¹ Noho zay, satria zahay mana zay asa fanompoa zay, vaho vao nahazo famindram-po, le kive zahay. ² Te kea, Nihalanay reo fomba mahamegnatse naho mivone. Tsy miay amy tyy fitake zahay, vaho mapiasa to ty tsara ty Andragnahare. Amy ty fanehoa ty to, zahay le mandily ty vatanay ty amy ty feo ty fieretsereta ty ndaty soa handesy eo amaso ty Andragnahare. ³ Te laha voafogno ty filazantsaranay, zay le ho voafogno amy reo ze mate arere avao. ⁴ Amy ty toe-jaka miseho amy iareo, ty andragnahare ty zao tontolo zao nahagoa reo say tsy matoky iareo. vokatse zay, tsy afake mahisake ty fahazava ty filazantsara ty asy ndre Kristy iareo, ze tarehe ty Andragnahare. ⁵ Te zahay tsy magnambara ty vatanay te re Kristy manahake ty Tompo, vaho ty vatanay manahake ty mpiasanareo noho ty amy ndre Jesosy. ⁶ Te Andragnahare le iaze raeke ze nitsara tihoe: "ty fahazava hamiratse tao agn'arofonay, soa hagnome ty fahazava ty fahalala ty asy ty Andragnahare eo amy ty fagnatreha ndre Jesosy Kristy. ⁷ Te zahay mana zay hanagna ze ao ampo tavoange tanemanga, soa hazava te ty here bey mihoatse lavitse le ahy ty Andragnahare te tsy anay. ⁸ Ampijale amy ty fomba iaby zahay, te tsy rese. Vere hevitse zahay te tsy feno hakivia. ⁹ Anjehy zahay te ty negna. Vonoa zahay te tsy rava. ¹⁰ Manday eo amy ty vatanay ty fahafatesa ndre Jesosy avao zahay, amy zay ty fiaigna ndre Jesosy avao kea le hiboake eo amy ty vatagnay ¹¹ Zahay ze velo le manday avao ao amy ty vatagnay ty fahafatesa ndre Jesosy, amy ze fiaigna ndre Jesosy le hiboake eo amy ty vatanay ondaty. ¹² Noho zay ty fahafatesa le miasa ao amintika, te ty fiaigna miasa ao aminareo. ¹³ Te zahay mana fagnahy ty finoa mitove arake ze voasoratse tihoe: ¹⁴ "natoke raho, vaho le nitsara avao kea zahay. Hainay te iaze raeke ze nananga ty Tompo Jesosy le hananga antika avao kea miarake amy ndre Jesosy. Hainay te handay anay miarake aminareo ao amy ty fiatrehane Reke. ¹⁵ Ty zaka- iaby le ho anareo soa, arake ty fahasoava voaparitake tamy ty ndaty maro, ro hitomboa ty fagnomezam-pisaora ao amy ty asy ty Andragnahare. ¹⁶ Noho zay le tsy ho kivy zahay. Na maleme ambalike kea zahay, le havaoze san'andro san'andro ty ao amponay. ¹⁷ Te amy zao andro mandalo zao, ty fahoria maiva le magnoma anay ho amy ty lanja ty asy maharitse zisikam-parane ze mihoatse ty fandanja iaby. ¹⁸ Te tika tsy magnete raraha ze hisake, te reo raraha tsy hisake. Reo raraha ze mete hitantika le tsy maharitse, te ro raraha ze tsy hisake le maharitse zisikam-parane.