¹ Avy tame gn'alalan'e Sabata, Raha vatany vô nanomboky mangiran-dratsy gn'andri voalohagny ame gn'herignandro, da dila nandeha nagnety e kobory Maria Magdalena miaraky amin'i Maria raiky hafa. ² Indro, nisy horhoron-tany be, fa gn'anjelin'e Tompo e nidigny avy lat'andangitry, avy sady namaringarigny e vato, da nidoboky t'ambonin'izany. ³ Gn'endrikiny da ak9 gne tselatry, da gn'akanjony da fotsy akô oram-panala. ⁴ Nalia indreo mpiambigny da nivadiky akô lelà maty. ⁵ Niresaky tamin-dreo viavy igny anjely igny da nizaka tamindreo hoe: "ka Malia, fantako fa nitadia an'i Jesosy anareo, gne nofantsihagny tame hazofijaliagny. ⁶ Tsy atoa Izy, fa efa nitsangagny, araky gn'efa nozakainy. Avia iteo gne toeragny izay natorian'e Tompo. ⁷ Mandehana malaky da zakay gne mpianatriny hoe: "Nitsangagny tame maty Izy". Indro, efa nandeha nitariky anareo aloha e Galilea Izy. Agny gne hahitanareo Anazy.' Indro, efa nizakaiko taminareo." ⁸ Niala nalaky gne kobory tame tahotry sady tame hafaliagny zakabe indreo viavy, sady nihazakazaky mba hizaka gne mpianatriny. ⁹ Indro, nifanepaky tamindreo Jesosy da nizaka hoe: "Arahaba!" Nagnatogny andreo viavy, mitazogny gne tongotriny sady nidera Anazy. ¹⁰ Da avy eo Jesosy nizaka tamindreo hoe: "Ka malia. Mandehana mizaka amindreo ralàko e Galilia. Agny gn'ahitandreo Anà." ¹¹ Da igny indreo viavy mbola nandea igny, indro, gne sasany tamindreo mpiambigny nandea tame tanàgny zakabe da nizaka tame lohan'e mpisorogny gne raha aby nibôky. Rehefa ¹² nifanepaky tamin-dreo loholo gne mpisorogny da nikoragny mikasiky gn'olo tamindreo, da nagnome vola be andreo miaramila indreo da ¹³ nizaka andreo hoe: " zakay ame gn'afa hoe: 'Avy tame gn'andro aligny e mpianatr'i Jesosy da nangalatry gne vatany raha mbola natory iay.' ¹⁴ Raha avy agny ame governora izany tatitry izany, da handresy lahatry anazy isika sady angala gne tebiteby aminareo. ¹⁵ Sady da nalain'e miaramila mgne vola da nagnano arak'izay efa nozakaigny anazy indreo. Da izany tatitry izany da nieli-patragny tamin'e Jiosy da mitohy mandrak'ankehitriny aza. ¹⁶ Fa nandea e Galilea indreo mpianatry raiky ambin'ny folo, tame tendrombohitr'y izay efa nambaran'i Jesosy andreo. ¹⁷ Rehefa nahita Anazy indreo, da nidera anazy, fa gne sasany kosa nisalasala. ¹⁸ Nagnantogny andreo Jesosy da nikoragny tamindreo da nizaka hoe: "Efa nomegny fahefagny aby agny an-dagnitry sy ety an-tany. ¹⁹ Koa mandehana da anio tonga mpianatriko gne firenegny aby io. Anivo batisa indreo ame gn'agnaran'e Ray, gne Zanaky, da gne Fagnahy Masigny. ²⁰ ampianaro indreo hagneky gne raha aby izay nandidiako anareo. Indro, miaraky aminareo fezay Iao, ndre hatramin'e fitaperan'izao tontolo izao aza."