¹ Lozan'reo ze miadana akao Ziona, ary ho an'reo ze milamina akao amin'ny tendrombotran'i Samaria, reo ôlo-milaza avy am'reo firenena tsara, ze hatongavan'ny taranak'Israely mba ho vonjena! ² Ozy ny mpitarika nareo: "Mandiana aigny Kalne ka mitazagna; avy akao de mandiana any Hamata, le tanàna geda; avy akeo midigna aigny Gatan'ny Filistina. Fa nga ma tsara noho reo fanjakana roy reo? Anga ma geda ny fahitanareo ny faritanin-jareo?" ³ Loza ho an'reo ze mampiemotra ny andro ny loza sy mampagnankeky ny seza fiandrianan'ny loza. ⁴ Mandry akeo ampandrena ivory zareo ar mitsotsotra akeo amparafaran-jareo. Minana ny zanak'ondry avy am'reo ondry aman'osy zareo ary zanak'ondry avy am'finanam-bilogna. ⁵ Nihira an'reo hira adaladala tamin'ny feon'ny harpa zareo; sy namorona zava-magneno salan'ny nataon'i Davida. ⁶ Nisotro divay tamin'ny vile jobo zareo, ary nihosotra diloilo tegna tsara, nefa tsy nalahelo tamin'ny faharavan'i Josefa. ⁷ Ka hande an-tsesitany niaraka am'reo sesi-tany voalôny zareo am'zao, ary ny firavoravôn'reo ze mitsilailay de ho fôgna. ⁸ "Za, Tompo Yaveh, de efa nianina tamin'ny tagnako_ zany no lazain'i Tompo Yaveh, Andriamanitra Tompon'ny maro, halako ny fieboebon'i Jakoba; halako ny fiarovana mafiny. Ka hanolotra ny tanàna sy ze akao aminazy daôly Za." ⁹ Ary raha misy folo lahy tavela akao an-dragno raika, de ho foaty daôly zareo. ¹⁰ Raha misy havan'ny maty tonga mba hiaka ny fatin-jareo de ny raika ze handoro ny fatin-jareo afaran'ny hitondrany an'reo faty mivôka ny tragno_ ka raha amin'ny ôla akao an-dragno izy hoe: "Misy ôla miaraka aminao ma akao?" Raha mamaly zany ôla zany hoe: "Tsia". De hiteny izy hoe: "Mangigna, fa ôka tsika tsy hannognona ny agnaran'i Yaveh." ¹¹ Fa, indro, hagnome baiko i Yaveh, ka ho rava ny tragno ngeda, ary ho potika ny tragno kely. ¹² Fà anga ma misy soavaly miazakazaka amin'ny harambato? Misy ôla mampagnosy aomby ma aigny? Nefa namadika ny famarinana ho poizina anareo ary ny vokatry ny fahamarinana ho zava-mahafaty. ¹³ Anareo ze mifaly amin'i Lodebara, ze magnano hoe: "Anga ma tsy efa niaka an'i Karnaina tamin'ny herinay fôgna Zahay?" ¹⁴ Nefa indro hanangana firenena hanotra an'nareo Za, ry zanak'Israely_ zany no lazain'i Tompo Yaveh, Andriamanitra Tompon'ny maro. Hampahory an'nareo manomboka akeo Lebo-hamata ka hatraigny amin'ny lohasahan-drekan'i Araba zareo."