¹ Vaho ilane reo tamity rafe i Joda naho Benjamina le naharey fa ty vahoake ze nanoe sesetane le magnore tempoly ho ahy gn'Yaveh, iaze Zagnahare Israely te amizao oy. ² Kea nagnato andre Zerobabela naho loha ty foko ty raza gniereo reo. Hoe iereo tamy gniereo tihoe: "Engaho zahay hagnore hiarake aminao, fa satria, mila ty Zagnaharegnareo, manahake anareo zahay, vaho nanao soro ho aze zisikamity andro nindaisa ndre Esara-hadona, mpanajaka Asyria, anay tamity pilasy toy eto." ³ Fa i Zerobabela, Jeosa, vaho loha ty foko ty razambey gniereo nanao tihoe: "Tsy inareo, fa izahay ro tsy maintsy magnore ty tragno ty Zagnaharenay, satria zahay ro hagnore ho ahy Yaveh, Zagnahare Israely, magnorike ty nandilia Kyrosy mpanjaka Persia." ⁴ Kea nampaleme vahoake reo ty tane Jordiana; nampatahore gniereo ty hagnore Jodiana reo. ⁵ Sinafosafo gniereo avao kea ty mpanoro sae haharava ty fila gniereo. Zisike ty andro Kyrosy iaby naho tamity fanjaka Dariosy mpanjaka Persia iereo ro nanao izay. ⁶ Vaho tamity fanomboha ty fanjaka Ahasoerosy le nanoratse fanara any ndaty Joda naho Jerosalema iereo. ⁷ Tamy andro Ahaseorosy ro nanorata Bilslama, Mitreadata, Tabela, vaho ragnene reo ho ahy Ahasoerosy. Sinoratse tamity Aramaika ty taratasy vaho sinoratse. ⁸ Rehoma mpifehe naho ty Simsay mpanora dily le nanoratse mikasike Jerosalema ho ahy Artaksersesy. ⁹ Bakeo ty Rehoma, Simsay, vaho ragne iereo reo, ze mitsara naho manan-kasy hafa tamity governemanta, baka Ereka, Babylona, vaho Sosa bakagne Elama le nanoratse taratasy- ¹⁰ miarakamy vahoake reo ze sinere Asnapara bevata naho manan-kasy hitoboha ta Samaria agne, niarake tamy reo ze tavela ze tamity Faretane Andafe ty Rano agne. ¹¹ Intoy le soratse mitovy amy iaze soratse nalefa tamy Artaksersesy: "Mpanompognao reo, ndaty bakamity Faretane Andafe ty Rano, ro manoratse izao: ¹² Ao ty mpanjaka hahay fa Jiosy reo ze bakagne aminao le avy handietse anay a Jerosalema atoy mba hagnore tana mpivory. Iereo le nanampe ty lakoro vaho nagnamboatse ty fototse. ¹³ Vaho ao ty mpanjaka hahay fa laha vita ore ze tana zay vaho vitafempe ty lakoro, le tsy hagnomey haba naho hetra iereo, fa hagnisy raty mpanjaka reo. ¹⁴ Tena izay vatane satria nihina tamity sira ty lapa zahay, ka tsy mete aminay ty hahisake ty fahafaham-baraka hisy amity mpanjaka. Naho izay ro hampahaiagnay ty mpanjaka ¹⁵ hila ty firaketse antsoratse ty raenao vaho hagnamare fa tana mpivory ze hagnisy raty ty mpajaka naho farene reo. Nahavy ndaty maro ho ahy ty mpajaka naho faretanene reo zay. Fipoira ty fivoria hatre niela io. Naho ze antone zay ro naharava itanay. ¹⁶ Mampahay ty mpanjaka zahay fa laha vita ore otana ao naho lakoro o, le tsy hisy ndre ino ndre ino ho sisa ho anao amity Faretane Andafe ty Rano ao. ¹⁷ Kea nandefa ntoimbola tamy Rehoma agne naho Simsay vaho ragnene reo ta Samaria ao naho sisa ze tamity Faretane Andafe ty Rano ty mpajaka ao reo tihoe: "Lonike ty Fiadagna ho anareo. ¹⁸ Ty taratasy ze nalefagnareo ho ahy le fa vitaosratse vaho vinaky tamiko. ¹⁹ Kea nampagnotane raho vaho nahay fa tamity andro taloha le fa nivory nandietse mpajaka reo iereo. ²⁰ Mpajaka mafe reo le nandily tamy Jerosalema eo vaho nana fahefa tamity zaka iaby tamity faretane Andafe ty Rano. Naloa tamy gniereo ty haba naho hetra reo. ²¹ Amizao, manova lily ho ahy lahilahy reo hampijano naho tsy hagnore tanao iereo zisimpanovako lily. ²² Miambena tsy hanao tsisy dikane izay. Nanao akore ze fandrobaha zay ro enga hitombo ka ho fanteantoke maro ho ahy ty hasoa ty fanjaka? ²³ Lahafa vinaky tagnoloa ndre Rehoma eo, Simsay, vaho ragnene reo, ty lily ndre Artakersesy Mpajaka, le niboake ani Jerosalema malaky iereo vaho nanere Jiosy reo hampijano ty fandiera. ²⁴ Kea nijano ty asa fanova ty tragno Nagnahare ta Jerosalema ao mandra piavia ty tao faharoe ty fanjaka Dariosy mpajaka Persia.