¹ Tamity vola fahavalo tamity tao faharoe nanjaka Dariosa, le niavy tamy Zakaria anadahy Berekia anadahy Ido, mpaminane, ty safa Yaveh, manao hoe: ² "Meloke mafe tamireo razambeinao Yaveh! ³ Ambarao iereo hoe:' Zao ro safa Yaveh tompo ty maro: Mitoliha amiko!__zay ro talily Yaveh tompo ty maro__le hitolike aminareo raho, hoe Yaveh tompo ty maro. ⁴ Ao nareo tsy hanahake ty razambeinareo ze kinay reo mpaminane taloha, manao hoe:" Ia ro rehafe Yaveh tompo ty maro: Miala amity lalan-dratinareo vaho ty fanovan-dratinareo!" Fa tsy naharey iereo naho tsy niraharaha Ahy__zay ro talily Yaveh.' ⁵ Reo razambeinareo, aia iereo? Aia reo mpaminane, eto zisikagne vao iereo? ⁶ Fa reo rehako vaho reo lalako ze nandiliako reo mpaminane mpanompoko, tsy le fa nahatratre reo razambeinareo vao reo? Ka nibebake iereo naho nanao ty hoe:' Arake ze le fa nalaha Yaveh tompo ty maro hatao aminay ty mete reo lalanay vaho reo asanay, ro nataone taminay."" ⁷ Tamity andro fahaefatre amby roapolo tamity faha-raike amby folo ty vola, ze vola ty Sebata, tamity tao faharoe nanjaka Dariosa, le niavy tamy Zakaria, anadahy Berekia anadahy Ido, ty mpaminane, ty safa Yaveh, manao hoe: ⁸ "Nahisake tamity hale raho, naho, ingo! nisy lahilahy raike nitikitse soavale mena, naho teo amity hetae rotre ze teo amity baibo re; naho teo afarane le nisy soavale mena, volontane misy mena, naho soavale foty." ⁹ Hoe raho ty hoe:" Ino ty raraha toa, ry Tompo?" Bakeo le nisy anjele raike nirehake tamiko nanao tamiko hoe:" Hatoroko anao hoe ino reo raraha reo." ¹⁰ Naho ty lahilahy ze nitsanga teo amity hetae rotre namale naho nirehake hoe:" Reo ro nalefa Yaveh mba hirererere magnera ty tane." ¹¹ Namale ty anjele Yaveh ze nitsanga teo amity hetae rotre iereo; hoe iereo tamine hoe:" Le fa nirererere nagnera ty tane zahay; ingo, ty tane iaby le mboe mitoboke vaho mijano." ¹² Le namale ty anjele Yaveh naho nirehake hoe:" Ry Yaveh tompo ty maro, zisike ombia ro hanoroanao tsy fiferenaigna amy Jerosalema vaho amireo tana Joda ze le fa niaretre heloke ze fitompolo tao zay?" ¹³ Namale ty anjele ze nirehake tamiko, tamity rehake soa, rehake fagnamafea ty Yaveh. ¹⁴ Ka nirehake tamiko ty anjele ze nirehake tamiko hoe:" Mikaiha mafe naho manova ty hoe:' Zao ro safa Yaveh tompo ty maro: Sarotene tamin-katea foloay tamy Jerosalema vaho tamy Ziona Raho! Meloke mafe amireo firene ze ao agnate ty jale reo raho. ¹⁵ Laha mboe meloke kele tamireo Raho, le vaho maike nagnaraty ty fijalea iereo. ¹⁶ Laha zao le zao ro Safa Yaveh tompo ty maro: Le fa nihere tamy Jerosalema tamim-pandefera raho. Ho voaore ao agnatene ty tragnoko__ zay ro fagnambara Yaveh tompo ty maro__naho ty famolay le ho henjagne amy Jerosalema!' ¹⁷ Mikaiha mafe ndraike, manao hoe:' Zao ro safa Yaveh tompo ty maro: Ho tondrake soa ndraike reo tanako, naho hagnamafe i Ziona ndraike Yaveh, naho hifily i Jerosalema ndraike re." ¹⁸ Le nagnakatre ty masoko raho naho nahisake trifa efatre! ¹⁹ Nirehake tamity anjele ze nirehake tamiko raho hoe:" Ino reo?" Namale ahy re hoe:" reo ro trifa ze le fa nizara Joda, Israely, naho Jerosalema." ²⁰ Bakeo le nanoro mpanao asa tagna efatre tamiko Yaveh. ²¹ Hoe raho hoe:" Ino ro anton-dia reo ndaty reo?" Namale re, naho nanao ty hoe:" Reo ro trifa ze niza Joda mba tsy hisy ndaty afake hagnakatre ty lohane. Fa reo ndaty reo le avy mba handroake iereo, mba handrava reo trifa reo firene ze nagnakatre trifa mandietre ty tane Joda mba hizara aze."