¹ Magnanatre reo olobey aminareo raho, zaho, ty olobey nama. Zaho avao kea le vavolombelo reo fijalea Kirisity, naho kea mpikamba ao amity hasy te le fa hatoro. ² Laha zao, magnanatre anareo raho, ry olobey, lignaso ty agnondrin'Agnahare te aminareo eo. Araho maso ierey, tsy amity haterea, fa amity sitramponareo, arake ty sitrampon'Agnahare. Araho maso ierey, tsy amity vola maloto, fa antsitrampo. ³ Ko manjaka amity ndaty ze iambenanareo. Fa kea, ao ho fitaratre hoahy ty agnondry. ⁴ Naho laha fa miseho ty Loha ty mpiarake agnondry, le hahazo satron-kasy tsy mete simba nareo. ⁵ Manahake zay kea, nareo tanora fagnahy, magnenkea ty ndaty bey. Nareo iaby, sikino fahamarea ty vatanareo naho mifanompoa. Fa Zagnahare mandietre ty mpirehareha, fa magnomea hasoava ty mare. ⁶ Laha zao mimarea eo ambane ty tagna-maheren'Agnahare mba hagnakarane anareo amize andro zay. ⁷ Engao eo amine ty fagnahinareo iaby, satria Re ro mitahy anareo. ⁸ Magnonognam-bata, miambena. Ty fahavalonareo, le ty devoly, mihodigna hoe ty liona mikenro, mipay ty ndaty ho hanene. ⁹ Mandiera aze. Mioregna amity finoanareo. Hainareo fa ze fijalea zay le manjo ty fiharoa reo mpino magnera zao iaby zao avao kea. ¹⁰ Laha fa baka nijale zisike ty andro kele nareo, ty Zagnahare ty hasoava iaby, ty nikaike anareo ho amity hasine zisikagneao amy kirisity, le hahalefe anareo, hananga anareo, naho hagnamafe anareo. ¹¹ Ho Aze anie ty fanjaka zisikagne zisikagne. Amena ¹² Raeseko heo ty rahalahy matoky ty Silasy, naho nanoratre rehake kele hoanareo tamity alalane raho. Magnanatre anareo naho magnambara anareo fa ze sinorako le hasoava maren'Agnahare. Mitsangana amizay. ¹³ Ty ampela te agne Babylona, ty voafily niarake taminareo, manao veloma anareo. Naho kea Marka, anadahiko, manao veloma anareo. ¹⁴ Mifanova veloma amity fagnorohan-katea. Ho aminareo iaby anie ty fiadagna ze ao amy Kirisity.