¹ Ampaherezo rozy hagnenky gnan'ireo mpanapaky voho reo manam-pahefa, hankato gnan-drozy, ho vonona amin'ny asa soa iaby. ² Ampatiarovo gnan-drozy tsy haneso na ia ia , hiala amin'ny adihevitsy , hamela gny hafa hagnaraky gny lalany, voho hampiseho fanetren-tena amin'ny olo iaby. ³ Fa taloha gny vatantsika la tsy nanan-tsiny sady tsy nankato. Voatariky tamin'ny lalan-diso tsika sady nandevozin'ny fila voho gny fahafinareta sambihafa. Niay tao amin'ny faharatia voho gny fialogna tsika. Nankalaza rahay sady nifankalay tsika. ⁴ Fa lafa niseho gny hasoam-pagnahin-Dranagnahary mpamonjy gnantsika voho gny hateany gny olombelo, ⁵ la tsy tamin'ny asan'ny fahamarigna nataontsika io, fa tamin'ny famindram-pony ro namomjea gnantsika. Ie la namomjy gnantsika tamin'ny alalan'ny fagnadiovan'ny fahateraham-baovao voho gny fanavaoza tamin'ny Fagnahy Masy. ⁶ Ndranagnahary nandrotsaky maro tamintsika gny Fagnahy Masy tamin'ny alalan'i Jesosy Kristy Mpamonjy gnantsika. ⁷ Nataony io mba , ho voamarina tamin'ny fahasoava , la ho tonga mpandova tsika amin'ny alalan'ny fahatokisa gny fiaigna mandrakizay. ⁸ Io hafatsy io la mendriki-pitokisa . Teako hilaza momba gnan'io raha io am-pahatokia nareo, mba reo zay mahatoky gnan-Dranagnahary la hikasa hanao gnan'ireo asa soa zay fa napetrany talohan-drozy. Io raha io la sady soa ro mahasoa ho gnan'ny olo iaby. ⁹ Fa ialao gny adihevitsy adala voho gny tantaram-pirazagna voho gny fifandira voho gny aly momban'ny lalagna. Reo raha reo la zava-poana voho tsy mahasoa. ¹⁰ Manda zay olo iaby miteraky fizarazara eo agnivonareo , afaran'ny fampitandrema gnindraiky na gnindroe, ¹¹ sady fantaro fa gny olo manahaky gnan'io la niala tamin'ny lala to sady manota voho magnameloky gny vatany. ¹² Lafa nagniraky gnan'i Artema na Tykiko agny aminareo aho, la faingana voho mankanesa agny amiko agny Nikopolia, zay nanapahako hevitsy andania gny ririnina. ¹³ Malaky voho alefaso Zena, gny mpahay lalagna, voho Apolosy , mba tsy hanan-java-mahory rozy. ¹⁴ Gny olontsika la tsy maintsy mianatsy manao asa soa zay ila malaky mba tsy ahatonga gnan-drozy tsy hamokatsy. ¹⁵ Reo iaby miaraky amiko la manao veloma gnanareo. Manaova veloma reo zay tea gnantsika amin'ny finoa. Ho aminareo iaby anie gny fahasoava.