¹ Tamigny volohany gny zaka, dra gny zaka tao amin'Agnahary, dra gny zaka dra Zagnahary. ² Izay dra tao amin'Agnahary tamigny volohany. ³ Gny raha aby dra avy Aminyzay avokoa, dra gny sy Izy dra sy nisy na ino na ino. ⁴ Noho izy gny nisia-piegna, dra io fiegna io gny fahazavanigny olon'aby. Gny hazava dra mamirapirasy ao agnatinigny mezy, dra gny mezy sy nandresy anizay. ⁶ Nisy lelahy raiky nirahin'Agnahary, Jaona gny agnarany. ⁷ Avy izy ba ho vavolombelo hitalily gny mombanigny fahazava, ba hinoanigny olon'aby amigny alalany. ⁸ Sy Jaona gny fahazava, fakoa avy ba hitalily gny momba gny fahazava izy. ⁹ Gny fahazava mary, ze magnome hazava gny olon'aby, dra avy eto amizao totolo izao. ¹⁰ Teto amizao totolo izao Izy, dra izy gny naharia an'izao totolo izao, dra izao totolo izao sy nahay anazy. ¹¹ Avy tagny amigny olony Izy, dra gny olo sy nitakasy anazy. ¹² Fa reo maro nitakasy anazy, ze nino gny agnarany, dra nagnome fahefa ho lasa zanan'Agnahary. ¹³ Reo dra sy nateraky tamigny lio, na gny sitraponigny nofo, na gny sitraponigny olo, fa gny an'Agnahary. ¹⁴ Dra gny zaka lasa nofo dra nagnino teo amisika. Hitanay gny voninahiny, voninahisy manahaky gny raiky ze avy tamigny Ray, feno fahasoava vo fahamarigna. ¹⁵ Jaona nitalily gny momba anazy dra nihiaky fatrasy, manao anizahoky ho: "Izy raiky ze fa nizakako ho: 'Izy ze avy afarako dra lahibe noho izao, akory talohako Izy."' ¹⁶ Fa boaky amigny fahafenoany gny nandresasika aby fahasoava hagnapy fahasoava. ¹⁷ Fa gny lala dra name tamigny alalan'i Mosesy. Gny fahasoava vo gny fahamarigna dra avy tamigny alalan'i Jesosy Kristy. ¹⁸ Sy nisy nahita an'Agnahary na ombia na ombia. Fa gny Zagnahary raiky vo toka avo, izao eo atratranigny Ray, gny napahafatasy Anazy. ¹⁹ Dra izao fagnambaran'i Jaona gny fa nagniraky reo pisoro vo Levita boaky a Jerosalema agny hagneo aminazy reo Jiosy ba hagnotany anazy ho: "Iza moa hanao?" ²⁰ Nizaka sotra izy, dra sy nanda, fa namaly ho: "Sy Kristy zaho." ²¹ Dra nagnotany anazy ereo ho: "Ino hanao za? Elia ra hanao io?" Nizaka izy ho gny paminahy?" Namaly izy ho: "Sy izy zaho." ²² Boak'eo reo nizaka taminazy ho: "Iza hanao, ba afahanay magnome vati-teny anireo ze nagniraky anay? Ino gny hozakandrareo mombanigny vatanao?" ²³ hoy izy ho: "Izao gny feo, mitoka fatrasy gny agnefisy zaho: 'Atovy mahisy gny lalanigny Topo,' araky gny voazakan'Isaia paminany. ²⁴ Dra nisy iraky ilany boaky amireo fariseho nalefa, ²⁵ dra nagnotany anazy ereo dra nizaka taminazy ho: "Nagnino seky hanao manao batisa raha sy Kristy hanao gny sady sy Elia bo sy paminany koa?" ²⁶ Dra i Jaona namaly anereo, manao anizahoky ho: "Manao batisa amigny rano zaho. Fa eo agnevondrareo eo dra misy olo raiky msanga sy haindrareo. ²⁷ Izy gnyraiky ze avy boaky afarako, ze sy mendriky anahy gny hamaha gny fehi-kapany." ²⁸ Reo raha aby reo dra natao ta Betania agny andafin'i Jordana, ze nanovan'i Jaona batisa. ²⁹ Gny mairaindray Jaona nahita an'i Jesosy nagnato anazy dra nizaka ho: "Atio, ingo gny zanak'Agnondrin'Agnahary ze nangalaky gny fahotan'izao totolo izao! ³⁰ Tihoky gny raiky nizakako ho: 'Gny raiky ze avy afarako dra lahibe noho izaho, akory talohako Izy,' ³¹ Dra izaho sy nahay anazy, fa ba ho voazaka amin'Israely izy gny nihaviako hanao batisa amigny rano." ³² Jaona nitalily, manao anizahoky ho: "Nahita gny Fagnahy nizoso boak'agny andagnisy manahaky gny voromailala zaho, dra nitoby teo agnaboniny zay. ³³ Sy nahafatasy anazy zaho, fa izy ze nagniraky anahy hanao batisa amigny rano nizaka taminahy ho: 'Eo ambonize hitanao hizosoanigny Fagnahy vo hitobohany eo aminazy, izy gny raiky manao batisa amigny Fagnahy masy." ³⁴ Sadynahita zaho gny nitalilia fa izy gny zanan'Agnahary." ³⁵ Gny maraindray, ndraiky, raha nizoro niaraky tamigny to amireo pianany Jaona, ³⁶ dra nahita an'i Jesosy nandeha ereo, dra hoy Jaona ho: "Atio, gny zanak'agnondrin'Agnahary!" ³⁷ nahare anazy nizaka anizay reo piananay ro dra nagnaraky an'i Jesosy ereo. ³⁸ Boak'eo Jesosy nitoliky dra nahita anereo nagnaraky anazy dra nizaka anereo ho: "Ino gny taliavindrareo?" Namaly reo ho: "Raby (ze midika ho papianasy), eza hanao gny mitoby?" ³⁹ Namaly anereo izy ho: "Magnatogna dra atio." Dra nagnato ereo dra nahita gny toera ze nonegnany; nitoby niaraky taminazy tao ereo tamin'io andro io, fa tokony fa ho ora fahafolo tamizay. ⁴⁰ Raiky tamireo pianasy ro nahare an'i Jaona nizaka dra nagnaraky an'i Jesosy boak'eo i Andrea, rahalahin'i Simona, Petera. ⁴¹ Nitalia an'i Simona rahalaniny aloha izy dra nizaka taminazy ho: "Hitanay gny Mesia" (Adika ho i Kristy) ⁴² Ninday anazy tagny amin'i Jesosy izy, dra nagnety anazy Jesosy dra nizaka ho: "Hanao dra Simona zanak'i Jaona, hanao dra hatao ho i Kefasy" (ze midika ho: i Petera). ⁴³ Gny maraindray, raha te0hiala ho a Galilia agny Jesosy, dra nahita an'i Filipo Izy dra nizaka taminazy ho: "Magnaraha anahy." ⁴⁴ Filipo dra boaky a Betsahida agny, tanan'i Andrea vo i Petera. ⁴⁵ Nahita an'i Natanaela i Filipo dra nizaka taminazy ho: "Izy nisoratin'i Mosesy tao amigny lalana, vo reo paminany, hitanay izy, dra Jesosy zanak'i Josefa, boaky a Nazareta ao. ⁴⁶ Natanaela nizaka taminazy ho: "Moa hisy raha soa boaky a Nazareta ao?" Filipo nizaka taminazy ho: "Magnatogna dra atio." ⁴⁷ Jesosy nahita an'i Natanaela nagnato anazy dra nizaka reo mombamomba anazy ho: "Atio, zay gny tena isiraelita, ze sy misy fitaky ao aminazy!" ⁴⁸ Natanaela nizaka taminazy ho: "Ino gny fahafatarandrareo anahy?" Jesosy namaly dra nizaka ho: "Talohanigny nitokavan'i Filipo anao, raha teo ambaninigny hazon'aviavy haano, dra hitako. ⁴⁹ Natanaela namaly ho: "Raby, Hanao gny zanan'Agnahary! Hanao gny pazakan'Israely!" ⁵⁰ Jesosy namaly dra nizaka taminazy ho: "Akory ra zaho nizaka taminao ho: 'Nahita anao teo ambaninigny hazon'Aviavy zaho,' gny hinoanao? Hahita raha soa mihoasy noho izay zaho." ⁵¹ Boak'eo Izy nizaka ho: "Zakako amindrareo, mary dra marina vatany, fa hahita gny lagnisy hisikaky handrareo, dra reo azelin'Agnahary hiakasy vo hizoso amboninigny zanak'olo."