¹ Ka masiaky gny olon'atisy. Fa koa, anaro manahaky gny ray izy. Anaro manahaky gny rahalahy reo lelahy tanora. ² Anaro manahaky gny reny reo apela atisy, dra reo apela manahaky anabavy ao amigny fahaliovan'aby. ³ Magnaza reo pinday vata. ⁴ Fa raha managnanaky na zafy gny pinday vata raiky, dra angao ereo hianasy haneho fagnaza ao amigny tokatragnony. Aoky ereo hamaly babe reo ray aman-dreniny, akory akasitrahan'Agnahary zay. ⁵ Fa gny tena pinday vata dra nanga raiky. Mametraky gny fitokiany amin'Agnahary izy. Mitoby hatragny amireo fangataha vo vavaky ando aman'aly. ⁶ Na izay aza, gny apela ze miay ho anigny fahafinareta dra maty, na dre bo velo aza izy. ⁷ Toria zay raha zay ba sy anagnanereo signy. ⁸ Fa raha misy olo sy magnome ho an'ireo ze ao amigny akohonany, dra nanda gny finoa anazy dra rasy lavisy noho gny sy pino. ⁹ Aoky hosoraty ho pitonddra tegna gny apela ze sy lasaky gny enipolo tao, apela raiky ze valinigny lelahy raiky. ¹⁰ Tokony ho fatasy noho reo asa soa izy, na nikarakara reo zaza, na avokoa napetragno reo pivahiny, na nanasa gny tombok'ireo pino, na nagnameva gny ory, na nanolo-bata tamigny asa soa aby. ¹¹ Fa ho anireo pinday vatan bo tanora koa, dra ka magneky gny hanorasy anereo ao agnaty lisita. Fa gny fa milavo-lefo amigny falanigny nofo hanohisy an'i Kristy ereo, drate-hanambaly. ¹² Amizay ereo dra hahazo fagnameloha akory namadiky gny fanoloram-batany volohany. ¹³ Dra lasa zasy malaiky koa ereo. Mandehana mitety tragno. Sy mazary halaiky avo ereo, fa lasa pisiko vo tialy avo koa ereo. Mizaka raha ze sy tokony ho zakany ereo. ¹⁴ Noho izay dra tiako hanambaly reo apela bo tanora reo, hiteraky, hikarakara tokatragno, ba sy ahafahany magnome iriky gny fahavalo hangalasy anay ho nanao rasy. ¹⁵ Fa gny ilany fa nivily hagnaraky an'i Satana. ¹⁶ Raha misy apela mino mana pitondra, aoky izy hagnapy anereo, ba sy hamesasy gny fengona, ba hahafahany magnapy reo tena pitondra tegna mary. ¹⁷ Aoky reo loholo ze manapaky soa ba ho takary ho mendri-boninahisy miapy ro heny, indrindra reo ze miasa miaraky amigny zaka vo amigny fapenara. ¹⁸ Fa hoy gny Sorasy Masy ho: "Sy tokony hagnisy fehiny gny vavanigny gny agnomby hanao raha bo mively vao izy." dra: "Gny piasa dra mendriky gny karamany." ¹⁹ Ka mitakasy fiapanga manohisy gny loholo raiky raha sy misy vavolombelo ro na telo. ²⁰ Ahisio eo agnatrehanigny maro reo panota ba hatahosy gny ambiny hafa. ²¹ Mididy anao fatrasy zaho eo agnatrehan'Agnahary vo eo agnatrehan'i Kristy Jesosy dra reo azely voafily, ba hihazognanao reo lily reo sy misy fizakazaka vo ba sy hanovanao na ino na ino amigny fiandania. ²² Ka meky manoby tagna amin'iza na iza. Ka mindray ao amigny fahotanigny olo-kafa. Tokony hita gny vatanao halio hanao. ²³ Tokony sy hino rano sasy hanao. Fa koa, tokony hitakasy divay kely hanao ho anigny vavony vo reo aretinao mateti-pitranga. ²⁴ Gny fahotanireo olo ilany dra fatasy miharihary, dra ereo mandeha alohanireo ao amigny fisara. Fa gny ota ilagny mindray avy boaky afara. ²⁵ Manahaky anizay avokoa, misy asa soa fatasy miharihary, fe seky reo ilany aza dra siazo avony.