1 Ho ahy ty mpihira; anovo Mahalata. Maskila i Davida. Tyv gegy mivola anay manao hozao: "Tsy misy Ndranahary."Mpanao raty iaby ndrozy sady nahavita fahota fahavetaveta; tsy misy manao ty soa. 2 Miondriky manenty ty anak'olombelo baka andanitsy any Ndranahary mba hanenty laha misy mahatakatsy, ze mila Azy. Fa nibio iaby ndrozy. 3 Niaraky niova ho mpanao raty ndrozy. Tsy misy ndra raiky manao ty soa , ndra raiky avao aza. 4 Vasa ze manao ty raty rey tsy mana fahazavan-tsay le azy mandevy ty oloko manahaky azy homa mofo rey sady tsy mikaiky an-Dranahary ndrozy? 5 Tanay ty havaka mare ndrozy, ndra tsy nisy antony tokony hampavaka; Fa NDranahary nanapatapaky ty taola ty ze hivory hanohitsy anao; ty olo manahaky zay le ho afahy baraky safe fa tsinenkean-Dranahary ndrozy. 6 Enganie mba ho avy a Ziona ty famonjea ahy Israely! Lafa andesin-Dranahary mimpoly baka amy ty fahagadrany ty olony, le ho falifaly Jakoba sady ho faly i Israely!