1 Hoahy ty mpihira; hampiaraha amy lokanga. Maskila i Davida; lafa avy Zifita rey sady nivola tamy Saoly hozao: "Tsy namony ty vatany niaraky tamitsika va i Davida?" Vonjeo amy ty Anaranao zaho, lahy Ndranahary, sady tsarao amy ty herinao. 2 Janjino ty fivavahako, lahy Ndranahary; ahorirano sofy ty safa ty vavako rey. 3 Fa olo hafa firenena ro mitsanga hanohitsy ahy, sady lahilahy tsy miferinay ro nagnia ty aiko; tsy nemetraky an-DRanahary tahohany teo ndrozy. Sela 4 Ingo, Ndranahary ro mpamonjiko; Tompo raiky avao ro mamonjy ahy. 5 Hamaly ty raty nanovy ty fahavaloko rey ie; Ravao ndrozy rey, amy ty fahatokianao! 6 Amy ty fanday vokatsy ty foko ro hananovako soro ho Ahinao; fisaora ro asesiko ho Ahinao, lahy Yaveh, fa soa zay. 7 Safe namonjy ahy tamy ty loza iaby Ie;Fa nahita fandresea tamy ty fahavaloko ty masoko