¹ Boak'eo gny fokon'Israely aby nagnagny amin'i Davida tagny Hebrona dra nizaka ho: "Ingo, nofo vo tolanao zahay. ² Vo sy ela akory, fony nazaka teo amisika i Saoly, dra hanao gny nitariky gny tafiky Israelita. Yaveh nizaka taminao ho: 'Hinday an'Israely vahoako hanao, dra ho lasa panapaky eo Amin'Israely."' ³ Ko avy tagny amigny pazaka tagny Hebrona reo loholon'Israely aby, dra i Davida pazaka nanao fagneke tamin'ereo teo agnatrehan'i Yaveh. ⁴ Nagnososy an'i Davida ho pazaka teo amin'Israely ereo. Telopolo tao i Davida gny nanomboky nazaka, dra nazaka nandrisy gny efapolo tao izy. ⁵ Tagny Hebrona dra nazaka teo amin'i Joda nandrisy gny fito tao sy enim-bola izy, dra tagny Jerosalema dra nazaka nandrisy gny telo amby telopolo tao teo amin'Israely vo i Joda aby izy. ⁶ Nandeha nagnagny Jerosalema gny pazana vo reo olony ba hanohisy reo Jebosita, reo pononigny tany. Hoy ereo tamin'i Davida ho: "Sy ho avy eto handrareo raha sy poaky vo gny mandringa gny hapiherin' anao. Sy afaky gny ho avy eto i Davida." ⁷ Na dre izay aza, dra nambabo gny ferova mafin'i Ziona, ze tanan'i Davida aminao i Davida. ⁸ Tamizay fotoa zay i Davida nizaka ho: "Reo ze nanafiky gny Jebosita dra sy maisy handalo amigny lalan-drano ba hihazo gny 'mandringa vo gny poaky' ze fahavalon'i Davida." Zay gny izakanigny olo ho: "Gny 'poaky vo gny mandringa' dra sy mahazo mailisy gny lapa." ⁹ Ko nony tao amigny ferova mafy i Davida dra nitoka anizay ho gny tanan'i Davida. Nohamafisiny gny magnodidin'anizay, boak'egny amigny lavarangy magnagny agnatiny. ¹⁰ Lasa natazaky be i Davida akory Yaveh, gny Zagnahariny gny maro, gny nindray taminazy. ¹¹ Boak'eo Hirama pazakan'i Tyra nagniraky pinday hafasy, vo hazo sedera, pandrafisy, dra pamboasy tragno tagny amin'i Davida. Namboasy tragno ho an'i Davida ereo. ¹² Fatas'i Davida fa nametraky anazy ho pazakan'Israely i Yaveh, dra fa nanandrasy gny fazakany nohonigny amin'Israely vahoany izy. ¹³ Boa'eo i Davida niala tao Hebrona dra nandeha tagny Jerosalema, nangalaky valitsindrano vo valy maromaro tagny Jerosalema izy, dra nisy zanadahy maro vo zanakapela maro naterany. ¹⁴ Tahoky aby gny agnaranigny zanaky naterany tagny Jerosalema: Samoa, Sobaba, Natana, Solomona, ¹⁵ Jibara, Elisoa, Nafega, Jafia, ¹⁶ Elisama, Eliada, dra Elifeleta. ¹⁷ Dra gny fa ren'ireo Filistina fa voahososy ho pazakan'Israely i Davida, dra niboaky izy aby ba hitalian'anazy. Nefa nahare momba anizay i Davida dra nandeha nizoso tagny amigny ferova fatrasy. ¹⁸ Dra avy reo Filistina dra niparitaky tagny an-Dohasakan'i Refaima. ¹⁹ Dra nila vozy tamin'i Yaveh i Davida. Hoy izy ho: "Tokony hanafiky reo Filistina ra zaho? Hagnome fandresena amin'ereo ra Hanao?" Hoy Yaveh tamin'i Davida ho: "Manafiha, fa hagnome fandresena hondrareo eo aminreo Filistina vatany Zaho." ²⁰ Ko nanafiky tao Bala-Perezima i Davida, dra tao gny nandreseny anereo. Naneho hevisy izy ho: "Nisafoaky tamireo fahavaloko teo agnatrehako manahaky gny fisafiakigny safo-drano i Yaveh." Ko lasa Bala-perazima gny agnaranizay toera zay. ²¹ Nangan'ireo Filistina teo gny sapin'ereo, dra nandesin'i Davida vo reo lelahiny lavisy reo. ²² Boak'eo dra niakasy ndraiky reo Filistina dra niparitaky fagnindrony tegny an-Dohasakan'i Refaima. ²³ Ko dra nitalia vozy tamin'i Yaveh ndariky i Davida, dra hoy Yaveh taminazy ho: "Ka manafiky gny manoloan'anereo hanao, fa hiodidigno boak'ao afarany ereo dra magnaton'anazy reo boak'eo amireo hazo balsama. ²⁴ Gny fa mahare gny feon-diabe egny amigny rivosy misioky boak'eo ataponigny hazo balsama hanao, dra aoky hanafiky amin-kery. Atovy zay akory hiboaky meloha andrareo ba hanafiky gny tafik'ireo Filistina i Yaveh." ²⁵ KO dra nanao araky ze nandidian'i Yaveh anazy i Davida. Nivonany nanomboky tagny Gaba dra hatragny amigny lalan'aby magnagny Gezera reo Filistina.