¹ Reto no tenen’ny mpitoriteny, le taranak’i Davida sy mpanjakan’ i Jerosalema. ² Ny mpitoriteny milaza an'zareo."Ôtrany enton’ny zavona, ôtrany tsio-drivotra ,ny fanjavognan'ny ra daôly ,mamela fangnontanena betsaka. ³ Ino no tombontsoa azon'ôlombelona avy amin'ny asa daôly ze nandreraka an'azy takeo ambany masoandro? ⁴ Ny taranaka raika lasana, ary ny taranaka raika hafa tonga, kanefa ny tany mitoetra mandrakizay. ⁵ Miposaka ny masoandro, ary milentika zay ary malaky hiverigna aigny am'tôrana ze hiposahany ndre. ⁶ Mitsoka magnatsimo ny rivotra ary mangnano faribolana mihodigna mankaigny avaratra, mande mihodigna am'lalany hatraigny ary miverigna ndre. ⁷ Reo ogny daôly mikorigna aigny an-dranomasina, fa ny ranomasina tsy mba mety fegno. Aigny am'ze tôrana handianan'reo ogny, no handianan'zany ndre. ⁸ Nanjary mandreraka ny ra daôly, ary tsisy afaka magnazava an'zany. Ny maso tsy afa-po am'ze tazagny, na ny sofigna tanteraka am'ze regniny. ⁹ Ze daôly efa takeo de mbôla ho akeo, ary ze daôl efa vita no mbôla ho atao. Tsisy ra vaovao aty ambany masoandro. ¹⁰ Misy ra ma ze mety lazaina hoe: Ra-vaovao ty'? Ze daôly misy de efa nisy hatram' fotôna ela, nandritr'reo taona ze tonga ela talôn-tsika. ¹¹ Ôtrany tsisy ho mahatadidy an'reo ra ze nitranga tam'fotôna talô, sy reo ra ze nitranga vô vetivetika ary reo ze mbôla hitranga amin'ny ho avy de tsy ho tadidy kô." ¹² Zah le Mpitoriteny, ary efa mpanjaka takeo amin'Israely taigny Jerosalema. ¹³ Nampiasa ny saignako za mba hianatra sy hikaroka am-pahendrena ny ra daôly ze natao aigny ambanin'ny lagnitra. Zany fikarakaràna zany de asa mavesatra ze namen'Andriamanitra an'reo zanak'ôlombelona mba hisasarana. ¹⁴ Efa hitako avokô ny asa daôly ze natao aty ambany masoandro, ary indro, izy daôly reo de mitsavovogna sy fiezahana hisambo-drivotra. ¹⁵ Ny meloka de tsy mety hahitsy! Ny tsy tonga tsy azo isaina! ¹⁶ Nitare tam'foko za nagnano hoe:"Za de nahazo fahendrena leibe nohon'reo daôly ze talôko taigny Jerosalema. Ny saignako de nahita fahendrena sy fahalalana lehibe." ¹⁷ Ka nampiasa ny foko za mba hahalala fahendrena sy fahaverezan-tsaigna ary hadalana ihany kô. Tonga za mba hahatakatra fa fikasàna ny hisambo-drivotra ihany kô zany. ¹⁸ Fa am'fitobahan'ny fahendrena no mampisy fahorena be, ary ze mampitombo fahalalana de mampitombo alahelo.