1 Ameo rariny zaho, Njanahary, sady ialio ty aliko hanohitsy firenea tsy araky Njanahary rey. 2 Fa Iha ro Njanahary ty heriko. Nanino ro nanary ahy Iha? Nanino zaho ro handeha hisaona noho ty fampijalea ty fahavalo ahy? 3 Alefaso ty hazavanao noho ty marinao, engaho hitariky ahy reny. Engaho handay ahy henany amy ty vohitsinao masy any reny noho amy ty fipetsahanao any. 4 Le handeha amy ty alitaran-Janahary eo zaho, amin-Janahary any ze fifaleako bibiky. Hanompo Anao amy ty harpa zaho, Njanahary ô, Njanahariko. 5 Nanino ro miondriky iha, fanahiko? Nanino ro meloky anaiko ao iha? Manantenà an-Janahary, fa mbo hanompo Azy ze famonjea ho ahy noho Njanahariko ndraiky zaho.