¹ Simona Petera, panopo vo apostolin'i Jesosy Kristy, ho an'ireo zay nahazo gny finoa sarobidy manahaky izay nalanay, finoa ao amigny fahamarinan'ny Zagnaharisika vo Jesosy Kristy pamozy. ² Hapitombo anie gny fahasoa vo fiadagna nohon'ny fahalala an'i Zagnahary vo Jesosy toposika. ³ Reo raha aby mahakasiky gny herin'i Zagnahary ho an'ny fiaigna vo toe-pagnahy dra name asika tamigny alalan'ny fahalala an'i Zagnahary, zay nitoka asika tamigny alalan'ny voninahisy vo gny fahasoavany manoka. ⁴ Tamigny alalan'ireo, nameny zaka fikasa soaisika, ba ho lasa pizara amigny fomban'Agnahary handrareo, fa gny mienga gny fahalotoa eto atany noho reo filan-drasy. ⁵ Noho izay, manova gny soa ba hagnapia fahasoava amigny alalanigny finoandrareo, dra amigny alalanigny fahasoavandrareo, gny fahalala. ⁶ Amigny alalanigny fahalalandrareo, magnapia fahonogna-po, vo amigny alalanigny fahonogna-pondrareo, magnapia fereta, dra amigny alalanigny fiaretandrareo, magnapia toe-pagnahy. ⁷ Amigny alalanigny toe-pagnahindrareo, magnapia fitiava rahalahy, dra amigny alalanigny fitiava rahalahy, magnapia fitiava. ⁸ Raha ao amindrareo reo dra mitombo ao amindrareo, dra sy hamoa na sy hamokasy amigny fahalala an'i Jesosy Kristy Toposika handrareo. ⁹ Fa na iza na iza sy apy reo raha reo dra sy mahita afa-sy ze mariny avo; poaky izy. Nihalignoiny gny fagnaliova anazy tamireo fahota taloha. ¹⁰ Noho izay, ry rahalahy, atovy gny ba hahazoa atoky gny fienga vo gny fifilia andrareo aby. Raha manao reo raha reo handrareo, dra sy ho voafinga. ¹¹ Amizay dra malalako ho andrareo gny fidira amigny fazaka mandrakizay ze anigny Toposika vo i Jesosy Kristy pamozy. ¹² Noho izay dra vonona avo zaho hapasiaro andrareo reo raha reo, na dre fatandrareo aza reo, na dre matazaky ao amigny mary aza handrareo amizao. ¹³ Izaho mieriserisy fa rariny aminahy gny mamoha andrareo amigny fapahasiahiva reo raha reo, gny bo eto amy ty tragno-lay tihoky zaho. ¹⁴ Akory fataso fa sy ho ela dre halako gny tragno-laiko, manahaky ze nasehon'i Jesosy Kristy Toposika anahy. ¹⁵ Dra hataoko ze farany vitako ba hahasiarovandrareo mandrakariva reo raha reo gny fa lasa zaho. ¹⁶ Fa zahay dra sy nagnoriky angano soa rafisy ze niforogny gny fa nizaka tamindrareo gny mombanigny hery vo gny nisehoan'i Jesosy Kristy Toposika. Fa koa, zahay dra vavolombelo nahita gny fiandrianany. ¹⁷ Fa izy dra naharay laza amam-boninahisy boak'amin'Agnahary Ray gny fa nisy feo avy teo aminazy tamigny voninahisy lahibe ho: "Tihoky gny zanako malalako, ze sitrako indrindra." ¹⁸ Nahare anizay feo boak'agny andagnisy zay zahay, gny fa niaraky taminazy tegny atendrombohisy masy. ¹⁹ Isika dra mana ty zaka faminania dra fa fatrasy ory tihoky. Tokony hitandry anizay soa handrareo. Izay dra manahaky gny ziro mazava ao agnatinigny mezy mandra-piavinigny maray vo gny kitanigny maray miboaky ao apondrareo. ²⁰ Fataro aloha zao, fa sy misy faminania boak'amigny famoahakevisy gny olo. ²¹ Fa sy misy faminania boak'amigny sitraponigny olo. Fa koa, nitarihinigny Fagnahy Masy ereo ba hizaka ze nizakan'Agnahary.