¹ Reo ohabolagn'i Solomona zanak'i Davida, mpanjakan'Israely. ² Reto ohabolagna reto de natao mba hampianatra fahendrena sy toro-lalana, hampianatra an'reo tenin'ny fahalalana, ³ hazaôna toro lalana mba hiaigna am'fagnanôvana ny marina, rariny, ary hitsiny. ⁴ Reto ohabolagna reto ihany kô de natao hagnome fahendrena ho an'ny kely saigna, ary hagnome fahalalana sy fahamalinana ho an'ny tanora. ⁵ Ôka ny ôlon-kendry hihaino ka hampitombo ny fahalalany, ary ôka ny ôla mahay magnavaka hahazo tari-dalana, ⁶ mba hahatakatra an'reo ohabolagna, reo ôtram-pitenenana, sy ny tenin'ny ôlon-kendry mbarak'reo ankamantany. ⁷ Ny fahatahôrana an'i Yaveh no fiandoham-pahalalana_ny adala magnamavo ny fahendrena sy ny fampianarana. ⁸ Ry zanako, tandrigneso ny fampianarandrainao, ary aza miala am'fitsipiky ny reninao; ⁹ ho fehilô tsara tarehy ho an'ny lônao regny ary rado mihantogna akeo am'tendanao. ¹⁰ Ny zanaka, raha mikasa haningotra an'nao ho am'fahotanjareo ny mpagnota, de aza magneky hagnaraka an'azy. ¹¹ Raha ozy zareo hoe: "Ave hiaraka amin'ny, andao tsika hikotrika hamono ôla, andao tsika hisitrika ka hamely ôla tsy manan-tsigny am'tsisy antony. ¹² Andao hatelintsika velona regny, salan'ny fakan'ny Fiaignan-tsy hita reo ze salama, ary hagnano an'njareo ôtran'ze milatsaka an-davaka. ¹³ Ho tazantsika reo karazan-dra sarobidy daôly; ho fenôntsika am'ze angalarintsika amin'ny hafa tragnontsika. ¹⁴ Atsipazo miaraka minay ny filokànareo; hanagna pôketra raika tsika daôly." ¹⁵ Ry zanako, aza mande midigna am'zany lalana zany miaraka amin'jareo; aza avela hikasika ze handihanany ny tongotrao; ¹⁶ mihazakazaka ho am'ratsy ny tongony ary maika handatsa-drà zareo. ¹⁷ Fa tsisy varany ny hamilarana harato hamandrehana vorogna raha mitazagna le vorogna. ¹⁸ Mikotrika hamono ny tegnany ihany regny ôla regny_magnano vela-pandrika ho an'ny tegnany zareo. ¹⁹ Ôtran'zany kô ny lalan'ny ôla daôly ze mahazo harena am'tsy rariny; ny harena azo am'tsy rariny mangaka ny aignan'reo ze mifikitra am'zany. ²⁰ Mivazavaza an-dalana ny fahendrena, mampakapeo an-kalamanjagna izy, ²¹ am'reo lô-lalana mikotaba no hitabatabany, am'fidirana akeo am'vavahadin'ny tanàna no hitinenany hoe: ²² "Ho hatram'ovena, anareo ry ôla kely saigna, no hitè ny habadôna? Hatra'ovena, anareo ry mpandrabiraby, no hankamamy ny fandrabirabena, ary ho hatram'ovena, anareo ry adala, no hankahala ny fahalalana? ²³ Tandremo tsara ny fagnanarako; hararako aminareo ny fihevitro hataoko fantatrareo ny teniko. ²⁴ Efa nagnantso za, ary nandà ny hitandregny anareo, nagninjitra ny tagnako za, kanefa tsisy niraharaha. ²⁵ Fa nodianareo fanina ny fampianarako daôly ary tsy notandrignesinareo ny fagnanarako. ²⁶ Himeme ny lozanareo za, handatsa an'areo za rafa tonga ny horohoro_ ²⁷ rafa tonga salan'ny tafiotra ny fandringanana mampatatra ary mifaoka an'nareo salan'ny tadio ny loza, rafa tonga aminareo ny fahorena sy ny fangirifiréna. ²⁸ De hagnantso anà zareo, fa tsy hamaly za, hagnantso anà fatratra zareo, fa tsy hahita anà. ²⁹ Satria mankahala fahalalana zareo ary tsy nifidy ny fahatahôrana an'i Yaveh, ³⁰ tsy nagnaraka ny fampianarako zareo, ary nagnamavo ny fagnanarako daôly. ³¹ Hihinana ny vokany ny lalany zareo, ary ny vokatry ny teti-dratsinjareo no hameno an'azy. ³² Fa vôvono ny kely saigna rafa mivily, ary hamotika an'azy ny tsy fagnaôn'ny adala. ³³ Fa na iza na iza mitandregny anà de hiaigna am-pilaminana ary ho vôaro tsy hatàtra loza."