¹ Jakoba, panopon'agnahary vô Topo Jesosy Kristy, ho anireo foko ro ambiny folo nibarakay: arahaba. ² Rambeso ho fifalia avokoa zay,rahalahy, gny misy olana samihafa iandrareo. ³ Fatasindrareo fa gny fisapa gny finoandrareo dra mahavy fahareta. ⁴ Angao gny fahareta hahatateraky gny asany, ba tena hiboaky vo ho feno tateraky handrareo, dra sy ho ory na ino na ino. ⁵ Fa raha misy amindrareo mitalia fahendrena, aoky izy hangataky anizay amin'agnahary, gny raiky ze magnome asitra-po vo sy mandasa ze mangataky aby, vo ameny anazy zay. ⁶ Fa enga izy hangataky amigny finoa ,sy misalasala Amin'ino dre ino . Fa ze misalasala dra tahaky gny ozan_dranomasy ze andesihoky vô mitopatopa. ⁷ Fa ze olo zay dra sy tokony nieriserisy gny handray dre ino dre ino baka amy Topo. ⁸ Gny olo manahaky anizay dra miroa say,miovaova amigny lalany iaby. ⁹ Aoka gny rahalahy mahatra hanao gny fisandratany ho reharehany , ¹⁰ fa gny olo manan-kanagna amigny fietreny ,satria izy dra hilofika manahaky gny Ravi-kazo dra egny amigny ahisy. ¹¹ Fa gny masoandro dra miboaky amigny hafana may dra magnamaiky gny ahisy . Gny ravikazo dra mihisa ,sady gny hasarany dra ho levo. Manahaky anizay koa ,gny olo manakanagna dra halazo egny amigny asasany gny liany. ¹² Sambasy gny olo ze miarisy fisapana .Satria gny baka nandalo fisapa izy,dra handramby gny satro-boninahisy gny fiaigna , ze napanatena tamin'ereo ze tia agn'Agnahary. ¹³ Gny misy halam-pagnahy dra ao izy sy hizaka hô:'' Zagnahary gny nangalaky fagnahy anahy,'' satria Zagnahary sy azon'gny rasy ala fagnahy ,sady sy bâ mangalaky fagnahy dre aniza dre aniza. ¹⁴ Fa samy ala-pagnahy amigny fagniriany manoka gny olo kirairaiky ,ze mapiemosy vô mandresy anazy. ¹⁵ Gny fa torotoro gny fagniria , dramiteraky fahota . Dra gny mitombo tateraky gny ota ,dra miteraky fahafatesa. ¹⁶ Ka mety ho fitahy ,ry rahalahy malalako. ¹⁷ Gny fagnomeza soa iaby vô gny fagnomeza avy lafasy aby dra bak'agny agn'abo . Zay dra mizoso baka amigny Ragn'gny fahazava . Miaraky amigny dra sy misy fitova dre aloky nohon'gny fiodigna. ¹⁸ Zagnahary dra nifily gny hagnome fahateraha asika amigny zaka fahamarigna ,bâ ho karaza voloham-bokasin'ereo aby ze nofononiny isika. ¹⁹ Fatasindrareo zay,ry rahalahy malalako : aoka gny olo aby halaky hiteno ,sy hizaka ho ôry. ²⁰ Fa gny hahoriagn'olo dra sy ahefa gny fahamarignan'Agnahary. ²¹ Koa alao gny fahalotoa iaby vô gny faharasia iaby .Ami-panetre tegna dra rambeso dra rambeso gny zaka fa napetraky ,ze afaky mamozy gny fagnahindrareo. ²² aoka ho pakato gny zaka handrareo fa sy ho piteno avo, la mamitaky gny vatandrareo. ²³ Fa raha misy piteno gny zaka nefa sy pakato, dra manahaky gny olo ze mandiniky gny tarehiny voazagnahary agnaty fitarasy izy. ²⁴ Mandiniky gny vatany izy dra mandeha boakeo dra magnaligno momba anazy. ²⁵ Fa gny olo ze mandiniky soa gny lalanigny fahafaha tonga lafasy, vo manohy manao anizay, fa sy ho piteno fosiny ze magnaligno, dra ho tahy amireo asany zay olo zay. ²⁶ Raha misy mihevi-bata ho pivavaky ,nefa sy mifehy gny lelany ,dra mamitaky gny fony izy zay ,dra sy misy viliny gny fivavahany . ²⁷ Gny fivavaha malio vô sy misy pety eo agnoloan'agnaharisika vô gny Rasika dra zao: hagnapy reo kamboty vô reo pinday vata amigny fahotan'ereo, dra miaro gny vata bâ sy hisy petina baka amizao totolo zao.