso gny fandrianao dra mandehana?" ¹³ Kanefa, gny sitrany sy nahay anazy akory niala moramora Jesosy fa nisy vahoaky teo atoera. ¹⁴ Nony boak'eo, hitan'i Jesosy tao atepoly izy dra hoy Izy taminazy ho: "Ingo, sitrany hanao! Ka manota sasy koa, ba sy hitranga aminao gny raha rasy noho gny teo." ¹⁵ Boak'eo dra lasa ralelahy dra nitatisy tamireo Jiosy fa Jesosy gny nagnasitrany anazy. ¹⁶ Dra noho reo raha reo dra nagnitriky an'i Jesosy reo Jiosy, satria nanao reo raha reo tamigny Sabata Izy. ¹⁷ Dra namaly anereo Jesosy ho: "Gny babako dra miasa egny fa na amizao aza, dra miasa." ¹⁸ Noho izay, dra vo maiky te hamono anazy reo Jiosy sy nohonigny fanirasirany vo Sabata avo, fa gny nitokavany an'Agnahary avo koa ho mitovy amin'Agnahary avo koa ho babany manoka, amano gny vatany ho mitovy amin'Agnahary. ¹⁹ Dra Jesosy namaly anazy reo ho: "Zakako amindrareo mary, dra manao na ino na ino ho anazy, afa-sy ze hitany ataonigny Ray avo, fa na ino na ino ataonigny Ray, dra ataonigny Zanaky koa reo raha reo. ²⁰ Fa gny Ray tia gny Zanaky dra naneho anazy gny raha aby ze nataonigny vatany, dra haneho anazy raha lahibe mihoasy noho reo Izy ba ho gaga handrareo. ²¹ Fa manahaky gny Ray mananga vo mamelo gny maty, dra manahaky anizay avo koa gny ameloma gny Zanaky ze tiany. ²² Fa gny Ray dra sy misara na iza na iza, fa nameny gny zanaky gny fisara aby ²³ ba hagnazanigny aby gny zanaky manahaky gny hagnazan'ereo gny Ray. Ze sy magnaza gny zanaky dra sy magnaza gny Ray nagniraky anazy. ²⁴ Zakako amindrareo mary, fa ze mahare gny zakako vo mino ze nagniraky anahy dra mana gny fiegna mandrakizay dra sy ho helohy, fa niala tamigny fahafatesa ho amigny fiegna izy. ²⁵ Zakako amindarreo mary, fa avy gny ora, dra avy zay amizao, gny fa hahare gny feonigny zanan'Agnahary gny maty, dra ho velo reo ze mahare. ²⁶ Fa manahky gny Ray mana fiegna ao aminazy, gny nagnomeza gny zanaky avo koa ba hanagnany fiegna ao aminazy, ²⁷ dra namenigny Ray fahefa hisara gny zanaky noho izy zanak'olo. ²⁸ Ka gaga amizay, fa avy gny andro handresanigny olon'aby agny andolo gny feony ²⁹ dra hiboaky: reo ze nanao gny soa dra ho agny amigny fisangana ho amigny fiegna, fa reo ze nanao gny rasy koa dra go ho agny amigny fisangana ho amigny fisara. ³⁰ Sy afaky manao na ino na ino raha Izaho avo. Araky ze reko, gny isarako, dra gny fisarako dra mary akory sy mitalia gny sitrapoko manoka zaho fa gny sitrapon'Izy ze manoka Zaho. ³¹ Raha tokony hitalilia gny mombanigny vatako zaho, dra sy mary gny fitaliliako. ³² Misy raiky hafa ze mitalily gny momba anahy, dra fataso fa mary gny fitalilia ze zakany momba anahy. ³³ Nirahy tagny amin'i Jaona handrareo, dra nitalily gny mary izy. ³⁴ Kenefa gny fitalilia ze takariko dra sy avy amigny olo. Mizaka anizay raha zay zaho ba mety ho voavozy handrareo. ³⁵ Jaona dra nizoro nirehisy vo nagnazava tao amigny fahazavany. ³⁶ Kenefa gny fagnambarako dra bo lahibe noho gny an'i Jaona, fa reo asa namenigny Ray ho taterahiko , reo asa ze ataoko reo, gny mitalily gny momba anahy fa nirahinigny Ray Zahy. ³⁷ Gny Ray nagniraky anahy mihisy gny nitalily anahy, Sy bo nahare gny feony gny nahita gny tarehiny handrareo. ³⁸ Dra gny zakany sy ba mitoby ao agnatrehandrareo, akory sy mino gny nirahiny handrareo. ³⁹ Mitalia gny Sorasy Masy handrareo akory heverindrareo fa ao amireo gny agnarandrareo fiegna mandrakizay, dra reo Sirasy Masy reo avo gny mitalily momba anahy, ⁴⁰ kanefa sy vonona gny hagnato anahy handrareo ba hanagnandrareo fiegna. ⁴¹ Sy mitakasy laza avy amigny olo zaho, ⁴² akory fa sy misy fitiava an'Agnahary ao amindrareo. ⁴³ Avy amigny agnaranigny babako Zaho, nefa sy resindrareo. Raha misy hafa avy amigny agnarany manoka, dra ho takarindrareo izy. ⁴⁴ Ino gny hinoandrareo, handrareo ze mitakasy laza avy amigny olo-kafa kanefa sy mitalia gny laza ze avy amin'Agnahary toka? ⁴⁵ Ka mieriseriky ho Izaho gny hiapanga andrareo agnatrehanigny Ray. Gny raiky miapanga andrareo dra Mosesy, ze nametrahako gny fanatenandrareo. ⁴⁶ Raha nino an'i Mosesy handrareo dra tokony hino anahy, akory nanorasy gny momba anay izy. ⁴⁷ Raha sy mino reo nisoratiny handrareo, dra ataondrareo ino gny hiteno gny zakako?